UJoshuwa 1:8 - iBhayibhili Elingcwele 1978

⁸ Umlayo okulincwadi ungasuki emlonyeni wakho, uzacabanga ngawo emini lebusuku ukuba uqaphelise ukwenza konke okulotshiweyo, ukuze ukhule uphumelele kukho konke okwenzayo.

IBhayibhili Elingcwele LesiNdebele

⁸ INcwadi yoMthetho le kayingasuki emlonyeni wakho, cabanga ngayo emini lebusuku ukuze unanzelele ukugcina konke okulotshwe kuyo. Ngokwena njalo uzaphumelela.

UJoshuwa 1:8 Referans Kwoze

AmaHubo 119:15

Ngizakunakana ngemithetho yakho, ngikhumbule indlela zakho.

AmaHubo 19:14

Amazwi omlomo wami lemicabango yenhliziyo yami kakwamukeleke kuwe, Nkosi, dwala lami lomhlengi wami.

AbaseKholose 3:16

Ilizwi likaKristu kalihlale phakathi kwenu ngokupheleleyo. Fundisanani lilayane ngokuhlakanipha konke. Hlabelelani amahubo lezihlabelo lengoma zokomoya, libonge uNkulunkulu enhliziyweni zenu.

Izaga 3:1

Mntanami, ungakhohlwa ukufundisa kwami, kodwa uyigcine imilayo yami enhliziyweni yakho;

UDutheronomi 29:9

Ngakhoke gcinani kuhle amazwi alesisivumelwano, ukuba liphumelele kukho konke elikwenzayo.

UJohane 14:21

Olemilayo yami ayigcine, nguye ongithandayo; yena ongithandayo uzakuthandwa nguBaba, lami ngizakumthanda, ngizibonakalise kuye.

ULukha 11:28

Kodwa yena wathi: Yebo, kodwa ikakhulu babusisiwe abalizwayo ilizwi likaNkulunkulu, balilondoloze.

UMatewu 7:24

Ngakho ilowo lalowo owezwayo lamazwi ami, awenze, ngizakumfanisa lendoda ehlakaniphileyo eyakha indlu yayo phezu kwedwala.

AmaHubo 119:11

Ilizwi lakho ngilibekile enhliziyweni yami, ukuze ngingoni kuwe.

AmaHubo 119:97

Ngiyawuthanda umlayo wakho kangaka. Usuku lonke ngiyanakana ngawo.

UMatewu 7:21

Kakusibo bonke abatshoyo kimi ukuthi: Nkosi, Nkosi; abazakungena embusweni wezulu, kodwa kuphela owenza intando kaBaba osezulwini.

UJohane 13:17

Uba likwazi lokhu libusisiwe uba likwenza.

UJoshuwa 1:7

Qinake, ube lesibindi, uqaphelise ukugcina wonke umlayo uMose inceku yami akulaya ngawo; ungaphambuki kuwo uye ngakwesokunene loba ngakwesokhohlo ukuze uphumelele kuhle kukho konke okwenzayo.

UDutheronomi 30:14

Kodwake ilizwi liseduze lani, lisemilonyeni yenu lenhliziyweni zenu ukuba liligcine.

UDutheronomi 5:29

Kungathi bangaba lenhliziyo enjalo insuku zonke, ukuba bangesabe, bagcine yonke imilayo yami, ukuze kubalungele bona labantwana babo kuze kube nininini!

AmaHubo 119:99

Ngilokuqedisisa kulabo bonke abafundisi bami, ngoba nginakana ngemilayo yakho.

U-Isaya 59:21

Minake, lokhu kuyisivumelwano sami labo, itsho iNkosi, sokuthi umoya wami engikunike wona, lamazwi ami engiwafake emlonyeni wakho kawayikusuka emlonyeni wakho, lasemlonyeni wabantwana bakho, lasemlonyeni wabantwana babantwana bakho, kusukela kulesisikhathi kuze kube nininini.

UDutheronomi 5:32

Ngakhoke qaphelani ukuba lenze njengokulilaya kwayo iNkosi uNkulunkulu wenu; lingaphambukeli ngakwesokunene langakwesokhohlo.

UDutheronomi 31:11

lapho bonke abakoIsrayeli sebebuthene ukubonakala phambi kweNkosi uNkulunkulu wenu endaweni ezakuyikhetha, liwubale lumlayo phambi kwabo bonke abakoIsrayeli ukuba bawuzwe.

Abase-Efesu 4:29

Kakungaphumi emlonyeni wenu lalinye ilizwi elibi, kodwa kakube ngelilungele ukwakha njengokufaneleyo ngalesosikhathi, ukuze libe yisibusiso kulabo abezwayo.

UMatewu 12:35

Umuntu olungileyo ukhupha izinto ezilungileyo enhliziyweni yakhe elungileyo; lomuntu omubi ukhupha izinto ezimbi enhliziyweni yakhe embi.

AmaHubo 40:10

Ukusiza kwakho kangikufihlanga enhliziyweni yami; ngikhulumile ngobuqotho bakho langokukhulula kwakho; kangilufihlanga uthando lwakho olungapheliyo kanye lobuqotho bakho ebandleni elikhulu.

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

Isambulo 22:14

Babusisiwe labo abagezisa ingubo zabo ukuba babe lelungelo esihlahleni sokuphila, bangene emzini ngamasango.

UGenesisi 24:63

UIsaka waphuma ntambama ukuba ahambahambe emmangweni; waphakamisa amehlo akhe wabona amakamela esiza.

UDutheronomi 31:24

UMose eseqedile ukuloba amazwi alumlayo ogwalweni, kusukela ekuqaleni kwaze kwaba sekucineni,

UJoshuwa 8:34

Emva kwalokho wasewafunda wonke amazwi omlayo, awokubusisa lawokuqalekisa, njengakho konke okulotshiweyo ogwalweni lomlayo.

UDutheronomi 5:1

UMose wasebiza wonke uIsrayeli, wathi kuye: Zwana, Israyeli, izimiso lezahlulelo engizikhuluma endlebeni zakho lamuhla, ukuba uzifunde, unanzelele ukuzigcina.

UDutheronomi 29:8

sathatha ilizwe labo, salinika abakoRubeni labakoGadi lengxenye yesizwe sakoManase ukuba libe ngelabo.

2 ImiLando 26:5

Wazimisela ukumdinga uNkulunkulu ensukwini zikaZekariya owamfundisa ukumesaba uNkulunkulu; ngesikhathi sonke eyidinga iNkosi, uNkulunkulu wamphumelelisa.