UJoweli 2:1 - iBhayibhili Elingcwele 1978

¹ Khalisani uphondo eZiyone, lihlabe umkhosi entabeni yami egcwele. Kabathuthumele bonke abakhileyo elizweni, ngoba usuku lweNkosi luyeza, seluseduze,

IBhayibhili Elingcwele LesiNdebele

¹ Vuthelani icilongo eZiyoni; hlabani umkhosi entabeni yami engcwele. Bonke abahlala elizweni kabathuthumele, ngoba usuku lukaThixo luyeza. Selusondele, selufikile,

UJoweli 2:1 Referans Kwoze

1 UPhethro 4:7

Ukuphela kwezinto zonke sekusondele. Ngakho zikhuzeni, liqonde, likhuleke.

UJoweli 2:15

Khalisani uphondo eZiyone, lizile ukudla, lenze inkonzo enkulu;

UJoweli 1:15

Maye ngalolosuku! Ngoba usuku lweNkosi luseduze, luzafika njengokuchitheka okulethwa nguSomandla.

UJoweli 3:17

Ngalokhoke lizakwazi ukuba ngiyiNkosi, uNkulunkulu wenu ohlala eZiyone, intaba yami engcwele. IJerusalema lizakuba ngcwele, abezizwe kabasayikuphinda badlule phakathi kwalo futhi.

UMalaki 4:1

Ngoba luyeza usuku oluvutha njengeziko lapho bonke abaziphakamisayo labenza okubi bazakuba njengezibi ezitshayo; lolosuku oluzayo luzabatshisa, kutsho iNkosi yamabandla, lungabatshiyeli impande logatsha.

UZefaniya 3:11

Ngalolosuku lina bantu bami, kaliyikuyangeka ngenxa yezenzo eliphambuka ngazo kimi, ngoba ngizakhupha phakathi kwenu labo abazikhukhumezayo; kalisayikuziphakamisa entabeni yami engcwele.

UZefaniya 1:14

Usuku olukhulu lweNkosi selusondele, luyeza ngokuphangisa; usuku lweNkosi lulobuhlungu, iqhawe liyakhala kakhulu kulo.

UJeremiya 5:22

Kalingesabi na? kutsho iNkosi. Kalithuthumeli phambi kwami na? Ngabeka itshebetshebe laba ngumkhawulo wolwandle, umkhawulo oqinileyo olungelakuwudlula; lanxa amavinqo etshayana angeweqe, lanxa ehlokoma, kawalakudlula phezu kwalo.

U-Isaya 66:2

Zonke lezizinto zenziwe yizandla zami, ngakho zonke lezizinto ngezami, kutsho iNkosi. Kodwa umuntu engimqaphelisayo yilowo othobekileyo, olomoya odabukileyo, olesabayo ilizwi lami.

1 AbaseThesalonika 5:2

ngoba lina uqobo liyazi kuhle ukuthi usuku lweNkosi luzakufika njengesela ebusuku.

uObadiya 1:15

Ngoba usuku lweNkosi lusondele ezizweni zonke. Njengokwenza kwakho kuzakwenziwa njalo lakuwe, Edoma, izenzo zakho zizakwehliselwa ekhanda lakho.

uAmosi 3:6

Uphondo lungakhala emzini abantu bengethuki na? Umuzi ungehlelwa ngokubi iNkosi ingakuvumelanga na?

UHosiya 5:8

Khalisani uphondo eGibeya, lilukhalise eRama, lihlabe umkhosi eBeti‐Aveni, uthuthumele, wena Benjamini.

UHezekhiyeli 7:12

Isikhathi sesifikile, losuku lusondele. Umthengi kangathokozi, lothengisayo angazisoli, ngoba ulaka lwehlela phezu kwabo bonke.

UJeremiya 4:5

Khulumani koJuda, limemeze eJerusalema lithi: Khalisani uphondo elizweni, limemeze kakhulu lithi: Buthanani, singene emizini ebiyelweyo.

UJakhobe 5:8

Lanike bekezelani, liqinise inhliziyo zenu, ngoba ukufika kweNkosi sekusondele.

AbaseFiliphi 2:12

Ngakhoke, bathandiweyo bami, njengalokho lilalela ngezikhathi zonke, kungesikho nxa ngikhona kuphela, kodwa ikakhulu nxa ngingekho, phelelisani umsebenzi wokusiliswa kwenu ngokwesaba langokuthuthumela,

UZefaniya 1:16

usuku lokutshaya uphondo lokuhlaba umkhosi wokulwa ngasemizini ebiyelweyo lasezinqabeni eziphakemeyo.

uAmosi 8:2

Yathi kimi: Amosi, ubonani na? Ngathi: Ngibona isitsha sezithelo zasehlobo. INkosi yasisithi kimi: Ukuphela sekufikile ebantwini bami uIsrayeli; kangisayikubayekela futhi.

UHosiya 8:1

INkosi ithi: Khalisa uphondo, ngoba ukhozi luzula phezu kwendlu yeNkosi; abantu bami sebephule isivumelwano sami, baphambuka emlayweni wami.

UHezekhiyeli 33:3

nxa ebona impi isiza elizweni, akhalise uphondo, axwayise abantu,

UHezekhiyeli 12:23

Batshele uthi: INkosi uNkulunkulu ithi: Ngizasiqeda lesisaga, kabasayikusisebenzisa koIsrayeli. Uthi kibo: Insuku zisondele, kanye lokugcwaliseka kwemibono yonke.

UHezekhiyeli 7:10

Nanto usuku, nantu luyeza. Ukuchitheka kwenu sekufikile, ububi buyahluma, lokuziqhenya kukhahlele,

UDanyeli 9:20

Kwathi ngisakhuluma ngikhuleka, ngivuma izono zami lezono zabantu bakithi uIsrayeli, ngincenga iNkosi uNkulunkulu wami ngentaba engcwele kaNkulunkulu wami,

UDanyeli 9:16

Nkosi, ngakho konke ukulunga kwakho dedisa ulaka lwakho lokuthukuthela kwakho emzini waseJerusalema, entabeni yakho engcwele. Ngoba ngenxa yezono zethu langobubi babokhokho iJerusalema labantu bakho bayisiga phakathi kwabo bonke abasihanqileyo.

UDanyeli 6:26

Ngiyamisa umthetho ukuthi kuwo wonke amazwe asembusweni wami abantu kabathuthumele bamesabe uNkulunkulu kaDaniyeli. Ngoba unguNkulunkulu ophilayo, lohlala kuze kube nininini. Umbuso wakhe kawuyikuchithwa, lokubusa kwakhe kuzakuma kuze kube sekupheleni.

UHezekhiyeli 33:6

Kodwa nxa umlindi ebona impi isiza, angalukhalisi uphondo, abantu bengaxwayiswa, impi ifike ibulale omunye wabo, lowomuntu afele esonweni sakhe, umlandu uzakuba ngowomlindi.

UJeremiya 16:10

Kuzakuthi lapho ubatshela lababantu wonke lamazwi, bathi kuwe: INkosi ikhulumelani konke lokhu okubi okukhulu ngathi na? Ububi bethu buyini? Yisiphi isono esisenze eNkosini uNkulunkulu wethu na?

UJeremiya 16:7

Kakho ozakubanika abalilayo isinkwa ukubaduduza ngenxa yabafileyo; futhi kakho ozamnathisa inkezo yokududuza ngoyise langonina.

U-Isaya 66:5

Zwanini ilizwi leNkosi, lina elithuthumela ngelizwi layo elokuthi: Abafowenu abalizondayo, abalixotsha ngenxa yebizo lami, bathi: Kayibe lodumo iNkosi, ukuze sibone intokozo yenu; kodwake yibo abazakuyangeka.

U-Isaya 2:12

Ngoba iNkosi yamabandla ilosuku elulindisele konke okuzigqajayo lokuzikhukhumezayo, lakho konke okuziphakamisayo lokuphakemeyo,

AmaHubo 119:120

Umzimba wami uyathuthumela ulovalo ngawe, ngiyesaba izahlulelo zakho.

AmaHubo 87:1

Phezu kwentaba engcwele kumi umuzi eyawakhayo iNkosi.

AmaNani 10:3

Ekukhaleni kwempondo zombili, lonke ibandla lizahlangana lawe ngasemnyango wethente lokuhlangana.

UZakhariya 8:3

INkosi ithi: Ngizabuyela eZiyone, ngihlale phakathi kweJerusalema, leJerusalema lizakuthiwa ngumuzi othembekileyo, lentaba yeNkosi yamabandla izakuthiwa yintaba engcwele.

1 ImiLando 15:28

Ngakhoke bonke abakoIsrayeli bawuletha umtshokotsho wesivumelwano seNkosi ngokumemeza langokukhala kwezimpondo lokwezigubhu, betshaya amachacho lemihubhe.

1 AbaseKhorinte 14:8

Uba uphondo lukhala ngelizwi elingaqondakaliyo, ngubani ozakuzilungisela ukulwa na?

Isambulo 6:17

ngoba usuku olukhulu lolaka lwabo selufikile; ngobani abalamandla okuma na?

U-Eksodasi 10:14

Isikhongwane safika elizweni lonke laseGibithe, sahlala endaweni zonke zaseGibithe, sasinengi kakhulu. Kwakungazanga kube khona isikhongwane esingangaso ngaphambi kwaso, futhi kakuyikuba khona esingangaso emva kwaso.

UHezekhiyeli 30:3

Usuku selusondele, usuku lweNkosi selusondele, luzakuba lusuku olulamayezi, isikhathi sokuchitheka kwezizwe.

UJoweli 2:11

INkosi izwakalisa ilizwi layo phambi kwempi yayo, ngoba impi yayo yinkulu kakhulu; logcina ilizwi layo ulamandla. Ngoba usuku lweNkosi lukhulu, luyesabeka kakhulu; ngubani ongalumela na?

UJoweli 2:31

Ilanga lizaphenduka umnyama, lenyanga ibe ligazi, lungakafiki usuku lweNkosi olukhulu lolwesabekayo.

UJoweli 3:14

Amaxuku ngamaxuku akhona esihotsheni sokwahlulela. Ngoba usuku lweNkosi selusondele esihotsheni sokwahlulela.

uAmosi 5:18

Maye kini, lina elifisa usuku lweNkosi! Usuku lweNkosi luzakulisizani na? Ngoba lungumnyama, kalusikho ukukhanya.

UZakhariya 14:1

Luyeza usuku lokwahlulela kweNkosi, lapho impango ethethwe kuwe izakwahlukaniswa phakathi kwakho.

AmaNani 10:2

Yenza impondo ezimbili zesiliva, uzikhande, uzisebenzise ekubizeni ibandla lasekusukeni kwabantu.

U-Isaya 13:6

Lilani, ngoba usuku lweNkosi lusondele; njengokuchitheka okuvela kuSomandla luzakufika.

U-Isaya 13:9

Khangelani, usuku lweNkosi luyeza lulobuhlungu lokufutheka lolaka oluvuthayo, ukuba luchithe umhlaba, lubhubhise izoni ezikuwo.

UHezekhiyeli 21:12

Khala ulile, ndoda, ngoba lumkhonto ngowokulwa labantu bami, ngowokulwa lazo zonke izikhulu zakoIsrayeli; zinikelwe kuwo kanye labantu bami. Ngakho tshaya isifuba sakho ngenxa yosizi,

UZefaniya 1:7

Thula phambi kweNkosi uNkulunkulu! Ngoba usuku lokwahlulela kwayo selusondele. INkosi isilungisile umhlatshelo, yahlambulula labamenyiweyo bayo.