UHosiya 4:15 - iBhayibhili Elingcwele 1978

¹⁵ Loba wena Israyeli uwula, uJuda kangabi lacala. Lingangeni eGiligali, lingayi eBeti‐Aveni, lingafungi lithi: Sifunga iNkosi.

IBhayibhili Elingcwele LesiNdebele

¹⁵ Lanxa ufeba, we Israyeli, uJuda kangabi lecala. Lingayi eGiligali; lingayi eBhethi-Aveni. Njalo lingafungi lisithi, ‘Ngeqiniso njengoba uThixo ekhona!’

UHosiya 4:15 Referans Kwoze

UHosiya 12:11

Kwakukhonzwa izithombe eGileyadi na? Yebo, babonakele, bahlabela onkulunkulu bezinkunzi eGiligali. Ama‐altare abo anda njengenqumbi zamatshe emasimini.

UHosiya 9:15

INkosi ithi: Bonke ububi babo baqala eGiligali, ngalokho ngabazonda khona. Ngenxa yobubi bezenzo zabo ngizabaxotsha endlini yami. Kangisayikubathanda; bonke ababusi babo bayahlamuka.

uAmosi 4:4

Wozani eBetheli, lizekona, laseGiligali, lizekwandisa izono zenu, lilethe imihlatshelo yenu ekuseni insuku zonke, lokwetshumi kwenu kanye ngensuku ezintathu!

uAmosi 8:14

Abafunga isithombe saseSamariya besithi: Ukuphila kukankulunkulu wakho, Dani! lokuthi: Indlela yaseBerisheba; bazakuwa, bangabe besavuka.

uAmosi 5:5

kodwa lingadingi iBetheli, lingangeni eGiligali, loba lidlulele eBerisheba, ngoba iGiligali lizathunjwa, leBetheli lizachitheka.

UHosiya 10:8

Indawo eziphakemeyo zokukhonzela ezilize eziyisono sikaIsrayeli zizachithwa; ameva lokhula kuzamila emaaltareni abo. Bazakuthi ezintabeni: Sisibekeleni; bathi lasemaqaqeni: Welani phezu kwethu.

UHosiya 10:5

Abakhileyo eSamariya bayathuthumela ngethole laseBeti‐Aveni. Abantu balo bazalililela, labapristi bezithombe balikhalele, bekhalela ubuhle balo osebususiwe kulo.

UHosiya 5:8

Khalisani uphondo eGibeya, lilukhalise eRama, lihlabe umkhosi eBeti‐Aveni, uthuthumele, wena Benjamini.

UJeremiya 5:2

Loba besithi: Ngifunga iNkosi; kanti bafunga amanga nje.

Abase-Efesu 5:11

Lingahlanganyeli lemisebenzi yomnyama engelazithelo, kodwa ivezeni obala.

uAmosi 6:10

Lapho isihlobo somunye wawo esitshisa amathambo akhe sithatha amathambo ukuba siwakhuphe endlini, sithi kophakathi endlini impela: Kusekhona omunye umuntu olawe na? Yena uzakuthi: Atshi. Thula, ungaliphathi ibizo leNkosi.

UHosiya 11:12

INkosi ithi: UEfrayimi ungizingelezele ngamanga, loIsrayeli ungiphahlile ngenkohliso; loJuda uyangihlamuka, mina othembekileyo loNgcwele.

UHosiya 4:12

bayacela izeluleko esigodweni, lentonga yabo iyabeluleka. Ngoba umoya wokuwula ubaduhisile, bawulile ngokutshiya uNkulunkulu wabo.

UHezekhiyeli 20:39

Linake, Israyeli, kutsho iNkosi uNkulunkulu, hambani lonke liyekhonza izithombe zenu! Kodwa ngithi lizangilalela ekucineni; lizayekela ukungcolisa ibizo lami elingcwele ngeminikelo yenu langezithombe zenu.

U-Isaya 48:1

Zwana lokhu, wena ndlu kaJakobe, obizwa ngebizo likaIsrayeli, owenzalo kaJuda, ofunga ibizo leNkosi, odumisa uNkulunkulu kaIsrayeli, kodwa kungesikho ngeqiniso.

UJeremiya 44:26

Kodwa zwanini ilizwi leNkosi, lina lonke bakoJuda elihlala eGibithe: Khangelani, ngifungile ibizo lami elikhulu, kutsho iNkosi, ukuba ibizo lami kalisayikubizwa futhi ngumlomo womuntu koJuda, kulo lonke ilizwe laseGibithe, ngokuthi: Ngifunga iNkosi uNkulunkulu.

UJoshuwa 5:9

INkosi yasisithi kuJoshuwa: Lamhla ngisusile kini ihlazo laseGibithe. Ngalokhoke leyondawo yathiwa yiGiligali kuze kube lamhla.

UJoshuwa 7:2

UJoshuwa eseJeriko wathumela abantu eAyi eliseduze leBeti‐Aveni ngasempumalanga kweBetheli, wathi kibo: Hambani liyehlola ilizwe. Basebehamba bayahlola eAyi.

2 ImiLando 17:4

kodwa wadinga uNkulunkulu kayise, wahamba ngemilayo yakhe, kaze alingisa indlela zakoIsrayeli.

2 ImiLando 21:11

Futhi wamisa indawo eziphakemeyo zokukhonzela entabeni zakoJuda, wenza abaseJerusalema bakhonze izithombe, waduhisa abakoJuda.

UHosiya 12:1

UEfrayimi uhamba lomoya, alandele umoya wasempumalanga usuku lonke; bayandisa amanga lesihluku, benze isivumelwano leAsiriya, base amafutha eGibithe.

UHosiya 12:12

UJakobe wabalekela elizweni laseAramu, lapho uIsrayeli asebenzela khona ukuthola umfazi, welusa izimvu ngenxa yomfazi.