UHosiya 5:8 - iBhayibhili Elingcwele 1978

⁸ Khalisani uphondo eGibeya, lilukhalise eRama, lihlabe umkhosi eBeti‐Aveni, uthuthumele, wena Benjamini.

IBhayibhili Elingcwele LesiNdebele

⁸ Khalisani icilongo eGibhiya, lophondo eRama. Hlabani umkhosi wempi eBhethi-Aveni; khokhela, wena Bhenjamini.

UHosiya 5:8 Referans Kwoze

UHosiya 9:9

Bazonakalisile kakhulu njengasensukwini zeGibeya. UNkulunkulu uzakhumbula ububi babo, abatshaye ngenxa yezono zabo.

UHosiya 4:15

Loba wena Israyeli uwula, uJuda kangabi lacala. Lingangeni eGiligali, lingayi eBeti‐Aveni, lingafungi lithi: Sifunga iNkosi.

UJoweli 2:1

Khalisani uphondo eZiyone, lihlabe umkhosi entabeni yami egcwele. Kabathuthumele bonke abakhileyo elizweni, ngoba usuku lweNkosi luyeza, seluseduze,

UJeremiya 4:5

Khulumani koJuda, limemeze eJerusalema lithi: Khalisani uphondo elizweni, limemeze kakhulu lithi: Buthanani, singene emizini ebiyelweyo.

1 USamuyeli 15:34

USamuweli wasesiya eRama, loSawuli waya emzini wakhe eGibeya.

UHosiya 8:1

INkosi ithi: Khalisa uphondo, ngoba ukhozi luzula phezu kwendlu yeNkosi; abantu bami sebephule isivumelwano sami, baphambuka emlayweni wami.

U-Isaya 10:29

badlula esikhaleni, ebusuku bayalala eGeba; iRama liyathuthumela, leGibeya likaSawuli liyabaleka.

Abahluleli 5:14

Basuka koEfrayimi behlela esigodini, belandela wena, Benjamini, lezihlobo zakho. KuMakiri kwaphuma izinduna, lakoZebuluni kwaphuma labo abaphatha intonga yenduna.

UJoweli 2:15

Khalisani uphondo eZiyone, lizile ukudla, lenze inkonzo enkulu;

UHosiya 10:5

Abakhileyo eSamariya bayathuthumela ngethole laseBeti‐Aveni. Abantu balo bazalililela, labapristi bezithombe balikhalele, bekhalela ubuhle balo osebususiwe kulo.

UJeremiya 6:1

Balekani ukuze liphephe, lina bantu bakoBenjamini, liphume phakathi kweJerusalema. Khalisani uphondo eTekowa, liphakamise uphawu eBeti‐Hakeremi, ngoba ububi bubonakala ngasenyakatho lokuchitheka okukhulu.

1 AmaKhosi 12:29

Wasemisa elinye ithole eBetheli, lelinye walimisa koDani.

2 USamuyeli 21:6

asinikwe amadodana akhe ayisikhombisa ukuze siwaphanyeke phambi kweNkosi uNkulunkulu eGibeyoni entabeni yayo. Inkosi yathi: Ngizalinika bona.

1 USamuyeli 8:4

Kwasekubuthana abadala bonke bakoIsrayeli, baya kuSamuweli eRama.

1 USamuyeli 7:17

Wayebuyela eRama, ngoba umuzi wakhe wawulapho; wahlulela uIsrayeli khona, wayakhela lapho iNkosi ialtare.

UJoshuwa 7:2

UJoshuwa eseJeriko wathumela abantu eAyi eliseduze leBeti‐Aveni ngasempumalanga kweBetheli, wathi kibo: Hambani liyehlola ilizwe. Basebehamba bayahlola eAyi.

uAmosi 3:6

Uphondo lungakhala emzini abantu bengethuki na? Umuzi ungehlelwa ngokubi iNkosi ingakuvumelanga na?