ULevi 14:21 - iBhayibhili Elingcwele 1978

²¹ Kodwake uba engumyanga, esahluleka ukuletha lokho, kathathe iwundlu eliduna libe ngumnikelo wecala ozazunguzwa ukuba amenzelwe indlela yokubuyisana, kanye lengxenye yehefa lempuphu ecolekileyo ixubene lamafutha kube ngumnikelo wempuphu, lamagcobo,

IBhayibhili Elingcwele LesiNdebele

²¹ Kodwa-ke, nxa engumyanga, engazenelisi lezizinto, kumele athathe izinyane lemvu eliduna libe ngumnikelo wecala ozazunguzwa ukumenzela indlela yokubuyisana, lengxenye eyodwa etshumini yefulawa ecolekileyo ehlanganiswe lamafutha, kungumnikelo wamabele, lehetshezana lwamafutha,

ULevi 14:21 Referans Kwoze

ULevi 5:7

Kodwa uba esehluleka ukuletha imvu, angaletha eNkosini ngesono asenzileyo amajuba amabili loba inkwilimba ezimbili, enye ibe ngumnikelo wesono lenye ibe ngumnikelo wokutshiswa;

ULevi 12:8

Uba esehluleka ukunikela ngemvu, kathathe amajuba amabili loba inkwilimba ezimbili, okunye kube ngumnikelo wokutshiswa lokunye kube ngumnikelo wesono, umpristi amenzele indlela yokubuyisana, ahlambuluke.

Izaga 17:5

Oklolodela umuntu ongumyanga uthuka uMenzi wakhe; ohleka umuntu ohluphekayo kayikuyekelwa.

2 AbaseKhorinte 8:12

Ngoba uba uthando lokupha lukhona, uNkulunkulu uyamukela lokho umuntu alakho, angakudingi lokho umuntu angelakho.

2 AbaseKhorinte 8:9

Ngoba liyawazi umusa weNkosi yethu uJesu Kristu ukuthi, lanxa wayenothile, waba ngumyanga ngenxa yenu, ukuze ngobuyanga bakhe linothe lina.

ULukha 6:20

Wasekhangela ngakubafundi bakhe, wathi: Libusisiwe lina bayanga, ngoba umbuso kaNkulunkulu ungowenu.

Izaga 22:2

Abanothileyo labayanga bayafanana kulokhu ukuthi iNkosi yabenza bonke.

UJobe 34:19

ongazazisi izikhulu, engananzi isinothi ukwedlula umyanga, ngoba bonke bengumsebenzi wezandla zakhe na?

1 USamuyeli 2:8

Iyamvusa umyanga othulini, imphakamisa oswelayo esilotheni, ukuba ibahlalise lezikhulu, bahlale ezihlalweni zodumo. Ngoba insika zomhlaba zingezeNkosi. ibekile ilizwe phezu kwazo.

ULevi 14:22

lamajuba amabili loba inkwilimba ezimbili, loba yilokho alakho, okunye kube ngumnikelo wesono lokunye kube ngumnikelo wokutshiswa.

ULevi 5:11

Kodwa uba esehluleka ukuletha amajuba amabili loba inkwilimba ezimbili, angaletha ngesono asenzileyo ingxenye yehefa yempuphu ecolekileyo ibe ngumnikelo wesono; angatheli mafutha kuyo, angabeki nhlaka phezu kwayo, ngoba ingumnikelo wesono.

ULevi 1:14

Uba umnikelo wakhe eNkosini ungumnikelo wokutshiswa owezinyoni, uzanikela amajuba loba inkwilimba.

ULevi 14:10

Ngosuku lwesificaminwembili uzathatha amawundlu amaduna amabili angelasici, lewundlu elisikazi elilomnyaka munye elingelasici, lomnikelo wempuphu elingana lengxenye yehefa empuphu ecolekileyo ixubene lamafutha, lamagcobo.

ULevi 27:8

Uba umuntu othembisileyo engumyanga, esehluleka ukunika ngokunjalo, uzakuletha lowomuntu kumpristi; umpristi uzakumlinganisa njengokwamandla akhe owathembisayo.

UHezekhiyeli 46:7

Okomnikelo wempuphu sizakunika ihefa kanye lenkunzi, lehefa kanye lenqama, okukanye lamawundlu kuzakuya ngamandla aso kanye lehini lamafutha kulelo lalelohefa.