UJohane 12:2 - iBhayibhili Elingcwele 1978

² Basebemenzela ukudla khona; uMatha wayepheka, kodwa uLazaro wayengomunye walabo ababehlezi ekudleni laye.

IBhayibhili Elingcwele LesiNdebele

² Kwaphekwa ukudla kwakusihlwa kuhlonitshwa yena uJesu. UMatha nguye owayedidizela, uLazaro ehlezi labanye etafuleni loJesu.

UJohane 12:2 Referans Kwoze

Isambulo 3:20

Khangela, ngimi ngasemnyango ngiqoqoda; uba umuntu esizwa ilizwi lami, avule umnyango, ngizakungena ngidle laye, laye adle lami.

ULukha 22:27

Ngoba nguwuphi omkhulu, lowo ohlezi ekudleni ingabe lowo ophakululayo na? Kasilowo ohlezi ekudleni na? Kodwa mina ngiphakathi kwenu njengaye ophakululayo.

UMakho 14:3

Kwathi eseBethani endlini kaSimoni olobulephero ehlezi ekudleni, kwafika owesifazana ephethe umfuma wamagcobo awenadi elibiza imali enengi; waphahlaza umfuma, wathela amagcobo ekhanda likaJesu.

ULukha 14:12

Wasesithi kulowomuntu owayemmemile: Nxa usenza idili, ungamemi abangane bakho, labafowenu, lezihlobo zakho, lomakhelwane bakho abanothileyo, funa babuye bakumeme, labo beselisenanana.

ULukha 12:37

Zibusisiwe lezonceku okuzakuthi, inkosi nxa ifika, izifumane zilindile. Ngiqinisile ngithi kini: Izakubopha ukhalo lwayo, izihlalise ekudleni, iziphakululele.

ULukha 5:29

ULevi wamenzela idili elikhulu endlini yakhe; kwakukhona ixuku elikhulu labathelisi behlezi kanye labo ekudleni.

UMatewu 26:6

Kwathi uJesu eseBethani endlini kaSimoni owayelobulephero,

Ingoma 4:16

Vuka, wena moya wasenyakatho, uze lawe, moya waseningizimu, uphephethe esivandeni sami ukuba iphunga laso ligcwale emoyeni. Kasize isithandwa sami esivandeni sami, sidle izithelo zaso ezinhle.