UHosiya 4:9 - iBhayibhili Elingcwele 1978

⁹ Abapristi labantu bazaphathwa ngokufananayo, ngizakubatshaya ngenxa yendlela zabo, ngibaphindisele ngenxa yezenzo zabo.

IBhayibhili Elingcwele LesiNdebele

⁹ Njalo kuzakuba kanje: Njengabantu, njengabaphristi. Bonke ngizabajezisela izindlela zabo, ngiphindisele kubo lezenzo zabo.

UHosiya 4:9 Referans Kwoze

UJeremiya 5:31

abaprofethi batshumayela amanga, labapristi babusa ngokululeka kwabaprofethi; abantu bami bayakuthanda lokhu. Kodwa lizakwenza njani ekupheleni na?

U-Isaya 24:2

Okuzakwenziwa ebantwini kuzakwenziwa lakumpristi; okuzakwenziwa esigqilini kwenziwe lasenkosini yaso; okuzakwenziwa encekukazini kwenziwe enkosikazini yayo; okuzakwenziwa kumthengi kwenziwe kumthengisi; okuzakwenziwa kumbolekisi kwenziwe kobolekayo; okuzakwenziwa kumniki wesikwelede kwenziwe kokweledayo.

UMatewu 15:14

Bayekeleni; bangabakhokheli abayiziphofu. Alubana isiphofu sikhokhela isiphofu, zizakuwela emgodini zombili.

UZakhariya 1:6

Kodwa amazwi ami lezimiso zami, engalaya ngakho inceku zami abaprofethi, kakubaficanga okhokho benu na? Ngakho baphenduka bathi: Njengalokhu iNkosi yamabandla yazimisela ukusiphatha ngokufanele indlela zethu lezenzo zethu, yenze njalo.

UHosiya 9:9

Bazonakalisile kakhulu njengasensukwini zeGibeya. UNkulunkulu uzakhumbula ububi babo, abatshaye ngenxa yezono zabo.

UHosiya 8:13

Lanxa benikela inyama yemihlatshelo, babuye bayidle, mina Nkosi kangiyikuyamukela. Ngizakukhumbula ububi babo, ngibatshaye ngenxa yezono zabo, babuyele eGibithe.

UHosiya 1:4

INkosi yathi kuHoseya: Ithe ibizo uthi nguJezereli, ngoba emva kwesikhatshana ngizatshaya indlu kaJehu ngenxa yegazi alichitha eJezereli, ngiwuqede umbuso wakoIsrayeli.

U-Isaya 3:10

Tshelani abalungileyo ukuthi kuzakuba kuhle kubo, ngoba bazakudla umvuzo wezenzo zabo.

Izaga 5:22

Omubi uyathiywa ngezakhe izenzo ezimbi, abanjwe yizono zakhe.

Izaga 12:14

Umuntu uzuza umvuzo omuhle ngamazwi akhe, athole okumfaneleyo ngomsebenzi wezandla zakhe.

UHosiya 7:2

Kabananzi ukuba ngiyakhumbula yonke imisebenzi yabo emibi. Khathesi izenzo zabo zibahanqile, zikhona phambi kwami.

UHosiya 9:15

INkosi ithi: Bonke ububi babo baqala eGiligali, ngalokho ngabazonda khona. Ngenxa yobubi bezenzo zabo ngizabaxotsha endlini yami. Kangisayikubathanda; bonke ababusi babo bayahlamuka.

UHosiya 10:10

Ngizakubasukela abantu abahlamukayo, ngibatshaye; izizwe zizakubabuthanela nxa betshayelwa izono zabo ezinengi.

UHosiya 12:2

INkosi ilecala loJuda, izamtshaya uJakobe ngokufanele indlela zakhe, imphindisele ngokufanele izenzo zakhe.

Izaga 11:31

Uba olungileyo ezuza umvuzo wakhe emhlabeni, kakhulu kangakanani omubi lesoni!

UHezekhiyeli 44:10

Kodwa amaLevi asuka kimi, aya khatshana, eduhela ezithombeni zawo ekuduheni kukaIsrayeli, azathwala ukutshwaywa kwawo.

UHezekhiyeli 44:12

Ngoba abasebenzela phambi kwezithombe zabo, aba yisikhubekiso sobubi kuIsrayeli, ngakho ngifungile mayelana labo ukuba azathwala ukutshaywa kwawo, kutsho iNkosi uNkulunkulu.

UHosiya 12:3

Lasesiswini waphica umfowabo, eseyindoda wabindana loNkulunkulu.