ULevi 1:11 - iBhayibhili Elingcwele 1978

¹¹ ayihlabe ngasohlangothini lwealtare olungasenyakatho, phambi kweNkosi; amadodana kaAroni angabapristi akhaphazele igazi layo ealtareni inxa zonke.

IBhayibhili Elingcwele LesiNdebele

¹¹ Kuzamele asihlabele enyakatho ye-alithare phambi kukaThixo, njalo amadodana ka-Aroni angabaphristi azachela igazi laso emaceleni wonke e-alithare.

ULevi 1:11 Referans Kwoze

ULevi 1:5

Kayihlabe inkunzi phambi kweNkosi; amadodana kaAroni angabapristi azathatha igazi, alikhaphazele ealtareni, inxa zonke elingasemnyango wethente lokuhlangana.

UHezekhiyeli 8:5

Wasesithi kimi: Ndoda, ake ukhangele ngasenyakatho. Ngasengikhangela ngasenyakatho, ngabona lesosithombe somona ngasenyakatho kwesango lealtare, ngasentubeni yalo.

ULevi 7:2

Umnikelo wecala uzakuhlatshelwa endaweni lapho kuhlatshelwa khona umnikelo wokutshiswa, legazi lawo likhatshazelwe ealtareni inxa zonke.

ULevi 6:25

Tshono kuAroni lamadodana akhe uthi: Nanku umlayo womnikelo wesono. Umnikelo wesono uzakuhlatshwa phambi kweNkosi endaweni lapho kuhlatshelwa khona umnikelo wokutshiswa; ungcwele kakhulu.

U-Eksodasi 40:22

Wafaka itafula ethenteni lokuhlangana, ohlangothini lweTabernakeli olungasenyakatho phandle kweveli,

U-Eksodasi 24:6

UMose wathatha ingxenye yegazi, wayithela emiganwini; lengxenye wayikhaphazela ealtareni.

ULevi 4:29

Uzabeka isandla sakhe enhlokweni yomnikelo wesono, awuhlabe endaweni yomnikelo wokutshiswa.

ULevi 8:19

UMose wayihlaba, wakhaphazela igazi ealtareni inxa zonke.

ULevi 14:13

ahlabe iwundlu endaweni engcwele lapho kuhlatshelwa khona umnikelo wesono lomnikelo wokutshiswa; ngoba umnikelo wecala ungowompristi, njengomnikelo wesono, ungcwele kakhulu.

UHezekhiyeli 43:18

Wasesithi kimi: Ndoda, iNkosi uNkulunkulu ithi: Nansi imithetho emayelana lokunikela ealtareni. Mhla lisakhelwa ukunikela iminikelo yokutshiselwa kilo lokukhaphazela igazi kilo,