UHosiya 3:2 - iBhayibhili Elingcwele 1978

² Ngasengimthenga ngamashekeli esiliva alitshumi lanhlanu, langehomeri elilengxenye yebhali.

IBhayibhili Elingcwele LesiNdebele

² Ngakho ngamthenga ngamashekeli esiliva alitshumi lanhlanu langokwakuphosa kube lihomeri leletheki lebhali.

UHosiya 3:2 Referans Kwoze

UHezekhiyeli 45:11

Ihefa letanka kuzakuba yizilinganiso ezifananayo, itanka libe yingxenye yetshumi yehomeri, lehefa libe yingxenye yetshumi yehomeri; ihomeri libe yisilinganiso esikhulu.

ULevi 27:16

Uba umuntu esahlukanisela iNkosi ingxenye yensimu eyilifa lakhe, okulinganiswa kwayo kuzalingana lenhlanyelo engahlanyelwa lapho. Ihomeri lebhali lizakulingana lamashekeli esiliva engamatshumi amahlanu.

UGenesisi 34:12

Bizani kimi amalobolo lesipho loba kungakanani, ngizalipha njengokutsho kwenu kimi; kodwa ngiphani intombi ibe ngumkami.

U-Isaya 5:10

Ngoba indima ezinhlanu zevini zizathela itanka elilodwa nje, lehomeri lenhlanyelo lithele ihefa nje lamabele.

1 USamuyeli 18:25

USawuli wasesithi: Alibomtshela uDavida lithi: Inkosi kayifuni malobolo, kuphela amajwabu alikhulu amaFilistiya ukuba kuphindiselwe ezitheni zenkosi. USawuli wayefuna ukumbulalisa ngamaFilistiya uDavida.

U-Eksodasi 22:17

Uba uyise esala impela ukumnika yona, uzahlawula imali elingana lelobolo lentombi.

UGenesisi 31:41

Bengisemzini wakho iminyaka engamatshumi amabili, ngasebenzela kuwe amadodakazi akho amabili okweminyaka elitshumi lane, ngalusa umhlambi wakho iminyaka eyisithupha; waphendula umvuzo wami kwaze kwaba yizikhathi ezilitshumi.

URuthe 4:10

LoRuthe waseMowabi, umfelwakazi kaMaheloni laye ngimthengile ukuba abe ngumkami, ukuba ngimise ibizo lomuyi elifeni lakhe, ukuba ibizo lakhe lingapheli phakathi kwabafowabo lenkundleni yakibo. Lina lingofakazi lamhla.

UHosiya 3:3

Ngathi kuye: Uzahlala lami ube ngowami insuku ezinengi; ungawuli, ungabi ngowenye indoda, lami ngizakuba ngowakho.