UJoweli 2:3 - iBhayibhili Elingcwele 1978

³ Umlilo uyatshisa phambi kwabo, langemva kwabo kuvutha ilangabi. Phambi kwabo ilizwe lifanana lensimu yaseEdeni, kodwa ngemva kwabo liyinkangala elugwadule; kakukho okungabaleka kubo.

IBhayibhili Elingcwele LesiNdebele

³ Phambi kwabo umlilo uyatshisa, ngemva kwabo amalangabi ayavutha. Phambi kwabo ilizwe linjengensimu yase-Edeni ngemva kwabo yinkangala elugwadule, akukho okubaphunyukayo.

UJoweli 2:3 Referans Kwoze

U-Isaya 51:3

Ngoba iNkosi izakuliduduza iZiyone, iduduze wonke amanxiwa alo, izakwenza inkangala yalo ifane leEdeni, lomhlaba walo olugwadule ufane lensimu yeNkosi; injabulo lentokozo kuzafunyanwa khona, lokubonga lelizwi lokuhlabelela.

UGenesisi 2:8

INkosi uNkulunkulu yenza insimu eEdeni ngasempumalanga, yambeka khona umuntu eyayimenzile.

UZakhariya 7:14

Ngabachithachitha phakathi kwezizwe zonke ababekade bengazazi. Ngakho ilizwe abalitshiyayo lachitheka, kakusadabulanga muntu kulo, lelizwe elihle laba yinkangala.

U-Eksodasi 10:15

Ngoba sagcwala ilizwe lonke, kwaze kwaba mnyama elizweni; sadla yonke imibhida lazo zonke izithelo zezihlahla ezasala esiqhothweni; kakusalanga lutho oluluhlaza, lesihlahla lombhida weganga kulo lonke ilizwe laseGibithe.

U-Eksodasi 10:5

esizakusibekela lonke ilizwe ukuba lingabonakali kumuntu, sidle konke lokho okwasalayo esiqhothweni, sidle zonke izihlahla zakho ezisegangeni.

uAmosi 7:4

INkosi uNkulunkulu yasingitshengisa lokhu; yehlisa umlilo ukwahlulela ngawo, owaqothula amanzi amanengi, owawusuzakuqeda ilizwe.

UJeremiya 5:17

Bazakudla amabele akho lokudla kwakho, badle amadodana akho lamadodakazi akho, badle izimvu zakho lenkomo zakho, badle amavini akho lemikhiwa yakho; lemizi yakho ebiyelweyo othembela kiyo, bazayichitha.

AmaHubo 50:3

UNkulunkulu wethu uyeza, kayikuthula, phambi kwakhe kulomlilo oqothulayo, emaceleni akhe kulesiphepho esikhulu.

UGenesisi 13:10

ULoti wasephakamisa amehlo akhe, wabona ukuthi lonke igceke laseJordani lalilamanzi, iNkosi ingakachithi iSodoma leGomora; lalinjengensimu yeNkosi lanjengelizwe laseGibithe kuze kufike eZowari.

AmaHubo 97:3

Umlilo uyavutha phambi kwayo, utshise izitha zayo inxa zonke.

U-Isaya 9:18

Ngoba ububi butshisa njengomlilo, buqeda ukhula lameva; buthungela izihlahla zehlathi, zize zithunqe intuthu.

U-Isaya 9:19

Ngolaka lweNkosi yamabandla ilizwe litshisiwe, abantu banjengezinkuni zomlilo; kakho oyekela umfowabo.

U-Isaya 14:17

waphendula ilizwe laba njengenkangala, wachitha imizi yalo, ongavumelanga izibotshwa zakhe ukuba zibuyele emakhaya na?

U-Isaya 15:6

Amanzi omfula iNimrimi acitshile, lotshani buyoma, uhlaza luyaphela, kakusekho okuluhlaza.

UHezekhiyeli 36:35

Bazakuthi: Lelilizwe ebeseliyinkangala selifana lensimu yaseEdeni; lemizi ebisichithekile isiyinkangala isingamanxiwa, isibiyiwe ihlala abantu.

U-Isaya 33:4

njengezintethe ezinengi zifika ziqede konke, ngokunjalo abantu baqeda zonke impahla zezizwe zibe yimpango.

UHabhakhukhi 1:6

Ngoba, khangelani, ngivusa amaKaladiya, isizwe esilesihluku lesilamandla, esidabula emhlabeni wonke ukuyathumba indawo zokuhlala ezingeyisizo ezaso.