UHosiya 9:3 - iBhayibhili Elingcwele 1978

³ Kabayikuhlala elizweni leNkosi, kodwa abakoEfrayimi bazabuyela eGibithe, badle ukudla okungcolileyo eAsiriya.

IBhayibhili Elingcwele LesiNdebele

³ Kabayikuhlala elizweni likaThixo; u-Efrayimi uzabuyela eGibhithe adle ukudla okungcolileyo e-Asiriya.

UHosiya 9:3 Referans Kwoze

UHezekhiyeli 4:13

INkosi yathi: Ngokunjaloke abakoIsrayeli bazakudla ukudla okungcolileyo ezizweni engizakubaxotshela kizo.

UHosiya 8:13

Lanxa benikela inyama yemihlatshelo, babuye bayidle, mina Nkosi kangiyikuyamukela. Ngizakukhumbula ububi babo, ngibatshaye ngenxa yezono zabo, babuyele eGibithe.

ULevi 25:23

Kakuvunyelwa ukuba ilizwe lithengiswe kuze kube nininini, ngoba ngelami; lina lingabemzini nje labezizweni kimi.

UJeremiya 2:7

Ngalingenisa elizweni elivundileyo ukuba lidle izithelo zalo lokuhle kwalo. Kodwa lapho selingenile lalingcolisa ilizwe lami, lenza ilizwe engalinika lona laba ngamanyala.

UHosiya 7:11

UEfrayimi unjengejuba eliyisiphukuphuku elingelangqondo; ucela usizo eGibithe, abuye alucele eAsiriya.

UDanyeli 1:8

Kodwa uDaniyeli wazimisela ukuba angazingcolisi ngokudla kwenkosi okumnandi, langewayini eyayilinatha. Ngakhoke wasecela induna yabathenwa ukuba imvumele angazingcolisi.

UJeremiya 16:18

Ngizaphindisela ngokuphindiweyo ububi babo lezono zabo, ngoba balingcolisile ilizwe lami ngezidumbu zezithombe zabo ezinengekayo, bagcwalisa ilizwe lami ngamanyala abo.

2 AmaKhosi 17:6

Yalithatha iSamariya ngomnyaka wesificamunwemunye wokubusa kukaHosheya, yabathumba abakoIsrayeli, yabesa eAsiriya, yababeka eHala laseHabori, umfula waseGozani, lasemizini yamaMede.

1 AmaKhosi 9:7

ngizakumqeda uIsrayeli elizweni engimnike lona, lendlu engiyahlukanisele ibizo lami ngizayichitha phambi kwami, uIsrayeli abe yisiga lento yokuhaywa phakathi kwezizwe zonke.

UDutheronomi 28:63

Njengalokhu iNkosi ibithaba ngokulenzela okuhle langokulandisa, ngokunjalo izakujabula ngokulichitha langokulibhubhisa, lisuswe elizweni elingena kulo ukulithumba.

UDutheronomi 4:26

ngibiza izulu lomhlaba lamhla ukuba kufakaze ngani ukuthi lizabhubha masinyane elizweni elichapha iJordani ukuya kilo ukuba libe ngelenu; kaliyikuhlala kilo isikhathi eside, kodwa lizabhujiswa isibili.

Imisebenzi 10:14

Kodwa uPetro wathi: Atshi, Nkosi, ngoba kangizake ngidle into embi lengcolileyo.

UMikha 2:10

Sukani lihambe, ngoba lapha kakusiyo indawo yokuphumula, ngenxa yokungcola okuletha ukuchitheka okukhulu.

UHosiya 11:11

Azavela eGibithe ngokuphangisa njengenyoni, lanjengamajuba evela elizweni laseAsiriya; ngizababuyisela emizini yabo, kutsho iNkosi.

UHosiya 11:5

Bazabuyela eGibithe, leAsiriya lizakuba yinkosi yabo, ngoba balile ukubuya kimi.

UHosiya 9:6

Ngoba bazabaleka endaweni yokuchitheka, iGibithe lizakubamukela, iMemfisi libe lingcwaba labo, izinto zabo eziligugu zesiliva zigcwale imbabazane, lameva agcwale emathenteni abo.

UJoshuwa 23:15

Kodwa njengalokhu zonke izinto ezinhle iNkosi uNkulunkulu wenu eyazithembisa ngani zigcwalisekile, ngakho iNkosi ingalehlisela zonke izinto ezimbi, ize ilibhubhise liphele kulelilizwe elihle iNkosi uNkulunkulu wenu elinike lona.

UDutheronomi 28:68

INkosi izakulibuyisela eGibithe ngemikolo, ngendlela engatsho ngayo ukuthi: Kalisoze liyibone futhi. Lapho lizazama ukuzithengisa ezitheni zenu ukuba libe yizigqili lezigqilikazi, kodwa kakho ozakulithenga.

ULevi 20:22

Ngakhoke gcinani zonke izimiso zami lezahlulelo zonke zami, lizenze, ukuze ilizwe engiliholela kulo lingalihlanzi.

ULevi 18:28

Lingalonakalisi lina, ukuba ilizwe lingalihlanzi njengalokhu lahlanza isizwe esasikhona phambi kwenu.

Izililo 5:6

Sicela iGibithe, sicele iAsiriya, ukuzuza ukudla.

UHosiya 7:16

Baphendukela kuBali, banjengedandili elixegayo, ababusi babo bazabulawa ngomkhonto ngenxa yokuziphakamisa kwabo. Lokhu kuzakuba yinhlekisa ngabo elizweni laseGibithe.

uAmosi 7:17

INkosi yona ithi: Umkakho uzakuba liwule phakathi komuzi; amadodana lamadodakazi akho azabulawa yimpi, lelizwe lakini lizadatshulwa phakathi ngentambo; wenake uzakufela elizweni elingcolileyo, uIsrayeli athunjelwe elizweni elikhatshana.