UJoweli 3:2 - iBhayibhili Elingcwele 1978

² ngizabutha zonke izizwe, ngizilethe esihotsheni sikaJehoshafati, ngizithonisise khona ngenxa yabantu bami lesizwe sami uIsrayeli, ngoba zabachithachitha phakathi kwezizwe, zabelana ilizwe lami,

IBhayibhili Elingcwele LesiNdebele

² ngizaqoqa izizwe zonke ngizehlisele eSigodini sikaJehoshafathi. Lapho-ke ngizazahlulela mayelana lelifa lami, abantu bami u-Israyeli ngoba zahlakazela abantu bami phakathi kwezizwe, zabelana ilizwe lami.

UJoweli 3:2 Referans Kwoze

UZefaniya 3:8

Ngakhoke ngilindela, itsho iNkosi, kuze kube lusuku engizakuvuka ngalo ngithonisise izizwe. Ngoba isiqumo sami siyikubuthelela izizwe, ngiqoqe imibuso, ngithululele phezu kwayo intukuthelo yami, konke ukuvutha kolaka lwami; ngoba ngomlilo wolaka lwami lomona wami wonke umhlaba uzakutshiswa.

U-Isaya 66:16

Ngoba iNkosi izakwahlulela ngomlilo langomkhonto wayo bonke abantu, banengi ezakubabulala.

UHezekhiyeli 38:22

Ngizamjezisa ngesifo langokuchitheka kwegazi, ngehlisele phezu kwakhe lamaxuku akhe labo bonke abantu abalaye izulu lesiqhotho lomlilo lesolufa.

Isambulo 16:16

Bawahlanganisela amakhosi endaweni ethiwa ngesiHeberu iArmagedoni.

UJoweli 3:12

Kazizivuse izizwe, zizwe esihotsheni sikaJehoshafati; ngoba kulapho ngizahlala khona ukuthonisisa zonke izizwe ezizingelezeleyo.

UHezekhiyeli 39:11

Ngalolosuku ngizanika uGogi indawo yokungcwabela koIsrayeli isihotsha seseAbarimi, esingasempumalanga kolwandle. Bazangcwatshelwa lapho uGogi lawo wonke amaxuku akhe, ligcwale lonke iAbarimi, balibize ngokuthi yisiHotsha samaxuku kaGogi.

UHezekhiyeli 35:10

Ngoba utshilo wathi: Lezizizwe ezimbili, oJuda loIsrayeli, lamazwe azo kuzakuba ngokwami, sizahlala kukho, lapho iNkosi yayihlala khona;

UJeremiya 25:31

Umsindo uzafinyelela emikhawulweni yomhlaba, ngoba iNkosi iyamelana lezizwe, iyabagweba bonke abantu, ababi izakubanikela ekubulaweni, kutsho iNkosi.

Isambulo 20:8

aphumele ukuduhisa izizwe ezisemagumbini amane omhlaba, azibuthele ekulweni izimpi zikaGogi loMagogi, ubunengi bazo bungangetshebetshebe lolwandle.

Isambulo 16:14

Yona ingomoya ababi abenza izibonakaliso, abaphuma ukuya emakhosini omhlaba wonke ukuwahlanganisela ekulweni ngosuku olukhulu lukaNkulunkulu, uSomandla. —

Isambulo 16:6

ngoba abantu bachitha igazi labangcwele lelabaprofethi, wabanika ukuba balinathe igazi; lokhu kubafanele.

uAmosi 1:11

INkosi ithi: Ngenxa yeziphambeko ezinengi zamaEdoma kangiyikuwayekela, ngoba axotshana labafowabo ngomkhonto, aswela isihawu, lolaka lwawo lwavutha njalonjalo, ahlala ethukuthela kokuphela.

UHezekhiyeli 36:5

INkosi uNkulunkulu ithi: Ngikhuluma ngomona wami otshisayo ngezinye izizwe, ikakhulu ngalo lonke iEdoma, abazithathela ilizwe lami ngokuthokoza langokudelela ukuba libe ngelabo, bahlale kilo.

UHezekhiyeli 25:8

INkosi uNkulunkulu ithi: Ngoba iMowabi lathi: UJuda uyafana nje lazo zonke ezinye izizwe;

UJeremiya 49:1

Mayelana lamaAmoni. INkosi ithi: UIsrayeli kalamadodana na? Kalayo indlalifa na? Abakhonza uMilkomu bathathelani ilizwe lakoGadi, bahlale emizini yalo na?

UJeremiya 12:14

INkosi ithi mayelana labo bonke omakhelwana ababi abalihlaselayo ilizwe engilinike abantu bami bakoIsrayeli ukuba libe yilizwe labo: Ngizakubasiphuna elizweni labo, ngiyisiphune indlu yakoJuda, ngiyisuse phakathi kwabo.

2 ImiLando 20:26

Ngosuku lwesine babuthana esihotsheni saseBeraka, bayibonga khona iNkosi; ngakho leyondawo yathiwa yisihotsha saseBeraka kuze kube lamhla.

Isambulo 11:18

Izizwe zathukuthela, kodwa lwafika ulaka lwakho. Ngakhoke sekuyisikhathi sokuthonisiswa kwabafileyo; sekuyisikhathi sokunikwa komvuzo ezincekwini abaprofethi, lasebantwini bakho abangcwele abahlonipha ibizo lakho, abakhulu labancinyane, isikhathi sokubhujiswa kwababhubhisa umhlaba.

U-Isaya 66:18

Ngiyeza ukubutha zonke izizwe lemihlobo yonke, kuzafika, kubone ubukhulu bami.

UJeremiya 50:17

UIsrayeli uyimvu ezingelwayo, exotshwa yizilwane. Kuqala wadliwa yinkosi yaseAsiriya, emva kwalokho uNebukadineza inkosi yaseBabiloni uqhobile amathambo akhe.

UHezekhiyeli 34:6

Izimvu zami zachitheka, zazulazula kuzo zonke intaba, lakiwo wonke amaqaqa aphakemeyo; izimvu zami zachitheka endaweni zonke zomhlaba, kungekho loyedwa ozilandelayo azidinge.

UHezekhiyeli 36:1

Ndoda, tshumayela ngentaba zakoIsrayeli uthi: Lina zintaba zakoIsrayeli, zwanini ilizwi leNkosi.

UJoweli 3:14

Amaxuku ngamaxuku akhona esihotsheni sokwahlulela. Ngoba usuku lweNkosi selusondele esihotsheni sokwahlulela.

UMikha 4:12

Kodwa kabayazi imicabango yeNkosi, kabawaqedisisi amacebo ayo, ukuthi ubabuthelele njengezithungo esizeni.