UJoweli 1:13 - iBhayibhili Elingcwele 1978

¹³ Gqokani izambatho zokulila, likhale, lina bapristi, lilani, lina zikhonzi zasealtareni. Ngenani, lilale lambethe izambatho zokulila bonke ubusuku, lina zikhonzi zikaNkulunkulu wami. Ngoba umnikelo wempuphu lomnikelo wokunathwayo igodliwe ukunikelwa endlini kaNkulunkulu wenu.

IBhayibhili Elingcwele LesiNdebele

¹³ Vunulani amasaka, lina baphristi, likhale. Lilani lina elikhonzayo phambi kwe-alithari. Wozani, lilale lembethe amasaka ebusuku, lina elikhonzayo phambi kukaNkulunkulu wami, ngoba iminikelo yamabele leminikelo yokunathwayo igodliwe, kayanikelwa endlini kaNkulunkulu wenu.

UJoweli 1:13 Referans Kwoze

UJeremiya 4:8

Ngenxa yalokho yambatha izambatho zokulila, ukhale ulile; ngoba ulaka lweNkosi olwesabekayo kaluhlehlanga kithi.

UJoweli 2:17

Abapristi, izikhonzi zeNkosi, kabakhale phakathi komkoto lealtare, bathi: Bahawukele abantu bakho, Nkosi, ungabenzi babe yinhlamba, lesiga phakathi kwezizwe. Bazakutsholoni phakathi kwezizwe ukuthi: Ungaphi uNkulunkulu wabo na?

UHezekhiyeli 7:18

Bonke bazagqoka izambatho zokulila, behlelwe yikwesaba, babanjwe zinhloni, baphuce amakhanda.

UJeremiya 9:10

Ngizakhala ngililele izintaba, lamadlelo asenkangala, ngoba kuchithiwe, kakusekho ohamba khona, kakusezwakali ukukhala kwezinkomo, inyoni zaphezulu lenyamazana zibalekile zahamba.

1 AmaKhosi 21:27

Kwathi uAhabi esizwa lamazwi wadabula izigqoko zakhe, wagqoka izambatho zokulila, wazila ukudla, walala ngezambatho zokulila, wahamba edanile.

2 AbaseKhorinte 11:23

Bayizikhonzi zikaKristu na? Ngikhulumisa okohlanya, ngiyiso kakhulu mina kulabo bonke. Ngoba ngibe sekusebenzeni nzima kulabo, ngibe sekubotshweni kanengi kulabo, ngibe sekutshayweni okukhulu, ngaba sengozini zokufa ngezikhathi ezinengi.

2 AbaseKhorinte 6:4

Kodwa kukho konke sizibonakalisa siyizikhonzi zikaNkulunkulu ngokubekezela okukhulu, ezinhluphekweni, lasebunzimeni, lasekubandezekeni,

2 AbaseKhorinte 3:6

ngoba nguye futhi osinike amandla okuba yizikhonzi zesivumelwano esitsha, okungesiso sokulotshiweyo kodwa esikaMoya; ngoba okulotshiweyo kuyabulala, kodwa uMoya uyaphilisa.

1 AbaseKhorinte 9:13

Kalazi yini ukuthi labo abasebenza ethempelini badla okwethempelini, lalabo abakhonza ealtareni bahlanganyela lealtare na?

1 AbaseKhorinte 4:1

Kasaziwe ngokuthi siyizisebenzi zikaKristu labaphathi bemfihlakalo zikaNkulunkulu.

U-Isaya 61:6

Kodwa lina lizakuthiwa lingabapristi beNkosi, libizwe ngokuthi yizikhonzi zikaNkulunkulu wethu; lizakudla imfuyo yezizwe, lithokoze ngenotho yazo.

2 USamuyeli 12:16

UDavida wamkhulekela kuNkulunkulu umntwana; wazila ukudla, wangena walala phansi ubusuku bonke.

AmaNani 29:6

kanye lomnikelo wokutshiswa wenyanga ethwasayo lomnikelo wawo wempuphu, lomnikelo wokutshiswa wensuku ngensuku lomnikelo wawo wempuphu, leminikelo yayo yokuthululwa ngokwesimiso sayo, kube liphunga elimnandi, lomnikelo owenzelwe iNkosi ngomlilo.

Isambulo 11:3

Ngizakubanika ofakazi bami ababili amandla okutshumayela insuku eziyinkulungwane lamakhulu amabili lamatshumi ayisithupha begqoke amasaka.

U-Isaya 22:12

Ngalolosuku iNkosi uNkulunkulu wamabandla yalibizela ukuba likhale lilile, liphuce amakhanda, ligqoke izambatho zokulila;

UHezekhiyeli 21:12

Khala ulile, ndoda, ngoba lumkhonto ngowokulwa labantu bami, ngowokulwa lazo zonke izikhulu zakoIsrayeli; zinikelwe kuwo kanye labantu bami. Ngakho tshaya isifuba sakho ngenxa yosizi,

UHosiya 9:5

Bazakwenza njani ngosuku lomkhosi omisiweyo, langosuku lwedili leNkosi na?

UJoweli 2:14

Mhlawumbe izaphenduka isihawukele, isitshiyele isibusiso, isibusiso somnikelo wempuphu lomnikelo wokunathwayo weNkosi, uNkulunkulu wenu.

AmaNani 28:4

Elinye iwundlu lizanikela ngalo ekuseni, elinye linikele ngalo kusihlwa,

AmaNani 28:7

Umnikelo wokuthululwa oqondene lomnikelo lo uzakuba ngokwesine kwehini ngewundlu linye; lizakuthululela iNkosi umnikelo wokuthululwa wewayini endaweni engcwele.

AmaNani 28:14

Umnikelo wokuthululwa oqondene lalokho uzakuba yingxenye yehini lewayini ngenkunzi, lokwesithathu kwehini ngenqama, lokwesine kwehini ngewundlu. Lokhu kungumnikelo wokutshiswa wezinyanga zonke zomnyaka.

UHezekhiyeli 27:31

baziphuce amakhanda, bagqoke izambatho zokulila, bakukhalele kakhulu, bakhale ngokukhala okubuhlungu.

UJoweli 2:12

Kanti lakhathesinje, kutsho iNkosi, phendukelani kimi ngenhliziyo zenu zonke, ngokuzila ukudla, langokukhala, langokulila,