UHosiya 9:12 - iBhayibhili Elingcwele 1978

¹² Loba bekhulisa abantwana, ngizakubamuka bona, kungasali loyedwa. Maye kibo lapho ngisuka kibo!

IBhayibhili Elingcwele LesiNdebele

¹² Loba bangaze bondle abantwana, ngizabemuka bonke. Maye kubo, lapho sengibadelile!

UHosiya 9:12 Referans Kwoze

UHosiya 7:13

Maye kibo, ngoba basukile kimi! Kabachitheke, ngoba bangihlamukile. Mina bengithanda ukubahlenga, kodwa bona baqamba amanga ngami.

UHosiya 9:16

AbakoEfrayimi batshayiwe; impande yabo yomile, kabayikuthela izithelo. Loba bezala, ngizabulala abantwana babo abathandekayo.

UDutheronomi 32:25

Ngaphandle impi izakubulala, ezindlini kuzakuba khona ukwesaba okukhulu, kubhubhise insizwa lentombi, lomntwana omunyayo lendoda eyimpunga.

UDutheronomi 31:17

Intukuthelo yami izakubavuthela ngalolosuku, ngibatshiye, ngibafihlele ubuso bami, bazachitheka behlelwe ngokubi okunengi lezinhlupheko ezinengi, baze bathi ngalolosuku: Angithi okubi lokhu kusehlele ngoba uNkulunkulu wethu kakho phakathi kwethu na?

UHosiya 9:13

Njengokubona kwami abantwana bakaEfrayimi bazakuba yimpango; uEfrayimi kakhuphele abantwana bakhe ukubulawa.

Izililo 2:20

Ake ukhangele, Nkosi, ubone. Ngubani owake wamphatha ngokunje na? Abesifazana bazakudla inzalo yabo yini, abantwana babo ababazeleyo na? Umpristi lomprofethi bazabulawa endlini engcwele yeNkosi na?

UJeremiya 15:7

Ngibelile ngesitsha sokwela emizini yelizwe; ngabamuka abantwana, ngababhubhisa abantu bami; ngoba kabaphendukanga endleleni zabo.

UJobe 27:14

uba abantwana bakhe besanda, bandela umkhonto, lenzalo yakhe kayilakho ukudla okwaneleyo.

2 AmaKhosi 17:23

iNkosi yaze yamsusa uIsrayeli phambi kwayo njengokutsho kwayo ngazo zonke inceku zayo abaprofethi. Ngakho uIsrayeli wathunjwa elizweni lakhe, wasiwa eAsiriya kuze kube lamhla.

2 AmaKhosi 17:18

Ngakho iNkosi yamthukuthelela kakhulu uIsrayeli, yabaxotsha; kakusalanga loyedwa ngaphandle kwesizwe sakoJuda kuphela.

1 USamuyeli 16:14

Umoya weNkosi wasuka kuSawuli, lomoya omubi ovela eNkosini wamkhathaza.

Abahluleli 4:16

UBaraki waxotshana lazo inqola zokulwa kanye lempi, waze wafika eHaroshethi labezizwe, yonke impi kaSisera yabulawa, kakusalanga muntu.

UDutheronomi 28:32

Amadodana lamadodakazi akho azakunikelwa kwesinye isizwe, lamehlo akho azakufiphala ngokuwalindela langokuwakhalela insuku ngensuku; izandla zakho kaziyikuba lamandla okusiza.

AmaNani 26:65

ngoba iNkosi yathi: Bazakufela enkangala. Kakusalanga muntu kubo ngaphandle kukaKalebi indodana kaJefune, loJoshuwa indodana kaNuni.

UJeremiya 6:8

Xwayiseka, wena Jerusalema, funa ngikutshiye, ngikuchithe ube yindawo elunxiwa.

UMalaki 2:12

Kungathi iNkosi ingakhupha emathenteni kaJakobe umuntu owenza lokhu, loba owakhileyo khona, loba engowezizwe, lanxa eletha umnikelo eNkosini yamabandla.

AmaNani 14:34

Lahlola ilizwe insuku ezingamatshumi amane; usuku luzalingana lomnyaka, ngakho lizathwala ububi benu iminyaka engamatshumi amane, lize lazi ukuthi kunjani nxa lingidelela.

UDutheronomi 28:18

Kuzaqalekiswa inzalo yenu, lezithelo zomhlaba wenu, lokwanda kwenkomo zenu lezimvu zenu.

Izililo 2:22

Wangibizela izitha zami, zavela inxa zonke, njengabantu abeza emkhosini, kakho loyedwa owaphunyukayo, kakho owasilayo osukwini lokuthukuthela kweNkosi. Bonke engabazala ngabondla babhujiswa yizitha zami.