ULevi 12:8 - iBhayibhili Elingcwele 1978

⁸ Uba esehluleka ukunikela ngemvu, kathathe amajuba amabili loba inkwilimba ezimbili, okunye kube ngumnikelo wokutshiswa lokunye kube ngumnikelo wesono, umpristi amenzele indlela yokubuyisana, ahlambuluke.

IBhayibhili Elingcwele LesiNdebele

⁸ Nxa engenelisi ukunikela ngezinyane lemvu, kumele alethe amajuba amabili loba inkwilimba ezisesencane ezimbili, okunye kungumnikelo wokutshiswa okunye kungumnikelo wesono. Ngalindlela umphristi uzamenzela ukubuyisana, owesifazane uzahlambuluka.’ ”

ULevi 12:8 Referans Kwoze

ULevi 5:7

Kodwa uba esehluleka ukuletha imvu, angaletha eNkosini ngesono asenzileyo amajuba amabili loba inkwilimba ezimbili, enye ibe ngumnikelo wesono lenye ibe ngumnikelo wokutshiswa;

ULevi 4:26

Wonke amahwahwa awo uzakuwatshisa ealtareni njengamahwahwa omhlatshelo weminikelo yokuthula. Ngalokho umpristi uzayenzela indlela yokubuyisana ngesono sayo, ithethelelwe.

ULevi 14:22

lamajuba amabili loba inkwilimba ezimbili, loba yilokho alakho, okunye kube ngumnikelo wesono lokunye kube ngumnikelo wokutshiswa.

ULevi 1:14

Uba umnikelo wakhe eNkosini ungumnikelo wokutshiswa owezinyoni, uzanikela amajuba loba inkwilimba.

2 AbaseKhorinte 8:9

Ngoba liyawazi umusa weNkosi yethu uJesu Kristu ukuthi, lanxa wayenothile, waba ngumyanga ngenxa yenu, ukuze ngobuyanga bakhe linothe lina.

ULevi 15:29

Ngosuku lwesificaminwembili uzathatha amajuba amabili loba inkwilimba ezimbili, akulethe kumpristi ngasemnyango wethente lokuhlangana,

ULevi 15:14

Ngosuku lwesificaminwembili kathathe amajuba loba inkwilimba ezimbili, aye eNkosini ngasemnyango wethente lokuhlangana, akunike umpristi,

UMatewu 21:12

UJesu wasengena ethempelini, wabaxotsha bonke ababethengisa lababethenga ethempelini, wagenqula amatafula ababentshintshelana imali lezihlalo zalabo ababethengisa inkwilimba.

ULevi 12:7

umpristi akunikele eNkosini, amenzele indlela yokubuyisana; ng’khona ezakuhlambuluka. Lowo ngumlayo omayelana lalowo obeletha umfana loba inkazana.

ULevi 13:1

INkosi yathi kuMose loAroni:

ULevi 14:21

Kodwake uba engumyanga, esahluleka ukuletha lokho, kathathe iwundlu eliduna libe ngumnikelo wecala ozazunguzwa ukuba amenzelwe indlela yokubuyisana, kanye lengxenye yehefa lempuphu ecolekileyo ixubene lamafutha kube ngumnikelo wempuphu, lamagcobo,

ULevi 5:11

Kodwa uba esehluleka ukuletha amajuba amabili loba inkwilimba ezimbili, angaletha ngesono asenzileyo ingxenye yehefa yempuphu ecolekileyo ibe ngumnikelo wesono; angatheli mafutha kuyo, angabeki nhlaka phezu kwayo, ngoba ingumnikelo wesono.

ULevi 15:15

umpristi anikele ngakho, okunye kube ngumnikelo wesono lokunye kube ngumnikelo wokutshiswa; ngalokho umpristi uzakumenzela indlela yokubuyisana phambi kweNkosi ngenxa yengulamakhwa obelayo.