UJoshuwa 1:5 - iBhayibhili Elingcwele 1978

⁵ Kakulamuntu ozakumelana lawe zonke insuku zokuphila kwakho. Njengalokhu ngangiloMose, lawe ngizakuba lawe; kangisoze ngikulahle, kangisoze ngikutshiye.

IBhayibhili Elingcwele LesiNdebele

⁵ Kakulamuntu ozenelisa ukumelana lani zonke insuku zokuphila kwenu. Njengoba ngangiloMosi, ngizakuba lawe; kangisoze ngikutshiye, kangisoze ngikudele.

UJoshuwa 1:5 Referans Kwoze

AbaseRoma 8:31

Phoke, sizakuthini ngalokhu na? Uba uNkulunkulu engakithi, ngubani ongamelana lathi na?

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

UJoshuwa 1:9

Kangikulayanga na? Ngathi: Qina, ume isibindi; ungesabi, utshaywe luvalo, ngoba iNkosi uNkulunkulu wakho ilawe kuyo yonke indawo lapha uya khona.

UDutheronomi 20:4

ngoba iNkosi uNkulunkulu wenu ihamba lani ukuba ililwele ezitheni zenu, ilikhulule.

2 uTimothi 4:17

Kodwa iNkosi yangimela, yangipha amandla okuba ngitshumayele ivangeli ngokupheleleyo, ukuze bonke abezizwe balizwe; ngakhutshwa emlonyeni wesilwane.

AmaHubo 46:11

INkosi yamabandla ilathi, uNkulunkulu kaJakobe uyisiphephelo sethu.

AmaHebheru 13:5

Lingaphileli imali; laneliswe yilokho elilakho; ngoba yena utshilo ukuthi: Kangisoze ngakulahla, kangisoze ngakutshiya.

UJoshuwa 3:7

INkosi yathi kuJoshuwa: Lamhla ngizaqala ukukuphakamisa phambi kwabo bonke abakoIsrayeli ukuba bazi ukuthi njengalokho ngangiloMose, ngizakuba lawe.

U-Eksodasi 3:12

Wathi: Impela ngizakuba lawe; lokhu kuzakuba yisibonakaliso kuwe sokuba ngikuthumile; lapho usubakhuphile abantu eGibithe, lizamkhonza uNkulunkulu kulintaba.

AbaseRoma 8:37

Kodwa kulokhu konke silokunqoba okukhulu ngaye owasithandayo.

UJoshuwa 1:17

Njengalokhu samlalela uMose ezintweni zonke, laweke sizakukulalela. Kuphela nje iNkosi uNkulunkulu wakho ibe lawe njengoba yayiloMose.

UDutheronomi 7:24

Izakunikela ezandleni zenu amakhosi azo, licitshe amabizo awo emhlabeni; kakulamuntu ozakumelana lani lize lizichithe ziphele.

UJoshuwa 6:27

INkosi yayilaye uJoshuwa, lodumo lwakhe lwanda elizweni.

UDutheronomi 31:23

INkosi yasilaya uJoshuwa indodana kaNuni yathi: Qina, ume isibindi, ngoba uzakubangenisa abantu bakoIsrayeli elizweni engathembisa ukubanika lona; ngizakuba lawe.

UDutheronomi 4:31

ngoba iNkosi uNkulunkulu wenu inguNkulunkulu olomusa, kayiyikulitshiya, kayiyikulibhubhisa, kayiyikukhohlwa isivumelwano eyasifunga kubokhokho benu.

UJoshuwa 10:8

INkosi yathi kuJoshuwa: Ungabesabi, ngoba ngibanikele esandleni sakho; kakukho loyedwa wabo ozakumelana lawe.

Abahluleli 2:18

Lapho iNkosi ibamisela umahluleli yayisiba laye, ibophule ezandleni zezitha zabo zonke insuku zomahluleli; ngoba iNkosi yayisiba lesihawu ngokububula kwabo ngenxa yalabo ababahluphayo lababacindezelayo.

Abahluleli 6:16

INkosi yathi kuye: Mina ngizakuba lawe, uzawabulala amaMidiyani kungathi angumuntu munye.

1 USamuyeli 10:7

Kuzakuthi lapho lezizibonakaliso zikufikela, wenze lokho okufanele lesosikhathi; uNkulunkulu uzakuba lawe.

1 AmaKhosi 1:37

Njengoba iNkosi uNkulunkulu ibilawe, kungathi ingaba loSolomoni, iwenze umbuso wakhe ube mkhulu kulowenkosi yami uDavida.

1 AmaKhosi 6:13

ngizahlala phakathi kwabantu bakoIsrayeli, ngingabatshiyi abantu bami.

1 AmaKhosi 8:57

INkosi uNkulunkulu wethu ibe lathi njengalokhu yayilabokhokho bethu, ingasitshiyi ingasilahli,

1 AmaKhosi 11:38

Uba ulalela konke engikulaya khona, uhambe ngendlela zami, wenze okulungileyo phambi kwami, ugcine izimiso zami lemilayo yami njengoDavida inceku yami, ngizakuba lawe, ngiwuqinise umbuso wakho njengokaDavida; ngizakukunika uIsrayeli,

1 ImiLando 28:20

UDavida wasesithi kuSolomoni indodana yakhe: Dodake ume isibindi, usebenze; ungesabi utshaywe luvalo; ngoba iNkosi uNkulunkulu, yebo uNkulunkulu wami, ulawe. Kasoze wakulahla, kasoze akutshiye, uze uphele wonke umsebenzi wenkonzo yethempeli.

U-Isaya 42:16

Ngizakhokhela iziphofu ezindleleni ezingayaziyo, ngiziqondise ezindleleni ezingazaziyo, ngiphendule umnyama phambi kwazo ube yikukhanya, ngihlelembe lezindawo ezingamaxhakaxhaka. Yizo lezizinto engizakuzenza, ngingaziyekeli.

UJeremiya 1:8

Ungabesabi, ngoba ngilawe ukukuvikela, kutsho iNkosi.

UDanyeli 11:16

Kodwa ehlaselayo izakwenza ekuthandayo, kungabi khona loyedwa oyimelayo. Izakuma elizweni elihle, lonke libe sesandleni sayo.

UGenesisi 39:2

INkosi yayiloJosefa, waba ngumuntu ophumelelayo; wayehlala endlini yenkosi yakhe yomGibithe.

UDutheronomi 20:1

Lapho liphuma impi ukuyahlasela izitha zenu, beselibona amabhiza lezinqola, labantu abanengi kulani, lingabesabi; ngoba iNkosi uNkulunkulu wenu eyalikhupha eGibithe ilani.

UJoshuwa 21:44

INkosi yabanika ukuphumula inxa zonke njengokufunga kwayo kubokhokho babo. Kakubanga khona lasinye isitha sabo esamelana labo, ngoba iNkosi yazinikela izitha zonke zabo ezandleni zabo.