UHosiya 8:13 - iBhayibhili Elingcwele 1978

¹³ Lanxa benikela inyama yemihlatshelo, babuye bayidle, mina Nkosi kangiyikuyamukela. Ngizakukhumbula ububi babo, ngibatshaye ngenxa yezono zabo, babuyele eGibithe.

IBhayibhili Elingcwele LesiNdebele

¹³ Banikela imihlatshelo njengezipho kimi babuye badle inyama yakhona, kodwa uThixo kathokozi ngabo. Khathesi usezakhumbula ukuxhwala kwabo abajezisele izono zabo: Bazabuyela eGibhithe.

UHosiya 8:13 Referans Kwoze

UHosiya 9:9

Bazonakalisile kakhulu njengasensukwini zeGibeya. UNkulunkulu uzakhumbula ububi babo, abatshaye ngenxa yezono zabo.

UHosiya 9:6

Ngoba bazabaleka endaweni yokuchitheka, iGibithe lizakubamukela, iMemfisi libe lingcwaba labo, izinto zabo eziligugu zesiliva zigcwale imbabazane, lameva agcwale emathenteni abo.

uAmosi 8:7

INkosi ifungile ngokuzigqaja kukaJakobe, yathi: Impela kangiyikuzikhohlwa izenzo zabo kuze kube nininini.

uAmosi 5:22

Lanxa linikela kimi iminikelo yenu yokutshiswa kanye leyempuphu, kangiyikuyamukela, leminikelo yenu yokuthula eyezinkomo ezinonileyo kangiyikuyinanza.

UHosiya 11:5

Bazabuyela eGibithe, leAsiriya lizakuba yinkosi yabo, ngoba balile ukubuya kimi.

UHosiya 5:6

Bazahamba lezimvu zabo lenkomo zabo ukuyahlabela iNkosi, kodwa kabayikuyifumana, ngoba isukile kibo.

UJeremiya 14:10

INkosi ithi ngalababantu: Bayakuthanda ukuzula kanje, kabazinqandanga inyawo zabo. Ngalokho iNkosi kayibamukeli, khathesi izakhumbula ububi babo, ibatshaye ngezono zabo.

U-Isaya 1:11

INkosi ithi: Iyini kimi imihlatshelo yenu eminengi na? Nganelisiwe yiminikelo yezinqama langamahwahwa okunonisiweyo; legazi lezinkunzi lelamawundlu lelezimpongo kalingithokozisi.

UDutheronomi 28:68

INkosi izakulibuyisela eGibithe ngemikolo, ngendlela engatsho ngayo ukuthi: Kalisoze liyibone futhi. Lapho lizazama ukuzithengisa ezitheni zenu ukuba libe yizigqili lezigqilikazi, kodwa kakho ozakulithenga.

Isambulo 16:19

Umuzi omkhulu waba yiziqamu ezintathu, lemizi yabezizwe yawa; uNkulunkulu wakhumbula leBabiloni elikhulu ukuba alenze linathe inkezo egcwaliswe ngewayini lolaka lwakhe.

1 AbaseKhorinte 11:29

Ngoba odlayo anathe ngokungaqedisisi umzimba weNkosi uzidlela azinathele ukulahlwa.

1 AbaseKhorinte 11:20

Ngakhoke nxa libuthana ndawonye, kakusikho ukudla isidlo seNkosi lokho;

UHosiya 12:11

Kwakukhonzwa izithombe eGileyadi na? Yebo, babonakele, bahlabela onkulunkulu bezinkunzi eGiligali. Ama‐altare abo anda njengenqumbi zamatshe emasimini.

UHosiya 7:16

Baphendukela kuBali, banjengedandili elixegayo, ababusi babo bazabulawa ngomkhonto ngenxa yokuziphakamisa kwabo. Lokhu kuzakuba yinhlekisa ngabo elizweni laseGibithe.

UHosiya 7:2

Kabananzi ukuba ngiyakhumbula yonke imisebenzi yabo emibi. Khathesi izenzo zabo zibahanqile, zikhona phambi kwami.

UHosiya 4:9

Abapristi labantu bazaphathwa ngokufananayo, ngizakubatshaya ngenxa yendlela zabo, ngibaphindisele ngenxa yezenzo zabo.

Izaga 21:27

Umhlatshelo wababi uyisinengiso eNkosini, ikakhulu nxa bewuletha ngenhliziyo ezimbi.

1 USamuyeli 15:22

USamuweli wasesithi: Kambe iNkosi iyayithokozela yini iminikelo yokutshiswa lemihlatshelo, njengalokhu ithokozela ukulalelwa kwelizwi layo na? Khangela, ukulalela kuhle kulemihlatshelo, lokuqaphelisa kuhle kulamahwahwa ezinqama.

U-Eksodasi 32:34

Kodwa hambake, ubaholele abantu endaweni engikhulume ngayo kuwe; isithunywa sami sizakukwandulela. Kanti mhla ngibethekelelayo ngizabatshaya ngenxa yesono sabo.

U-Eksodasi 20:3

Ungabi labanye onkulunkulu ngaphandle kwami.

ULukha 12:2

Kakukho okumbomboziweyo okungayikwambulwa, lokufihliweyo okungayikwaziwa;

1 AbaseKhorinte 4:5

Ngakhoke lingathonisisi lutho isikhathi singakafiki, ingakafiki iNkosi. Ngoba izakuveza ekukhanyeni izinto ezifihlakeleyo emnyameni, izakuveza obala imicabango yenhliziyo zabantu. Laphoke ilowo lalowo uzakwamukela kuNkulunkulu ukubongwa okumfaneleyo.

UJeremiya 6:20

Ngilendaba yini lenhlaka evela eSheba, lemfe evela elizweni elikhatshana na? Iminikelo yenu yokutshiswa kayamukeleki, lemihlatshelo yenu kayingithokozisi.

UHezekhiyeli 29:16

UIsrayeli angeke alithembe iGibithe futhi; lokhu kuzakubakhumbuza abakoIsrayeli izono zabo zokuya eGibithe ukucela usizo. Bazakwazi ukuba ngiyiNkosi uNkulunkulu.

UHosiya 7:11

UEfrayimi unjengejuba eliyisiphukuphuku elingelangqondo; ucela usizo eGibithe, abuye alucele eAsiriya.

UHosiya 9:7

Insuku zokutshaywa sezifikile, lensuku zokuphindisela sezifikile. UIsrayeli uzakukwazi lokhu. Umprofethi uzakuba njengesithutha, lomuntu olomoya abe njengohlanyayo ngenxa yobubi benu obukhulu lenzondo yenu enkulu.

UHosiya 6:6

Ngoba ngifuna uthando olungapheliyo kulomhlatshelo, lokwazi uNkulunkulu kuleminikelo yokutshiswa.

uAmosi 3:2

Yini kuphela engilikhethileyo, ngalilondoloza ezizweni zonke zomhlaba; ngakhoke ngizalitshaya ngenxa yabo bonke ububi benu.