UJeremiya 3:8 - iBhayibhili Elingcwele 1978

⁸ Wabona ukuthi ngenxa yobufebe bonke bukaIsrayeli ongathembekanga, ngamxotsha ngamnika lencwadi yesahlukaniso; kodwa udadewabo ongathembekanga uJuda kesabanga, laye wasuka wafeba.

IBhayibhili Elingcwele LesiNdebele

⁸ U-Israyeli ongathembekanga ngamnika incwadi yakhe yesehlukaniso ngamxotsha ngenxa yobufebe bakhe bonke. Kodwa ngabona ukuthi udadewabo ongathembekanga, uJuda, kesabanga, laye wasuka wayafeba.

UJeremiya 3:8 Referans Kwoze

UDutheronomi 24:1

Uba indoda ithatha umfazi, angabe esathandeka kuyo, ngoba ifumanisile kuye into embi, kayimlobele incwadi yesahlukaniso, imnike yona, imkhuphe endlini yayo.

UHosiya 3:4

Ngoba abakoIsrayeli bazahlala insuku ezinengi bengelankosi lombusi, lomhlatshelo, lensika yokukhonzela, bengelangubo yamahlombe, lezithombe ezithiwa ngamaterafi.

U-Isaya 50:1

INkosi ithi: Ingaphi incwadi yesahlukaniso engimlahle ngayo unyoko na? Loba ngubani engilesikwelede kuye engilithengise kuye na? Khangelani, lathengiswa ngenxa yobubi benu, lonyoko walahlwa ngenxa yeziphambeko zenu.

UHezekhiyeli 23:9

Ngalokhoke ngamnikela ezandleni zezithandwa zakhe, ezandleni zamaAsiriya awakhanukayo.

UHezekhiyeli 16:47

Kanti kawukholwanga yikuhamba ngezindlela zabo, layikwenza amanyala abo. Ngesikhatshana nje esincinyane waba mubi kulabo kuzo zonke indlela zakho.

UJeremiya 3:1

INkosi ithi: Uba indoda isahlukana lomkayo, abesesiba ngowenye indoda, isazakumbuyisa na? Lelolizwe belingayikungcoliswa kakhulu na? Kanti wena usufebile lezithandwa ezinengi, usabuya kimi na? kutsho iNkosi.

UDutheronomi 24:3

Uba lindoda yesibili ingasamthandi, imlobele incwadi yesahlukaniso, imnike yona, imkhuphe endlini yayo; loba lindoda yesibili eyamthathayo abe ngumkayo isifa,

UJeremiya 2:19

Ububi bakho buzakukutshaya, lokuhlehlela kwakho emuva kuzakukukhuza. Yazi, ubone ukuthi kuyinto embi ukuyihlamukela iNkosi uNkulunkulu wakho, lokuthi ukungesaba kakukho kuwe, kutsho iNkosi uNkulunkulu wamabandla.

UJeremiya 33:24

Kawuqaphelisanga yini abakutshoyo lababantu ukuthi: INkosi izilahlile izindlu zombili ebizikhethile? Ngalokhoke babadelela abantu bami, babenza bangabe besaba yisizwe emehlweni abo.

UHezekhiyeli 16:46

Udadewenu omdala yiSamariya elalihlala lamadodakazi alo ngasenyakatho kwakho; lomnawakho owayehlala ngaseningizimu kwakho yiSodoma lamadodakazi alo.

UHezekhiyeli 16:51

ISamariya kalenzanga ingxenye yezono zakho. Wena wenzile amanyala amanengi ukwedlula lona, wenza odadewenu babonakale belungile ngamanyala akho owenzileyo.

2 ImiLando 21:11

Futhi wamisa indawo eziphakemeyo zokukhonzela entabeni zakoJuda, wenza abaseJerusalema bakhonze izithombe, waduhisa abakoJuda.

UJeremiya 5:7

Ngingakuthethelela kanjani? Abantwana bakho bangihlamukele, bafunga labo abangesibo onkulunkulu. Ngabanika ukudla okunengi, kodwa bafeba, baya ezindlini zezifebe.

UHezekhiyeli 23:44

Ngoba baye kuye njengoba kuyiwa ewuleni. Ngokunjalo baya kuOhola lakuOholiba ukwenza amanyala.