UHosiya 8:5 - iBhayibhili Elingcwele 1978

⁵ Ngaleyisa ithole eladunyiswa nguwe, wena Samariya. Ukuthukuthela kwami kuyabavuthela. Koze kube nini uIsrayeli engahlanjululwanga na?

IBhayibhili Elingcwele LesiNdebele

⁵ Lahla isithombe sakho sethole, wena Samariya! Ulaka lwami luyavutha ngawe. Koze kube nini bengelamandla okuhlambuluka na?

UHosiya 8:5 Referans Kwoze

UHosiya 10:5

Abakhileyo eSamariya bayathuthumela ngethole laseBeti‐Aveni. Abantu balo bazalililela, labapristi bezithombe balikhalele, bekhalela ubuhle balo osebususiwe kulo.

UJeremiya 13:27

Ngibonile amanyala akho, lobufebe bakho, lokuthokoza kwakho ngakho, lendlela zokuphinga kwakho phezu kwezintaba egangeni. Maye kuwe, wena Jerusalema! Koze kube nini ungakahlambuluki na?

Izaga 1:22

Koze kube nini lithanda ubuthutha, lina zithutha na? Koze kube nini izideleli zithokoza ngokudelela kwazo, leziphukuphuku zizonda ukwazi na?

Imisebenzi 7:41

Benza ithole ngalezonsuku, baletha umhlatshelo esithombeni, bajabula ngemisebenzi yezandla zabo.

UHosiya 8:6

Umbazi walenza, kalisuye Nkulunkulu. Ithole laseSamariya lizaphahlazwa libe yizihlephu.

UJeremiya 4:14

Wena Jerusalema, hlambulula inhliziyo yakho kuphume ububi, ukuze uphephe. Koze kube nini imicabango yakho emibi ihlala phakathi kwakho na?

U-Isaya 45:20

Buthanani, lisondele lonke, lina abaseleyo bezizwe, elingelakho ukwazi, elithwele izithombe zezigodo, likhuleka kunkulunkulu ongelakusiza.

UDutheronomi 32:22

Ngoba umlilo usubasiwe ngentukuthelo yami, uyatshisa kuze kube senzikini yendawo yabafileyo; uqeda umhlaba lezithelo zawo, utshise izisekelo zezintaba.

AmaHubo 19:13

Ilondoloze inceku yakho lasezonweni zangabomu; kazingabusi phezu kwami. Ng’khona ngizakuba ngopheleleyo, ngingabi lacala eziphambekweni ezinkulu.

UJeremiya 48:13

Ng’khonake iMowabi lizakuba lenhloni ngoKemoshi, njengalokho indlu kaIsrayeli yaba lenhloni ngeBetheli, ithemba lalo.

UHosiya 13:2

Khathesi sebesona kakhulu, bazenzela izithombe ezibunjiweyo, izithombe ezenziwe kuhle ngesiliva sabo, zonke ziyimisebenzi yezingcitshi. Bathi: Hlabelani lezi imihlatshelo. Abantu banga izithombe zamathole.

uAmosi 8:14

Abafunga isithombe saseSamariya besithi: Ukuphila kukankulunkulu wakho, Dani! lokuthi: Indlela yaseBerisheba; bazakuwa, bangabe besavuka.

2 ImiLando 13:8

Khathesi licabanga ukumelana lombuso weNkosi uNkulunkulu ophethwe ngamadodana kaDavida ngoba libanengi kakhulu, lilamathole egolide uJerobowamu alenzela wona ukuba abe ngonkulunkulu.

UHosiya 10:8

Indawo eziphakemeyo zokukhonzela ezilize eziyisono sikaIsrayeli zizachithwa; ameva lokhula kuzamila emaaltareni abo. Bazakuthi ezintabeni: Sisibekeleni; bathi lasemaqaqeni: Welani phezu kwethu.

UMikha 1:7

Zonke izithombe zalo zizakuphahlazwa, lawo wonke amahlawulo alo okuwula azatshiswa ngomlilo, lezithombe zonke zalo zibulawe; ngoba lizizuze ngamahlawulo amawule, zizabuyiselwa emahlawulweni okuwula.