UJoweli 2:16 - iBhayibhili Elingcwele 1978

¹⁶ buthanisani abantu, libize ibandla, lihlanganise abadala labantwana lensane ezimunyayo. Umyeni kaphume endlini yakhe, lomlobokazi exhibeni lakhe.

IBhayibhili Elingcwele LesiNdebele

¹⁶ Buthanisani abantu, ngcwelisani ibandla; hlanganisani abadala, buthanisani abantwana labo abamunyayo. Umyeni katshiye indlu yakhe lomlobokazi atshiye ikamelo lakhe.

UJoweli 2:16 Referans Kwoze

2 ImiLando 29:5

wathi kubo: Lalelani lina, maLevi; zihlambululeni, lihlambulule lendlu yeNkosi uNkulunkulu wabokhokho benu, likhuphe yonke ingcekeza esendaweni engcwele.

2 ImiLando 20:13

Bonke abakoJuda babemi phambi kweNkosi uNkulunkulu labomkabo labantwana babo.

1 AbaseKhorinte 7:5

Lingancitshani, kuphela kube ngokwesikhathi ngokuvumelana ukuba lizuze ithuba lokukhuleka, libuye lihlangane futhi, funa uSathane alilinge ngokungazithinti kwenu.

UJoweli 1:14

Zilani ukudla, lenze inkonzo enkulu lina badala, buthanisani bonke abakhileyo elizweni, endlini yeNkosi uNkulunkulu wenu, likhuleke kuyo.

1 USamuyeli 16:5

Yena wathi: Yebo, ngize ngokuthula; ngize ukuhlabela iNkosi; zihlambululeni, lihambe lami ekuhlabeni. Wasehlambulula uJese lamadodana akhe, labo wabamema ukuba beze ekuhlabeni.

U-Eksodasi 19:22

Labapristi abasondela eNkosini bazihlambulule funa iNkosi ibadumele.

U-Eksodasi 19:10

INkosi yathi kuMose: Hamba uye ebantwini, ubatshele bazihlambulule lamuhla lakusasa, bagezise ingubo zabo,

UMatewu 9:15

UJesu wathi kubo: Abakwabo kamyeni bangalila yini, umyeni eselabo na? Kodwa zizakufika insuku lapho umyeni ezakususwa kubo; kubeng’khonake bezakuzila.

AmaHubo 19:5

elinjengomyeni ephuma endlini yakhe, njengendoda elamandla lihamba indlela yalo ngokuthokoza.

UJobe 1:5

Kwakuthi lapho seziphelile insuku zedili, uJobe ababize, abahlambulule, avuke ekuseni kakhulu, anikele umnikelo wokutshiswa olingana lobunengi bamadodana akhe, ngoba wathi: Mhlawumbe amadodana ami onile, amthuka uNkulunkulu enhliziyweni zawo. Wenza njalo uJobe insuku ngensuku.

2 ImiLando 35:6

Lihlabe iwundlu lePhasika, lizihlambulule, lilungisele izihlobo zenu ukuba lenze njengokutsho kwelizwi leNkosi ngoMose.

2 ImiLando 30:19

abazimisele ukumdinga uNkulunkulu, iNkosi uNkulunkulu wabokhokho babo, lanxa bengayilandelanga imithetho yokuhlanjululwa kwendlu engcwele.

2 ImiLando 30:17

Babebanengi ebandleni ababengazihlambululanga; ngakho amaLevi ahlabela lowo lalowo ongcolileyo amawundlu ePhasika ukuba babe ngcwele eNkosini.

UJoshuwa 7:13

Suka, ubuthanise abantu, uthi kibo: Zihlambululeni ngenxa yosuku lwakusasa libe ngcwele; ngoba iNkosi, uNkulunkulu kaIsrayeli, ithi: Kukhona izinto ezinikelwe eNkosini eziphakathi kwenu, lina Israyeli; lingeke lime phambi kwezitha zenu lingakakhuphi phakathi kwenu izinto ezinikelweyo.

U-Eksodasi 19:15

Wathi ebantwini: Libe selilungile ngosuku lwesithathu; lingasondeli kowesifazana.

UMatewu 21:16

bathi kuye: Uyakuzwa lokhu abakutshoyo laba na? UJesu wathi kubo: Yebo, kalifundanga yini ukuthi: Emlonyeni wezingane lowabamunyayo uvezile ukudumisa okupheleleyo?

UJoshuwa 8:35

Kakukho lelilodwa ilizwi uMose alilayayo angalifundanga uJoshuwa phambi kwebandla lakoIsrayeli kanye labesifazana labantwana labezizweni abahlala phakathi kwabo.