UJobe 5:5 - iBhayibhili Elingcwele 1978

⁵ Isivuno sakhe sidliwa ngabalambileyo, besithatha ngitsho lasemeveni, abomileyo banxwanele inotho yakhe.

IBhayibhili Elingcwele LesiNdebele

⁵ Abalambileyo bayazidlela isivuno sakhe, besithatha kanye lasemeveni, labomileyo bahahabela inotho yakhe.

UJobe 5:5 Referans Kwoze

Izililo 2:16

Zonke izitha zakho ziyakuklolodela, ziyancifa, zigedle amazinyo azo zithi: Siwuchithile; lolu yilo usuku ebesilulindele; sesilufumene, silubonile.

UHosiya 8:7

Ngoba behlanyela umoya, bazavuna isivunguzane. Amabele abo kawayikukhahlela, kawayikuba lanhlamvu; uba engaba lazo, zizadliwa ngabezizwe.

UJeremiya 51:44

Ngizamtshaya unkulunkulu uBeli eBabiloni, ngikhuphe emlonyeni wakhe lokho akuginyileyo. Izizwe kazisayikubekelela ziye kuye. Umduli waseBabiloni uwile.

UJeremiya 51:34

UNebukadineza inkosi yaseBabiloni usidlile, usiqedile; wasenza saba yimbiza engelalutho, wasiginya njengomgobho, usuthi ngokumnandi kwethu, wasitsaka.

U-Isaya 62:8

INkosi ifungile ngesandla sayo sokunene, langengalo yayo elamandla yathi: Kangisayikunika izitha zakho amabele akho abe yikudla kwazo, labezizwe kabayikunatha iwayini lakho olisebenzeleyo;

UJobe 20:15

Uginya inotho, abuye ayihlanze; uNkulunkulu uyayikhupha esiswini sakhe.

UJobe 12:6

Kanti amathente abaphangi alokuthula, labamthukuthelisayo uNkulunkulu bahlala kuhle, abenza amandla abo abe ngunkulunkulu wabo.

UJobe 2:3

INkosi yasisithi kuSathane: Uyiqaphele yini inceku yami uJobe ukuthi kakho onjengaye emhlabeni, ongelasici loqotho, owesaba uNkulunkulu, loxwaya okubi na? Usabambelele kubo ubuqotho bakhe, lanxa wangivusa ukuba ngimchithe ngeze.

UJobe 1:17

Sisakhuluma, kwafika esinye, sathi: AmaKaladiya angamaxuku amathathu ahlasele amakamela, awathumba, abulala izinceku, yimi ngedwa kuphela engisilileyo ukuba ngikubikele.

UJobe 1:15

kwatheleka abantu baseSheba, bazithumba, babulala izinceku, yimi ngedwa kuphela engisilileyo ukuba ngikubikele.

2 ImiLando 33:11

Ngalokhuke iNkosi yabalethela abaphathi bempi yenkosi yaseAsiriya, ababamba uManase ngezingwegwe, bambopha ngezibopho zethusi, bamusa eBabiloni.

Abahluleli 6:11

Kwasekufika isithunywa seNkosi, sahlala ngaphansi kwesihlahla esikhulu eOfira, esasingesikaJowashi umAbiyezeri, indodana yakhe uGidiyoni yayibhula amabele esikhamelweni sewayini, iwafihlele amaMidiyani.

UDutheronomi 28:51

Sizakudla amathole enkomo zenu lezithelo zomhlaba wenu, lize libhubhe; kasiyikulitshiyela amabele, lewayini, lamagcobo, lamankonyane enkomo zenu, lamazinyane ezimvu zenu, size silichithe.

UDutheronomi 28:33

Isizwe ongasaziyo sizakudla izithelo zomhlaba wakho lokwemisebenzi yonke yezandla zakho. Uzakucindezelwa kuphela, uchotshozwe njalonjalo,

Izililo 2:5

INkosi isinjengesitha ichithile uIsrayeli; ichithile zonke izigodlo zakhe, yadilizela phansi inqaba zakhe. Yandisa ukulila lokukhala koJuda.

UJobe 20:22

Ekupheleni kokuphumelela kwakhe uzakuba sebunzimeni, ukuhlupheka konke kuzamfikela.

UJobe 22:10

Ngakhoke imijibila ikuhanqile, lovalo luyakhwehlela.

AmaHubo 109:11

Labo aboleka kibo bamthathele konke alakho, labezizweni baphange izithelo zomsebenzi wakhe,