ULevi 14:7 - iBhayibhili Elingcwele 1978

⁷ amfafaze ngalo kasikhombisa lowo ozakuhlanjululwa esifweni sobulephero, atsho ukuthi usehlambulukile, ayekele inyoni ephilileyo ukuba izihambele egangeni.

IBhayibhili Elingcwele LesiNdebele

⁷ Uzachela lowo ohlanjululwa ubulephero ngalelogazi kasikhombisa, abesesithi usehlambulukile. Abesekhulula inyoni esaphila izihambele egangeni.

ULevi 14:7 Referans Kwoze

UHezekhiyeli 36:25

Ngizalifafaza ngamanzi ahlambulukileyo, lihlambuluke kukho konke ukungcola kwenu, ngilihlambulule lakuzo zonke izithombe zenu.

U-Isaya 52:15

Ngokunjaloke izizwe ezinengi zizamangala, lamakhosi athithibale ngenxa yayo; ngoba lokho abangakubikelwanga bazakukubona, lalokho abangakuzwanga bazakukuqedisisa.

2 AmaKhosi 5:14

Wasehambake, wabhukutsha eJordani kwaze kwaba kasikhombisa njengelizwi lomuntu kaNkulunkulu, wahlambuluka lenyama yakhe yahluma, yafanana leyomntwana omncinyane.

2 AmaKhosi 5:10

UElisha wathumela isithunywa kuye wathi: Hamba uyegeza eJordani kuze kube kasikhombisa, inyama yakho izahluma, lawe uhlambuluke.

1 UPhethro 1:2

abakhethiweyo ngokwazi ngaphambili kukaNkulunkulu uBaba, bahlukaniselwa nguMoya ukulalela uJesu Kristu lokufafazwa ngegazi lakhe; ngithi: Kakwandiswe kini umusa lokuthula.

AmaHebheru 9:19

Ngoba lapho isimenyezelwe imithetho yonke yomlayo nguMose ebantwini bonke, wathatha igazi lamankonyane lelembuzi kanye lamanzi loboya obubomvu lozipho, wafafaza incwadi labantu bonke,

AmaHebheru 9:13

Ngoba uba igazi lezimbuzi lelezinkunzi lokufafazwa komlotha wethokazi kulamandla okuhlambulula abangcolileyo, kuze kuhlambuluke imizimba yabo,

1 UJohane 5:6

Nguye lo oweza ngamanzi langegazi, uJesu Kristu; kezanga ngamanzi kuphela, kodwa weza ngamanzi langegazi.

AmaHebheru 12:24

lakuJesu umlamuli wesivumelwano esitsha, ogazi lakhe elifafaziweyo likhuluma okuhle kakhulu kulelikaAbela.

AmaHebheru 10:22

ngakhoke asisondele ngenhliziyo eqinisileyo langokuthemba okupheleleyo kokukholwa, zifafaziwe inhliziyo zethu, lungasekho uvalo lokubi, lemizimba yethu igezisiwe ngamanzi acwebileyo.

AmaHebheru 9:26

uba kwakunjalo wayemele ukuhlupheka kanengi selokhu kwadatshulwa umhlaba. Kodwa ubonakaliswe kanye ekupheleni kwesikhathi ukuba asuse izono ngokuzinikela kwakhe.

AmaHebheru 9:21

Ngokunjalo wafafaza futhi ithente lezitsha zonke ezisetshenziswa enkonzweni.

UJohane 19:34

kodwa omunye webutho wamgwaza ngomkhonto ohlangothini, kwaphuma masinyane igazi lamanzi.

UMikha 7:19

Uzasihawukela futhi, anyathele phansi ububi bethu. Wena uzaphosela enzikini yolwandle izono zethu zonke;

UDanyeli 9:24

Amaviki angamatshumi ayisikhombisa uNkulunkulu uwamisele abantu bakini lomuzi wakini ongcwele ukuba kuphele ukwenza okubi lezono, emva kwalokhu kuthethelelwe izono, kuqiniswe ukulunga okungapheliyo, kuze kugcwaliseke umbono lesiprofethi, kuhlanjululwe lendawo engcwele kakhulu.

AmaHubo 51:7

Ngigezisa ngehisope, ngizakuhlambuluka; ngigezisa ngibe mhlophe kulongqoqwane.

AmaHubo 51:2

Ungigezise ebubini bami, ungihlambulule esonweni sami.

ULevi 16:22

Impongo izakuthwala bonke ububi babo, iye endaweni elugwadule; izakuyekelwa ukuba izihambele enkangala.

ULevi 16:19

afafaze ialtare ngegazi kasikhombisa ngomunwe wakhe, alihlambulule, alenze libe ngcwele ekungcoleni kwabantu bakoIsrayeli.

ULevi 16:14

Athathe igazi lenkunzi, afafaze ngalo isihlalo somusa ngasempumalanga ngomunwe wakhe; langaphambi kwesihlalo somusa afafaze ngegazi kasikhombisa ngomunwe wakhe.

ULevi 14:51

athathe umkusu lehisope lelembu elibomvu, kanye lenyoni ephilayo, akucwilise egazini lenyoni ebuleweyo lasemanzini amahle, afafaze indlu kasikhombisa.

ULevi 13:17

umpristi amhlole; uba inyama ebomvu iphendukile yaba mhlophe, umpristi uzakutsho ukuthi olesifo uhlambulukile; uhlambulukile sibili.

ULevi 13:13

umpristi uzakumhlola; uba wonke umzimba wakhe ulobulephero, umpristi uzakutsho ukuthi uhlambulukile; ngoba konke kuphendukile kwaba mhlophe, uhlambulukile.

ULevi 8:11

Wafafaza ngawo ialtare kasikhombisa, wagcoba ialtare lezitsha zalo zonke, lomkolo walo lenyawo zawo, ukuba akwahlukanisele iNkosi.

ULevi 4:17

acwilise umunwe wakhe egazini, afafaze ngalo kasikhombisa phambi kweNkosi, ngaphambi kweveli,

ULevi 4:6

acwilise umunwe wakhe egazini, afafaze ngalo kasikhombisa phambi kweNkosi, ngaphambi kweveli lendlu engcwele.

AmaNani 19:12

Uzakuzihlambulula ngamanzi ngosuku lwesithathu langolwesikhombisa, ahlambuluke. Kodwa uba engazihlambululi ngosuku lwesithathu langolwesikhombisa, kayikuhlambuluka.