ULevi 10:15 - iBhayibhili Elingcwele 1978

¹⁵ Umlenze onikelwayo lesifuba esizunguzwayo bazakukuletha kanye leminikelo yamahwahwa eyenziwe ngomlilo, ukuze kuzunguzwe, kube ngumnikelo wokuzunguzwa phambi kweNkosi, kube yisabelo sakho lesamadodana akho kokuphela, njengokulaya kweNkosi.

IBhayibhili Elingcwele LesiNdebele

¹⁵ Umlenze owanikelwayo kanye lesifuba esazunguzwayo kumele kulethwe kanye lamahwahwa anikelwa ngomlilo, azozunguzwa phambi kukaThixo njengomnikelo wokuzunguzwa. Lokho kuzakuba yisabelo sansukuzonke esakho kanye labantwabakho, njengokulaya kukaThixo.”

ULevi 10:15 Referans Kwoze

ULevi 7:34

Ngoba isifuba esizunguzwayo lomlenze onikelwayo ngikuthethe ebantwini bakoIsrayeli, emihlatshelweni yeminikelo yabo yokuthula, ngakunika uAroni umpristi lamadodana akhe; lokhu kuyisimiso esingelakuphela kubantu bakoIsrayeli ezizukulwaneni zabo.

UGenesisi 17:17

UAbrahama wasesiwa ngobuso, wahleka, wathi enhliziyweni yakhe: Oleminyaka elikhulu uzazalelwa umntwana na? LoSara oleminyaka engamatshumi aficamunwemunye uzakuzala na?

UGenesisi 17:13

Ozelwe endlini yakho lothengiweyo ngemali bamele basokwe. Isivumelwano sami sizakuba senyameni yenu, sibe yisivumelwano esingapheliyo.

UGenesisi 17:8

Ngizakunika wena lenzalo yakho emva kwakho ilizwe ohlala kilo, lonke ilizwe laseKanani libe yilifa elingapheliyo; ngizakuba nguNkulunkulu wabo.

UGenesisi 13:15

ngoba ilizwe lonke olibonayo ngizakukunika lona, ngilinike lenzalo yakho kuze kube nininini.

U-Eksodasi 29:27

Uzakusahlukanisela isifuba somnikelo wokuzunguzwa lomlenze womnikelo wokuphakanyiswa ozunguzwayo, okwenqama yokugcotshwa kompristi ngoba enikelelwa uAroni lamadodana akhe;

ULevi 3:17

Lokhu kuzakuba yisimiso esingelakuphela ezizukulwaneni zenu zonke, emizini yenu yonke, sokuthi lingadli amahwahwa legazi.

AmaNani 5:9

Yonke iminikelo, zonke izinto ezingcwele zabakoIsrayeli abaziletha kumpristi, zizakuba ngezakhe.

U-Eksodasi 29:28

kuzakuba ngokukaAroni lokwamadodana akhe, kube yimfanelo engapheliyo kwabakoIsrayeli; ngoba kuyisabelo sabapristi esivela eminikelweni yokuthula yabakoIsrayeli; kungumnikelo wabo onikelwa eNkosini.

ULevi 2:3

Okuseleyo komnikelo wempuphu kuzakuba ngokukaAroni lokwamadodana akhe; yikhu okungcwele kakhulu eminikelweni eyenzelwe iNkosi ngomlilo.