UHosiya 7:7 - iBhayibhili Elingcwele 1978

⁷ Bonke bayatshisa njengeziko, bayabulala ababusi babo. Amakhosi abo wonke asephelile, kakho loyedwa okhuleka kimi.

IBhayibhili Elingcwele LesiNdebele

⁷ Bonke batshisa njengeziko; batshwabadele ababusi babo. Wonke amakhosi abo ayawa, kayikho ekhuleka kimi.

UHosiya 7:7 Referans Kwoze

2 AmaKhosi 15:30

UHosheya indodana kaEla wamenzela icebo uPeka indodana kaRemaliya, wamtshaya wambulala, wabusa esikhundleni sakhe ngomnyaka wamatshumi amabili wokubusa kukaJothamu, indodana kaUziya.

2 AmaKhosi 15:25

UPeka indodana kaRemaliya, induna yakhe, wamenzela amacebo kanye labantu baseGileyadi abangamatshumi amahlanu, bambulala eSamariya enqabeni yesigodlo. Wabulala inkosi, waba yinkosi esikhundleni sayo.

2 AmaKhosi 15:14

UMenahema indodana kaGadi wasuka eTiriza, waya eSamariya, wamtshaya wambulala eSamariya uShaluma indodana kaJabeshi; wabusa esikhundleni sakhe.

2 AmaKhosi 15:10

UShaluma indodana kaJabeshi wamenzela amacebo, wamtshaya wambulala eIbileyamu, wabusa esikhundleni sakhe.

UHosiya 8:4

Bazibekela amakhosi ngaphandle kwemvumo yami. Bamisa ababusi ngingazi mina. Ngesiliva sabo langegolide labo bazenzela izithombe ezabalethela ukuchitheka.

UHosiya 7:10

Ukuzigqaja kukaIsrayeli kuyafakaza ngaye, kodwa kababuyeli eNkosini uNkulunkulu wabo, kabamdingi ngakho konke lokhu.

U-Isaya 64:7

Kakho okhuleka ebizweni lakho, lozamayo ukubambelela kuwe; ngoba usifihlele ubuso bakho, wasinikela ebubini bethu.

U-Isaya 43:22

Kanti kawukhulekanga kimi, wena Jakobe; udiniwe ngami, wena Israyeli.

U-Isaya 9:13

Abantu kababuyelanga kulowo owabatshayayo, futhi kabayidinganga iNkosi yamabandla.

UJobe 36:13

Abangamesabiyo uNkulunkulu bahlala bethukuthele, kabaceli ukusizwa nxa ebabopha.

UHosiya 7:14

Kabamemezi kimi ngenhliziyo zabo, kodwa bakhala besemibhedeni yabo; lapho bekhalela amabele lewayini, bayazisika, kodwa mina bayangihlamuka.

UHosiya 5:15

Ngizabuyela futhi endaweni yami, baze bavume icala labo, bangidinge; osizini lwabo bangidingisise.

UDanyeli 9:13

Wonke lumonakalo usehlele njengoba kulotshiwe emlayweni kaMose; kodwa kasiyincenganga iNkosi uNkulunkulu wethu, ukuba sitshiye izono zethu, silalele iqiniso layo.

UHezekhiyeli 22:30

Ngadinga umuntu phakathi kwabo ongakha umduli, avimbe esikhaleni phambi kwami, avikele ilizwe ukuba ngingalichithi, kodwa kangifumananga muntu.

2 AmaKhosi 10:14

Wasesithi: Babambeni. Bababamba, bababulalela emgodini waseBeti‐Ekedi, Babengamatshumi amane lambili, kabatshiyanga loyedwa wabo.

2 AmaKhosi 10:7

Kwathi ekufikeni kwencwadi kuzo, bawathatha amadodana enkosi angamatshumi ayisikhombisa, bawabulala, bafaka amakhanda awo ezitsheni, bawesa kuye eJezereli.

2 AmaKhosi 9:33

Wasesithi: Mphoseleni phansi. Basebemphosela phansi; elinye igazi lakhe lachaphakela emdulini, lasemabhizeni anyathela phezu kwakhe.

2 AmaKhosi 9:24

UJehu wasetshoka umtshoko wakhe, wahlaba uJehoramu phakathi kweziphanga, umtshoko wahlaba inhliziyo, wawela enqoleni yakhe.

1 AmaKhosi 16:18

UZimri esebonile ukuthi umuzi usuthethwe, wangena enqabeni yesigodlo senkosi, wazitshisela phakathi, wafa.

1 AmaKhosi 16:22

Kodwa labo abalandela uOmri babehlula abalandela uTibini indodana kaGinathi; uTibini wafa, uOmri waba yinkosi.

1 AmaKhosi 15:28

UBahasha wambulala ngomnyaka wesithathu wokubusa kukaAsa inkosi yakoJuda, wasesiba yinkosi esikhundleni sakhe.

UHosiya 13:10

Ingaphi inkosi yakho khathesi ukuba ikusize? Bangaphi ababusi bakho bonke ukuba bakuvikele? labo owathi ngabo: Nginike inkosi lababusi.

UMikha 2:1

Maye kulabo abenza amacebo obubi, benze okubi emibhedeni yabo! Lapho sekusile bazakwenza, ngoba balamandla okukwenza.

AmaHubo 14:4

Kabalakwazi yini bonke abenza okubi abadla abantu bami njengokuba besidla isinkwa, bengakhuleki eNkosini na?

U-Isaya 64:4

Kusukela endulo abantu kabezwanga, futhi kababonanga uNkulunkulu onjengawe, osebenzela labo abamthembayo.

U-Isaya 64:6

Sonke sesinjengomuntu ongcolileyo, lezenzo zethu ezilungileyo zinjengengubo engeolileyo. Sonke siyabuna njengehlamvu, lobubi bethu buyasiphephula njengomoya.