UJohane 1:4 - iBhayibhili Elingcwele 1978

⁴ Ukuphila kwakukuye, ukuphila kwakuyikukhanya kwabantu.

IBhayibhili Elingcwele LesiNdebele

⁴ Kwakukhona ukuphila kuye, lokho kuphila kwakuyikukhanya kwabantu.

UJohane 1:4 Referans Kwoze

UJohane 8:12

UJesu wakhuluma labo futhi wathi: Mina ngiyikukhanya komhlaba; ongilandelayo kasoze ahamba emnyameni, kodwa uzakuba lokukhanya kokuphila.

UJohane 12:46

Ngizile ngiyikukhanya emhlabeni ukuba okholwa kimi angahlali emnyameni.

UJohane 5:26

Njengoba uYise elokuphila ngokwakhe, kunjaloke uyinikile iNdodana ukuba ibe lokuphila ngokwayo.

UJohane 9:5

Ngisekhona emhlabeni ngiyikukhanya komhlaba.

UJohane 11:25

UJesu wathi kuye: Mina ngiyikuvuka lokuphila; okholwa kimi, loba esefile, uzakuphila.

1 UJohane 5:11

Yilobu ubufakazi ukuthi uNkulunkulu usinikile ukuphila okungapheliyo, lalokhukuphila kuseNdodaneni yakhe.

UJohane 14:6

UJesu wathi kuye: Yimi indlela, leqiniso lokuphila; kakho oza kuBaba engezi ngami.

UJohane 12:35

UJesu wasesithi kibo: Kuseyisikhatshana ukukhanya lilakho. Hambani liselokukhanya, ukuze umnyama ungalahluli. Ohambayo emnyameni kazi ukuthi uya ngaphi.

Abase-Efesu 5:14

Ngakhoke kuthiwa: Phaphama wena oleleyo, uvuke kwabafileyo, uKristu uzakukukhanyisela.

UMatewu 4:16

abantu ababehlezi emnyameni babonile ukukhanya okukhulu, lababehlezi elizweni lasethunzini lokufa ukukhanya kuphumele kibo.

AbaseKholose 3:4

Lapho esebonakaliswa uKristu oyikuphila kwethu, lani lizakubonakaliswa kanye laye enkazimulweni.

U-Isaya 42:16

Ngizakhokhela iziphofu ezindleleni ezingayaziyo, ngiziqondise ezindleleni ezingazaziyo, ngiphendule umnyama phambi kwazo ube yikukhanya, ngihlelembe lezindawo ezingamaxhakaxhaka. Yizo lezizinto engizakuzenza, ngingaziyekeli.

Imisebenzi 26:23

ukuthi uKristu umele ukuhlupheka lokuthi, ngokuba engowokuqala ekuvukeni kwabafileyo, atshumayele ukukhanya kulesisizwe lakwabezizwe.

ULukha 2:32

ukukhanya kokwambulela abezizwe lenkazimulo yesizwe sakho uIsrayeli.

1 UJohane 1:2

Lokhokuphila kwabonakaliswa; sakubona, siyaqinisa silitshumayeza lokhukuphila okungapheliyo okwakukhona kuBaba, kwabonakaliswa kithi.

UJohane 5:21

Njengalokhu uYise evusa abafileyo, abanike ukuphila, kunjaloke leNdodana iyabanika ukuphila labo ethanda ukubasilisa.

Isambulo 22:16

Mina Jesu ngisithumile isithunywa sami ukufakaza ngalezizinto kini emabandleni; ngiyimpande lenzalo kaDavida, indonsakusa ekhanyayo.

AmaHubo 84:11

Ngoba iNkosi uNkulunkulu ililanga lesihlangu, iyaphana ngomusa lodumo; kayibancitshi labo abahamba ngobuqotho.

UMalaki 4:2

Kodwa kini elesaba ibizo lami kuzakuphuma ilanga lokulunga lilokusilisa empikweni zalo. Lina lizaphuma, liqolotsha njengamathole ephuma esibayeni.

1 AbaseKhorinte 15:45

Ngakho kulotshiwe ukuthi: Umuntu wokuqala uAdamu waba ngumuntu ophilayo; uAdamu wokucina waba ngumoya ophilisayo.

Isambulo 22:1

Wasengitshengisa umfula wamanzi okuphila acwengekileyo kakhulu, evela esihlalweni sobukhosi sikaNkulunkulu leseWundlu,

AmaHubo 49:6

abantu abathemba inotho yabo, bezincoma ngobunengi benotho yabo na?

UJohane 3:19

Ukulahlwa kuyilokhu ukuthi ukukhanya kufikile emhlabeni, kodwa abantu bathanda umnyama kulokukhanya, ngoba imisebenzi yabo imibi.

1 UJohane 1:1

Lokho okwakukhona kusukela ekuqaleni, esakuzwayo, sakubona ngamehlo ethu, lesakukhangelayo, lezandla zethu zakuphatha, kumayelana lelizwi lokuphila.