UHosiya 2:15 - iBhayibhili Elingcwele 1978

¹⁵ Laphoke ngizambuyisela izivini zakhe, ngenze isihotsha saseAkori, okutsho iNhlupheko, sibe nguMnyango wethemba. Uzaphendula lapho njengasensukwini zobutsha bakhe, njengasosukwini lokuphuma kwakhe eGibithe.

IBhayibhili Elingcwele LesiNdebele

¹⁵ Lapho-ke ngizambuyisela izivini zakhe, ngenze iSigodi sase-Akhori sibe ngumnyango wethemba. Khonapho uzahlabelela njengasezinsukwini zobutsha bakhe, njengamhla ephuma eGibhithe.

UHosiya 2:15 Referans Kwoze

UHezekhiyeli 28:26

Bazahlala kilo belondolozekile, bakhe imizi, bahlanyele izivini. Bazahlala belondolozekile nxa sengithonisisa bonke omakhelwana babo ababenze inhlekisa. Ng’khona bazakwazi ukuba ngiyiNkosi uNkulunkulu.

UJeremiya 2:2

Hamba uyememezela eJerusalema uthi: INkosi ithi: Ngiyakhumbula ukuthembeka kwakho usemutsha, lothando lwakho usengumlobokazi, lokungilandela kwakho enkangala, elizweni elingahlanyelwanga.

UHosiya 11:1

UIsrayeli esengumntwana ngamthanda, ngayibiza indodana yami ukuba iphume eGibithe.

UJoshuwa 7:26

Babuthelela phezu kwakhe inqwaba enkulu yamatshe; isekhona lalamhla. Kwasekuphela ukuvutha kolaka lweNkosi. Ngakho leyondawo isabizwa ngokuthi yisihotsha saseAkori, okutsho inhlupheko.

Imisebenzi 14:27

Kwathi sebefikile, balihlanganisa ibandla, balandisa konke uNkulunkulu abekwenzile ngabo lokuthi uvulele abezizwe umnyango wokukholwa.

UJohane 10:9

Mina ngilisango; uba umuntu engena ngami uzakusiliswa, angene aphume, afumane idlelo.

uAmosi 9:14

Ngizabuyisa abantu bami uIsrayeli, bayakhe futhi imizi echithekileyo, bahlale kiyo; bahlanyele izivini, banathe iwayini lazo, balime amasimu, badle izithelo zawo.

UHezekhiyeli 16:60

kanti ngizakhumbula isivumelwano sami lawe, esensukwini zobutsha bakho, ngenze lawe isivumelwano esingelakuphela.

UHezekhiyeli 16:22

Kuwo wonke amanyala akho lakukho konke ukuwula kwakho kawukhumbulanga insuku zobutsha bakho lapho wawunqunu, uqhatsha egazini lakho.

UHezekhiyeli 16:8

Lapho ngidlula kuwe futhi ngakukhangela, ngakubona ususesikhathini sothando; ngendlala ingubo yami phezu kwakho, ngambathisa ubunqunu bakho; ngathembisa ukukuthatha, ngenza isivumelwano lawe, waba ngowami, kutsho iNkosi uNkulunkulu.

U-Isaya 65:21

Abantu bazakwakha izindlu, bahlale kuzo, bahlanyele izivini, badle izithelo zazo.

UZakhariya 9:12

Buyelani enqabeni yenu, lina zibotshwa esezilethemba; lamhla ngiyalitshela ukuthi ngizalibusisa ngokuphindwe kabili.

Izililo 3:21

Kodwa ngikhumbula lokhu ngibe lethemba,

UJeremiya 32:15

Ngoba iNkosi yamabandla, uNkulunkulu kaIsrayeli, ithi: Izindlu lamasimu lezivini kuzakubuya kuthengwe futhi kulelilizwe.

AmaHubo 106:12

Basebekholwa amazwi akhe, bahlabelela kuye.

AmaNani 21:17

UIsrayeli wasehlabela lingoma ethi: Mpompoza, mthombo! Hlabelelani kuwo,

UHosiya 12:9

Mina ngiyiNkosi, uNkulunkulu wakho, kusukela ekuhlaleni kwakho eGibithe. Ngisazakukuhlalisa emathenteni njengensukwini zasendulo.

U-Isaya 65:10

ISharoni izakuba lidlelo lemihlambi, lesihotsha saseAkori sibe yisibaya sezinkomo zabantu bami abangidingayo.

UHosiya 2:12

Ngizagamula izihlahla zakhe zamavini lezemikhiwa, atsho ngazo ukuthi: Lezi zingumvuzo wami, izithandwa zami ezinginike wona. Ngizazenza zibe ligusu, zidliwe zinyamazana zeganga.

AmaHubo 129:1

Abantu bangihluphile kakhulu kusukela ebutsheni bami; katsho njalo uIsrayeli athi:

UJeremiya 2:1

Laselifika kimi ilizwi leNkosi lisithi:

UJeremiya 3:4

Kawusand’ ukumemeza kimi yini ukuthi: Baba, wena ungumngane wobutsha bami?

UJeremiya 29:11

Ngoba ngiyazi mina imicabango engiyicabanga ngani, kutsho iNkosi; yimicabango yokuthula, kayisiyo eyokubi, ukuba ngilinike isikhathi esizayo esilethemba.

UHezekhiyeli 28:25

INkosi uNkulunkulu ithi: Nxa sengibutha uIsrayeli ebantwini abachithachithwe kibo, ngizabonakalisa ubungcwele bami kibo phambi kwezizwe; bazahlala elizweni labo engalinika inceku yami uJakobe.

UHosiya 12:13

INkosi yamkhupha uIsrayeli eGibithe ngomprofethi, walondolozwa ngumprofethi.

UHosiya 13:4

INkosi ithi: Mina ngiyiNkosi, uNkulunkulu wakho, kusukela ekuhlaleni kwakho eGibithe; kawumazi omunye uNkulunkulu ngaphandle kwami, kakho omunye umsilisi ngaphandle kwami.

Abahluleli 8:34

Kabayikhumbulanga iNkosi uNkulunkulu wabo eyabophula ezandleni zezitha zabo zonke inxa zonke.

1 AmaKhosi 16:31

Kwakungathi kakwanelanga kuye ukwenza izono zikaJerobowamu indodana kaNebati, wathatha uJezebeli indodakazi kaEthibali inkosi yaseSidoni ukuba abe ngumkakhe. Wakhonza uBali, wakhuleka kuye.