UHosiya 4:18 - iBhayibhili Elingcwele 1978

¹⁸ lexuku lezidakwa, bazinikela ekuwuleni, bethanda ihlazo ukwedlula udumo lwabo.

IBhayibhili Elingcwele LesiNdebele

¹⁸ Lalapho okunathwayo kwabo sekuphelile, bayaqhubeka ngobufebe babo; ababusi babo bazithanda kakhulu izindlela ezilihlazo.

UHosiya 4:18 Referans Kwoze

UMikha 3:11

Inhloko zalo zahlulelela imali, abapristi balo bafundisela inkokhelo, abaprofethi balo bavumisela imali; kanti bathembela eNkosini besithi: INkosi kayikho phakathi kwethu na? Ngakhoke kasiyikwehlelwa ngokubi.

UMikha 7:3

Izandla zabo zikhuthalele ukwenza okubi, isikhulu lomahluleli bathengwa ngemali, loyisikhulu wahlulela ngokuthanda kwakhe, kuhlanekelwe ukulunga.

uAmosi 5:12

Ngoba ngiyazi ukuba iziphambeko zenu zinengi kangakanani, lokuba izono zenu zinkulu kangakanani, lina elihlupha abalungileyo, lamukele umvuzo wokuthengwa, lixotshe abaswelayo enkundleni.

UHosiya 4:10

Bazakudla, kodwa bangasuthi; bazawula, kodwa bangandi; ngoba bawulile ngokudela iNkosi.

UHosiya 4:2

Kukhona ukwaphulwa kwezifungo, lokuqamba amanga, lokubulala, lokweba, lokufeba; baqhubeka ngokwenza okubi, lamacala egazi ayalandelana.

UJeremiya 2:21

Kukanti mina ngakuhlanyela ulivini elihle, uyinhlanyelo elungileyo kuphela. Phoke, usuphenduke kanjani waba mubi, waba livini elibi na?

AmaHubo 47:9

Izikhulu zabantu ziyabuthana labantu bakaNkulunkulu kaAbrahama. Ngoba izihlangu zomhlaba zingezikaNkulunkulu; yena uphakeme kakhulu.

1 USamuyeli 8:3

Amadodana akhe ayengahambi ngendlela zakhe, kodwa athanda inzuzo, amukela umvuzo wokuthengwa, ahlanekela izahlulelo.

UDutheronomi 16:19

Lingonakalisi ukulunga, lingabandlululi muntu, lingamukeli umvuzo wokuthengwa, ngoba uphumputhekisa amehlo abahlakaniphileyo, wonakalise indaba yabalungileyo.

U-Eksodasi 23:8

Kawuyikwamukela isiphiwo, ngoba isiphiwo siphumputhekisa ababonayo, sonakalise indaba yabalungileyo.

UGenesisi 38:24

Kwathi emva kwenyanga ezintathu uJuda watshelwa ukuthi uTamari umalokazana wakhe ufebile, lokuthi ulesisu sokufetshwa. UJuda wasesithi: Mletheni lapha atshiswe.

UHosiya 9:10

INkosi ithi: Ngamfumana uIsrayeli njengezithelo zevini egangeni, ngababona okhokho babo njengezithelo zokuqala zomkhiwa. Kodwa bafika eBali‐Peyori, bazinikela kuBali, baba yisinengiso njengento abayithandileyo.

UHezekhiyeli 16:15

Kodwa wathemba ubuhle bakho, waba liwule ngenxa yodumo lwakho, wawula labo bonke abedlulayo.