UHosiya 4:2 - iBhayibhili Elingcwele 1978

² Kukhona ukwaphulwa kwezifungo, lokuqamba amanga, lokubulala, lokweba, lokufeba; baqhubeka ngokwenza okubi, lamacala egazi ayalandelana.

IBhayibhili Elingcwele LesiNdebele

² Kulokuthuka kuphela, lokuqamba amanga lokubulala, lokuntshontsha kanye lobufebe; benza ububi bonke, njalo ukuchithwa kwegazi kulandela ukuchithwa kwegazi.

UHosiya 4:2 Referans Kwoze

UHosiya 6:9

Njengabaphangi becathamele umuntu, abapristi bayabuthana ukubulala abantu endleleni eya endaweni engcwele eShekema. yebo, benza okubi.

1 AbaseThesalonika 2:15

ababulala leNkosi uJesu labaprofethi, basixotsha lathi. Kabamthokozisi uNkulunkulu, bamelana labantu bonke,

UMikha 7:2

Abalungileyo babhubhile emhlabeni, kakusekho oqotho phakathi kwabantu; bonke bacathamela ukuchitha igazi, lowo lalowo uzingela umfowabo ngembule.

UHosiya 7:1

Lapho ngifisa ukwelapha uIsrayeli; ukonakala kukaEfrayimi kuyambulwa, lezenzo ezimbi zeSamariya; ngoba bayakhohlisana, bangamasela afohlela ezindlini, labaphangi abaphanga ngaphandle.

UJeremiya 6:7

Njengomthombo ogobhoza amanzi awo, ngokunjalo ugobhoza ububi bawo; isihluku lokubhubhisa kuzwakala phakathi kwawo; ukugula lamanxeba kuhlala kukhona phambi kwami.

Isambulo 17:6

Ngasengibona ukuba owesifazana edakwe ligazi labangcwele legazi labafela uJesu. Kuthe lapho ngimbona, ngamangala kakhulu.

Imisebenzi 7:52

Nguwuphi owabaprofethi okhokho benu abangamzingelanga na? Bababulala labo abamemezela ngaphambili ukuza koLungileyo, eselimnikele lambulala,

UMatewu 23:35

ukuba kwehlele phezu kwenu igazi lonke elingelacala elachithwa emhlabeni, kusukela egazini likaAbela olungileyo kuze kufike egazini likaZekariya indodana kaBarakiya, elambulala phakathi kwethempeli lealtare.

UZakhariya 7:9

INkosi yamabandla ithi: Yehlulelani ngokufaneleyo lenze umusa lesihawu kubafowenu,

UZakhariya 5:3

Sasesisithi kimi: Lokhu kuyisiqalekiso esiphumela emhlabeni wonke; ngoba ngokutsho kwaso umuntu owebayo uzakulahlwa, langokutsho kwaso wonke umuntu ofunga amanga uzakulahlwa.

UZefaniya 3:1

Maye kuwo umuzi oxhwalileyo ongcolileyo, ocindezelayo!

UMikha 6:10

Ngingayikhohlwa inotho ezuzwa ngokubi esendlini yababi, lezilinganiso ezikhohlisayo na?

UMikha 3:9

Zwanini lokhu, lina zinhloko zendlu kaJakobe, lani zikhulu zendlu kaIsrayeli, elinengwa yikulunga, lihlanekele bonke ubuqotho,

UMikha 3:2

lina elizonda okuhle, lithande okubi, elebula isikhumba sabantu bami, lihlubule inyama emathanjeni abo,

UHosiya 12:14

UEfrayimi ucunule kabuhlungu; ngakho iNkosi yakhe izakwehlisela phezu kwakhe icala lakhe legazi, ibuyisele kuye inhlamba yakhe.

UHosiya 10:4

Bakhuluma amazwi nje, benze izivumelwano ngezifungo zamanga; ukwahlulela sekunjengokhula olubulalayo olukhula emifolweni yensimu.

UHosiya 7:3

INkosi uNkulunkulu ithi: Ngobubi babo bayayikhohlisa inkosi, lababusi ngenkohliso yabo.

UHosiya 5:2

Bahlamukile, batshona ebubini, ngakhoke ngizabatshaya bonke.

Izililo 4:13

Kwakungenxa yezono zabaprofethi balo lobubi babapristi balo, ababechitha igazi labalungileyo phakathi kwalo.

U-Isaya 48:1

Zwana lokhu, wena ndlu kaJakobe, obizwa ngebizo likaIsrayeli, owenzalo kaJuda, ofunga ibizo leNkosi, odumisa uNkulunkulu kaIsrayeli, kodwa kungesikho ngeqiniso.

U-Isaya 24:5

Umhlaba wonakalisiwe ngabahlala kiwo; ngoba abantu beqile imilayo, bephula izimiso, bephula isivumelwano esingapheliyo.

UGenesisi 4:8

UKayini wathi kumfowabo uAbela: Asiye egangeni. Kwathi besegangeni, uKayini wasukela umfowabo uAbela, wambulala.

UDutheronomi 5:11

Ungalisebenzisi ngeze ibizo leNkosi uNkulunkulu wakho; ngoba olisebenzisa ngeze ibizo layo uzakuba lecala eNkosini.

UDutheronomi 5:18

Ungafebi.

UDutheronomi 5:19

Ungebi.

UJeremiya 51:5

Ngoba uIsrayeli loJuda kabalahlwanga nguNkulunkulu wabo, iNkosi yamabandla; kodwa ilizwe lamaKaladiya lilecala koNgcwele kaIsrayeli.

UHezekhiyeli 7:23

Zilungiselele, ngoba ilizwe ligcwele amacala egazi, lomuzi ugcwele isihluku;

UHosiya 6:8

IGileyadi lingumuzi wabenza okubi, ligcwele igazi.

UHosiya 7:4

Bayizifebe bonke, banjengeziko elitshisayo, elingakhwezelwa ngumphekizinkwa, kusukela esikhathini sokuxova inhlama kuze kube sekubileni kwayo.

UHosiya 10:13

Lilime ububi, lavuna ukungalungi, lidlile izithelo zamanga. Ngoba lithembile inqola zenu zempi, lobunengi bamaqhawe enu;

UHosiya 11:12

INkosi ithi: UEfrayimi ungizingelezele ngamanga, loIsrayeli ungiphahlile ngenkohliso; loJuda uyangihlamuka, mina othembekileyo loNgcwele.