UHosiya 2:20 - iBhayibhili Elingcwele 1978

²⁰ Ngizazimisela wena ngeqiniso; uzangazi mina Nkosi.

IBhayibhili Elingcwele LesiNdebele

²⁰ Ngizakwendisa ngokuthembeka, njalo uzamamukela uThixo.

UHosiya 2:20 Referans Kwoze

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.

UJohane 17:3

Ukuphila okungapheliyo yilokhu ukuba bakwazi wena Nkulunkulu wedwa ongoweqiniso, loJesu Kristu omthumileyo.

1 UJohane 4:6

Kodwa thina singabakaNkulunkulu; omaziyo uNkulunkulu uyasizwa; ongesuye kaNkulunkulu kasizwa. Ngalokhu siyamazi umoya weqiniso lomoya wokuduha.

UJeremiya 24:7

ngibanike inhliziyo yokwazi ukuba mina ngiyiNkosi; bazakuba ngabantu bami, ngibe nguNkulunkulu wabo, ngoba bazabuyela kimi ngenhliziyo yabo yonke.

AbaseKholose 1:10

lihambe ngokufanele iNkosi, liyithokozise ngakho konke, lithele izithelo emisebenzini yonke elungileyo, likhule ekumazini uNkulunkulu.

UHosiya 2:19

Ngizakuzimisela wena Israyeli ube ngumkami kokuphela, ngizimisele wena ngokuqotho langokulunga langothando olungapheliyo.

AbaseFiliphi 3:8

Yebo impela, konke ngikutshaye ize ngenxa yobukhulu bokumazi uKristu Jesu iNkosi yami. Ngilahlekelwe yikho konke ngenxa yakhe, ngikutshaya imfucuza, ukuze ngizuze uKristu,

UJohane 8:55

Kodwa kalimazanga; mina ngiyamazi. Uba ngisithi kangimazi, ngizakuba ngumqambi wamanga njengani. Kodwa mina ngiyamazi, ngiyaligcina ilizwi lakhe.

UMatewu 11:27

Konke ngikunikelwe nguBaba; kakho oyaziyo iNdodana, kuphela uYise; kakho futhi omaziyo uYise, kuphela iNdodana lalowo iNdodana ethanda ukumambulela yena.

UHezekhiyeli 38:23

Ngalokho ngizaveza ubukhulu bami lobungcwele bami, ngizibonakalise ezizweni ezinengi; ng’khonake bazakwazi ukuba ngiyiNkosi.

UJeremiya 9:24

kodwa ozincomayo kazincome ngalokhu, ukuthi uyangiqedisisa, futhi uyazi ukuba mina ngiyiNkosi elothando olungapheliyo, lokulunga, lobuqotho emhlabeni; ngoba lezizinto ngiyezithanda, kutsho iNkosi.

2 uTimothi 1:12

Ngalokhoke ngiyahlupheka; kodwa kangilamanhloni ngoba ngiyamazi engakholwa kuye, ngiyazi ukuthi ulamandla okulondoloza lokho anginike khona kuze kufike lolosuku.

2 AbaseKhorinte 4:6

Ngoba uNkulunkulu owathi: Kakuvele ukukhanya emnyameni, kukhanye; wenzile ukuba lokhukukhanya kukhanye phakathi kwethu, kusinike ukukhanya kokwambulwa, ukwambulwa kwenkazimulo kaNkulunkulu kuJesu Kristu.

ULukha 10:22

Konke ngikunikelwe nguBaba; kakho owaziyo ukuthi iNdodana ingubani, kuphela uYise, lokuthi uYise ungubani, kuphela iNdodana, lalowo iNdodana ethanda ukumambulela yena.

UHosiya 13:4

INkosi ithi: Mina ngiyiNkosi, uNkulunkulu wakho, kusukela ekuhlaleni kwakho eGibithe; kawumazi omunye uNkulunkulu ngaphandle kwami, kakho omunye umsilisi ngaphandle kwami.

UHosiya 6:6

Ngoba ngifuna uthando olungapheliyo kulomhlatshelo, lokwazi uNkulunkulu kuleminikelo yokutshiswa.

AmaHebheru 8:11

Kabasayikufundisana kube yilowo lalowo lowakibo, loba ilowo lalowo lomfowabo, ngokuthi: Yazi iNkosi. Ngoba bonke bazakungazi, kusukela komncinyane wabo kuze kufike komkhulu.

U-Isaya 62:4

Kawusayikubizwa ngokuthi ngoTshiyiweyo, lelizwe lakini kalisayikuthiwa ngoLahliweyo; kodwa uzakubizwa ngokuthi yiNtokozo yami, lelizwe lakini ngokuthi ngoWendileyo; ngoba iNkosi iyathokoza ngawe, lelizwe lakini libe ngelayo.

UJeremiya 32:41

Ngizathokoza ngokubenzela okuhle, ngibagxumeke ngobuqotho kulelilizwe ngayo yonke inhliziyo yami langawo wonke umoya wami.

UHezekhiyeli 16:8

Lapho ngidlula kuwe futhi ngakukhangela, ngakubona ususesikhathini sothando; ngendlala ingubo yami phezu kwakho, ngambathisa ubunqunu bakho; ngathembisa ukukuthatha, ngenza isivumelwano lawe, waba ngowami, kutsho iNkosi uNkulunkulu.

UGenesisi 9:10

lazo zonke izidalwa eziphilayo ezilani, izinyoni lezifuyo lenyamazana zonke zomhlaba ezikanye lani, konke okuphume emkolweni.

ULevi 26:5

Lizakubhula kuze kufike isikhathi sokuvuna amavini, livune amavini kuze kufike isikhathi sokuhlanyela; lizakudla ukudla kwenu, lisuthe, lihlale livikelekile elizweni lakini.

ULevi 26:6

Ngizakulinika ukuthula elizweni, lilale lingethuswa muntu, ngisuse inyamazana ezimbi elizweni, lempi kayiyikuhlasela elizweni lakini.

U-Isaya 2:4

Izakwahlulela phakathi kwezizwe, iqumele abantu abanengi; bazakukhanda imihedla yabo ibe yimilomo yamakhuba, lemikhonto yabo ibe zingqamu zokuthena izihlahla; isizwe kasiyikuphakamisela isizwe umkhonto, kasisayikufunda ukulwa futhi.

UJeremiya 30:10

Ngakhoke ungesabi, wena Jakobe, nceku yami; ungatshaywa luvalo, wena Israyeli, kutsho iNkosi; ngoba ngizakukukhulula endaweni ekhatshana, lenzalo yakho elizweni lokuthunjwa kwayo. UJakobe uzakubuya aphumule, ahlale kuhle, angethuswa muntu.

UHezekhiyeli 16:62

Ngizakwenza isivumelwano sami lawe ukuba wazi ukuthi ngiyiNkosi.

UHezekhiyeli 34:25

Ngizakwenza lazo isivumelwano sokuthula, ngixotshe izilo zeganga elizweni, ukuze zilondolozeke enkangala, zilale ehlathini.

UHezekhiyeli 34:27

Izihlahla zeganga zizathela izithelo zazo, lomhlaba uveze inala, zilondolozeke elizweni lazo. Zizakwazi ukuba ngiyiNkosi nxa sengaphule ijogwe lazo, ngazikhulula kulabo abazithumbileyo.

UMikha 4:3

Izakwahlulela phakathi kwezizwe ezinengi, equmele izizwe ezilamandla ezikhatshana; zizakukhanda imihedla yazo ibe yimilomo yamakhuba, lemikhonto yazo ibe zingqamu zokuthena izihlahla; izizwe kazisayikuphuma impi, kazisayikufunda ukulwa futhi;

UZakhariya 9:10

Izaqeda inqola zokulwa koEfrayimi, lamabhiza okulwa eJerusalema; lemitshoko yokulwa izakuqedwa. Izamemezela ukuthula ezizweni; lokubusa kwayo kuzasukela olwandle kuze kufike kolunye ulwandle, kusukele emfuleni iYufrathi kuze kube sekucineni komhlaba.