UHosiya 9:7 - iBhayibhili Elingcwele 1978

⁷ Insuku zokutshaywa sezifikile, lensuku zokuphindisela sezifikile. UIsrayeli uzakukwazi lokhu. Umprofethi uzakuba njengesithutha, lomuntu olomoya abe njengohlanyayo ngenxa yobubi benu obukhulu lenzondo yenu enkulu.

IBhayibhili Elingcwele LesiNdebele

⁷ Insuku zokujeziswa ziyeza, insuku zokwahlulelwa sezifikile. U-Israyeli kumele akwazi lokhu. Ngoba izono zenu zinengi kakhulu lenzondo yenu inkulu kakhulu, umphrofethi ubalwa njengesiwula umuntu oholwa ngomoya enziwe njengohlanya.

UHosiya 9:7 Referans Kwoze

UMikha 7:4

Omuhle wabo unjengameva, lolungileyo wabo unjengothango lwameva. Usuku lokutshaywa kwabo, abatshumayela ngalo abalindi babo, selufikile, lokudideka kwabo sekusondele.

2 AmaKhosi 9:11

Kwathi uJehu esebuyele encekwini zenkosi yakhe, zathi kuye: Kulungile na? Beluze ukufanani loluhlanya kuwe na? Wathi kuzo: Liyamazi yena kanye lakukhulumileyo.

UMakho 3:21

Abakibo sebezwile lokhu baphuma ukuyambamba, ngoba bathi uyahlanya.

UHezekhiyeli 13:3

INkosi uNkulunkulu ithi: Maye kubaprofethi abayizithutha abalandela owabo umoya, bengabonanga mibono!

Izililo 2:14

Abaprofethi bakho babonile imibono engamanga leyinkohliso ngawe. Kabakuvezanga ukona kwakho ukuze babuyise inhlanhla yakho, kodwa babonile imibono yamanga leduhisayo ngawe.

UJeremiya 10:15

Ziyize nje, zingumsebenzi wenkohliso; ngesikhathi sokutshaywa kwazo ziyabhubha.

U-Isaya 10:3

Lizakwenza njani mhla wosuku lokutshaywa, lasekuchithekeni okuzavela khatshana na? Lizabalekela kubani ukuba alisize na? Lizatshiya ngaphi inotho yenu na?

2 AbaseKhorinte 5:13

Uba sihlanya, kungenxa kaNkulunkulu; uba siqondile, kungenxa yenu.

ULukha 21:22

ngoba lezi zinsuku zempindiselo ukuze kugcwaliseke imibhalo.

UMikha 2:11

Uba kuhambahamba umuntu okhuluma umoya lamanga esithi: Ngizalitshumayeza ngewayini lotshwala: uzakuba ngumtshumayeli abamthandayo lababantu.

UHezekhiyeli 13:10

Yebo, ngoba beduhisa abantu bami besithi: Kulungile! Khona kungalunganga; kunjengabantu abakha umduli, lababaprofethi bawucombe ngekalaga engavuthwanga.

UJeremiya 29:26

INkosi isikumisile ukuba ube ngumpristi esikhundleni sikaJehoyada umpristi, ukuba ulondoloze ithempeli; uba kukhona umuntu ohlanyayo ozitshaya umprofethi, uzakumfaka esitokisini, umbophe ngeketane.

Isambulo 16:19

Umuzi omkhulu waba yiziqamu ezintathu, lemizi yabezizwe yawa; uNkulunkulu wakhumbula leBabiloni elikhulu ukuba alenze linathe inkezo egcwaliswe ngewayini lolaka lwakhe.

UZefaniya 3:4

Abaprofethi bawo kabananzeleli, bayakhohlisa; abapristi bawo bangcolisa okungcwele, baphule umthetho.

uAmosi 8:2

Yathi kimi: Amosi, ubonani na? Ngathi: Ngibona isitsha sezithelo zasehlobo. INkosi yasisithi kimi: Ukuphela sekufikile ebantwini bami uIsrayeli; kangisayikubayekela futhi.

UHosiya 9:8

Ngolaka olukhulu uEfrayimi ucathamele abantu bakaNkulunkulu, umprofethi uyisifu endleleni zabo zonke, lomjibila endlini kaNkulunkulu.

UHezekhiyeli 38:23

Ngalokho ngizaveza ubukhulu bami lobungcwele bami, ngizibonakalise ezizweni ezinengi; ng’khonake bazakwazi ukuba ngiyiNkosi.

UHezekhiyeli 25:17

Ngizabaphindisela ngokwesabekayo, ngibatshaye ekuthukutheleni kwami; lapho sengiphindisela, bazakwazi ukuba ngiyiNkosi.

UJeremiya 46:21

Lamabutho alo aqatshiweyo akhona phakathi kwalo anjengamathole anonileyo; abuyela emuva, abaleka kanyekanye, kawemanga, ngoba usuku lokuhlupheka kwawo luwehlele, isikhathi sokutshwaywa kwawo.

UJeremiya 16:18

Ngizaphindisela ngokuphindiweyo ububi babo lezono zabo, ngoba balingcolisile ilizwe lami ngezidumbu zezithombe zabo ezinengekayo, bagcwalisa ilizwe lami ngamanyala abo.

UJeremiya 11:23

kakuyikusala muntu; ngoba ngizabehlisela okubi abantu baseAnathothi ngomnyaka wokutshaywa kwabo.

UJeremiya 8:11

Kabawelaphisisi amanxeba abantu bami, bathi: Konke kulungile. Khona kungalunganga.

UJeremiya 6:14

Kabawelaphisisi amanxeba abantu bami, bathi: Konke kulungile. Khona, kungalunganga.

U-Isaya 44:25

Nginguye ofilisa imihlolo yezangoma, athuthaze izanuse, abuyisele emuva abahlakaniphileyo, aphendule ukwazi kwabo kube yibuthutha;

U-Isaya 34:8

Ngoba iNkosi ilosuku lokuphindisela, umnyaka wokubuyiselwa kwendaba yaseZiyone.

U-Isaya 26:11

Nkosi, isandla sakho siphakanyisiwe, kodwa izitha zakho kazisiboni. Kazibone ukutshisekela kwakho abantu bakho, zibe lenhloni. Umlilo olungiselwe zona kawuziqede.

UJeremiya 23:13

Kubaprofethi baseSamariya ngibone into eyenyanyekayo; batshumayela ngoBali, baduhisa abantu bami uIsrayeli.

UJeremiya 25:14

Ngoba izizwe ezinengi lamakhosi amakhulu zizakubenza babe yizigqili; ngizaphindisela kibo njengokufanele izenzo zabo lemisebenzi yabo.

UHezekhiyeli 9:10

Lamike kangiyikubayekela, kangiyikuba lesihawu, kodwa ngizakwehlisela izenzo zabo phezu kwabo.

UHosiya 8:13

Lanxa benikela inyama yemihlatshelo, babuye bayidle, mina Nkosi kangiyikuyamukela. Ngizakukhumbula ububi babo, ngibatshaye ngenxa yezono zabo, babuyele eGibithe.

UHosiya 14:1

Buyela eNkosini, uNkulunkulu wakho, Israyeli. Ngoba ukhutshwe yibubi bakho.

UHosiya 5:9

UEfrayimi uzachitheka osukwini lokutshaywa; phakathi kwezizwe zakoIsrayeli ngiyatshengisa okuliqiniso.