UJohane 3:2 - iBhayibhili Elingcwele 1978

² Yena weza kuye ebusuku, wathi kuye: Mfundisi, siyazi ukuthi ungumfundisi ovela kuNkulunkulu, ngoba kakho ongenza lezizibonakaliso ozenzayo uba uNkulunkulu engelaye.

IBhayibhili Elingcwele LesiNdebele

² Yaya kuJesu ebusuku yathi, “Rabi, siyazi ukuthi ungumfundisi ovela kuNkulunkulu. Ngoba kakho obengayenza imimangaliso oyenzayo wena nxa uNkulunkulu engelaye.”

UJohane 3:2 Referans Kwoze

UJohane 5:36

Kodwa ubufakazi engilabo bukhulu kulobukaJohane, ngoba imisebenzi uBaba anginike yona ukuba ngiyiqede, yona limisebenzi engiyenzayo, iyangifakazela ukuthi uBaba ungithumile.

Imisebenzi 10:38

lokuthi: UNkulunkulu wammisa uJesu waseNazaretha ngoMoya oNgcwele langamandla, lokuthi wahamba esenza okulungileyo, esilisa bonke labo ababesemandleni kaSathane, ngoba uNkulunkulu wayelaye.

Imisebenzi 2:22

Madoda akoIsrayeli, zwanini amazwi ami. UJesu waseNazaretha, umuntu ofakazelwe nguNkulunkulu phambi kwenu ngemisebenzi yamandla langezimangaliso langezibonakaliso uNkulunkulu azenza ngaye phakathi kwenu, njengalokhu lisazi lina uqobo lwenu,

UJohane 9:16

Ngakho abanye babaFarisi bathi: Lumuntu kaveli kuNkulunkulu, ngoba kagcini iSabatha. Kodwa abanye bathi: Umuntu oyisoni angazenza kanjani izibonakaliso ezinje na? Kwaba khona ukwahlukana phakathi kwabo.

UJohane 12:37

Lanxa wayenze izibonakaliso ezinengi kangaka phambi kwabo, kabakholwanga kuye,

UJohane 1:38

Kwathi uJesu enyemukula, wababona bemlandela, wathi kubo: Lifunani na? Bathi kuye: Rabi, okuyikuthi Mfundisi, uhlalaphi na?

UMatewu 22:16

Bathumela kuye abafundi babo kanye labakaHerodi, bathi: Mfundisi, siyazi ukuthi wena uqotho, ufundisa indlela kaNkulunkulu ngeqiniso; kawukhathali ngomuntu, ngoba kawunanzi isimo somuntu.

UJohane 7:31

Kodwa abanengi bexuku bakholwa kuye, bathi: Nxa uKristu esefikile, uzakwenza izibonakaliso ezinengi kulalezi azenzileyo lumuntu na?

UJohane 20:16

UJesu wathi kuye: Mariya! Yena waphendula wathi kuye ngesiHeberu: Raboni! okuyikuthi: Mfundisi.

UJohane 15:24

Uba bengingenzanga phakathi kwabo imisebenzi engenziwanga ngomunye, ngabe kabalasono, kodwa khathesi babonile, bangizondile mina loBaba.

UJohane 3:26

Basebesiza kuJohane, bathi kuye: Mfundisi, lowo owawulaye ngaphetsheya kweJordani, owamfakazelayo, khangela, uyabhaphathiza, bayeza kuye bonke.

UMakho 12:14

Beza bathi kuye: Mfundisi, siyazi ukuthi wena uqotho, kawukhathali ngomuntu, ngoba kawunanzi isimo somuntu, kodwa ufundisa indlela kaNkulunkulu ngeqiniso. Kuvunyelwe yini ukuthela kuKesari ingabe atshi? Sithele ingabe singatheli na?

Abahluleli 6:27

UGidiyoni wasethatha inceku zakhe ezilitshumi, wenza njengokutsho kweNkosi kuye; kodwa ngenxa yokuthi wayesesaba abendlu yakwabo labantu bomuzi kakwenzanga emini, wakwenza ebusuku.

U-Isaya 51:7

Ngilalelani, lina elazi ukulunga, abantu abalomlayo wami enhliziyweni zabo; lingesabi ukusola kwabantu, lingapheli amandla ngenxa yokuthuka kwabo.

AbaseFiliphi 1:14

langenxa yakho abazalwane abanengi baqinisiwe eNkosini, sebelesibindi sokukhuluma ilizwi likaNkulunkulu ngokungesabi.

1 AmaKhosi 17:24

Owesifazana wathi kuElija: Khathesi ngiyazi ukuba ungumuntu kaNkulunkulu, lokuba ilizwi leNkosi olikhulumayo liliqiniso.

UJeremiya 38:16

Inkosi uZedekiya yasifunga ekusithekeni kuJeremiya yathi: Ngifunga iNkosi eyenza imimoya yethu, kangiyikukubulala, futhi kangiyikukunikela ezandleni zabantu laba abafuna ukukubulala.

UMatewu 23:7

lokubingelelwa emidangeni, lokubizwa ngabantu ngokuthi Rabi.

UMatewu 23:8

Kodwa lina kalingabizwa ngokuthi Rabi, ngoba munye ongumfundisi wenu, lina lonke lingabazalwane.

UJohane 2:11

Lokho ukuqala kwezibonakaliso uJesu wakwenza eKana elaseGalili ebonakalisa ubukhosi bakhe, okwenza abafundi bakhe bakholwa kuye.

UJohane 4:31

Kusenjalo abafundi bamncenga besithi: Mfundisi, dlana.

UJohane 6:2

Lamlandela ixuku elikhulu, ngoba lalibone izibonakaliso azenza kulabo abagulayo.

UJohane 10:38

Kodwa uba ngiyenza, lanxa lingakholwa kimi, kholwani imisebenzi, ukuze lazi, liqedisise ukuthi uBaba ukimi, lami ngikuBaba.

UJohane 14:10

Kawukholwa ukuba ngikuBaba, loBaba ukimi na? Amazwi engiwakhuluma kini kangizikhulumeli ngokwami; kodwa uBaba ohlezi kimi wenza umsebenzi wakhe.