UHosiya 4:3 - iBhayibhili Elingcwele 1978

³ Ngakhoke ilizwe liyalila, labo bonke abahlala kilo baphela amandla, kanye lenyamazana zeganga lenyoni zaphezulu, lenhlanzi zolwandle ziyaphela.

IBhayibhili Elingcwele LesiNdebele

³ Ilizwe liyalila ngenxa yalokhu, njalo bonke abahlala kulo bayacikizeka; izinyamazana zeganga lezinyoni zasemoyeni kanye lenhlanzi zasolwandle kuyafa.

UHosiya 4:3 Referans Kwoze

UZefaniya 1:3

ngizaqothula abantu lenyamazana, ngiqothule inyoni zaphezulu lenhlanzi zasolwandle. Ngizachitha ababi, ngiqede bonke abantu emhlabeni, kutsho iNkosi.

UNahume 1:4

Ikhuza ulwandle lutshe, yenze imifula yonke itshe; iBashani leKarmeli kubone, lempoko zeLebanoni zibune.

uAmosi 5:16

INkosi uNkulunkulu wamabandla ithi: Emidangeni yenu yonke kuzakuba khona ukulila, lakuzo zonke indlela bazakuthi: Maye! Maye! Bazabiza abalimi ukuba balile, labakwaziyo ukukhala ukuba balile.

UHezekhiyeli 38:20

Inhlanzi zolwandle, lenyoni zaphezulu, lenyamazana zeganga, lazo zonke izinto ezihahabayo phansi, labo bonke abantu abakhona emhlabeni, kuzathuthumela phambi kwami; intaba zizadilizelwa phansi, kudilike amawa, lemiduli yonke iwele phansi.

UJeremiya 12:4

Koze kube nini ilizwe likhala, lotshani bonke beganga bubuna na? Ngenxa yobubi balabo abakhileyo khona inyamazana lenyoni ziyabhubha, ngoba abantu bathi: INkosi kayiyikubona esikwenzayo.

UJeremiya 4:25

Ngakhangela, ngabona ukuthi kakulamuntu, lenyoni zonke zaphezulu zasezibalekile.

uAmosi 8:8

Kawuyikuqhaqhazela umhlaba wonke ngalokhu, balile bonke abakhileyo kiwo, ukhukhumale wonke njengomfula iNile, uphoseke le lale, ubuye ubohle njengeNile laseGibithe na?

uAmosi 1:2

Wathi: INkosi iyaduma iseZiyone, izwakalise ilizwi layo iseJerusalema; amadlelo abelusi atshe, lezingqonga zeKarmeli zibune.

U-Isaya 33:9

Ilizwe lichithekile, lisele lize, izihlahla zeLebanoni ziyafa; iSharoni elivundileyo selinjengenkangala. eBashani laseKarmeli kuvuthuka amahlamvu ezihlahla.

UJeremiya 9:10

Ngizakhala ngililele izintaba, lamadlelo asenkangala, ngoba kuchithiwe, kakusekho ohamba khona, kakusezwakali ukukhala kwezinkomo, inyoni zaphezulu lenyamazana zibalekile zahamba.

UJeremiya 23:10

Ngoba ilizwe ligcwele izifebe; ngenxa yesiqalekiso seNkosi ilizwe liyakhala, lamadlelo enkangala omile. Indlela yabo yimbi, lamandla abo kawalunganga.

UJoweli 1:18

Yeka ukukhala kwezifuyo! Imihlambi yenkomo ididekile ngoba kayilalo idlelo; lemihlambi yezimvu ihluphekile.

UZakhariya 5:4

Ngizasithumela, kutsho iNkosi yamabandla, singene endlini yesela lendlini yalowo ofunga amanga ngebizo lami, sihlale endlini yakhe, siyidilize, izigodo lamatshe.

UJeremiya 9:9

Kangiyikubatshaya ngenxa yalezizinto na? kutsho iNkosi. Kangiyikuphindisela esizweni esinje na?