UHosiya 14:7 - iBhayibhili Elingcwele 1978

⁷ Bazabuya bahlale emthunzini wami, batshaye inala yamabele, bakhahlele njengevini, babe lodumo njengewayini laseLebanoni.

IBhayibhili Elingcwele LesiNdebele

⁷ Abantu bazahlala njalo emthunzini wakhe. Uzakhula kuhle njengamabele. Uzaqhakaza njengevini, lodumo lwakhe luzakuba njengolwewayini laseLebhanoni.

UHosiya 14:7 Referans Kwoze

AmaHubo 91:1

Yena owakhileyo ekusithekeni koPhezukonke, ohlala emthunzini kaSomandla,

UJohane 11:25

UJesu wathi kuye: Mina ngiyikuvuka lokuphila; okholwa kimi, loba esefile, uzakuphila.

UZakhariya 8:12

Ngoba kuzahlanyelwa ngokuthula, ivini lizathela izithelo zalo lomhlabathi wandise inala yawo, lephezulu lehlise amazolo alo; ngizabanika abaseleyo balababantu zonke lezizinto.

UHosiya 14:5

Ngizakuba njengamazolo kuIsrayeli; uzakhahlela njengomduze, agxumekeke njengomkhaya omhlophe.

UHosiya 6:2

Ngemva kwensuku ezimbili izakusivuselela, isivuse ngosuku lwesithathu, ukuba siphile phambi kwayo.

UHosiya 2:22

umhlaba uphendule ngokuthela amabele lewayini lamafutha, wona aphendule uJezereli ngokumnika ukudla.

UHezekhiyeli 17:23

ngilihlanyele engqongeni yentaba koIsrayeli, likhuphe ingatsha, lithele izithelo, libe ngumkusu omuhle; inyoni zenhlobo zonke zizalala ngaphansi kwawo, zilale emthunzini wengatsha zawo.

U-Isaya 61:11

Ngoba njengomhlaba uveza ihlumela lawo, lanjengensimu ikhulisa okuhlanyelweyo kiyo, ngokunjaloke iNkosi uNkulunkulu izaveza ukulunga lodumo phambi kwezizwe zonke.

Ingoma 6:11

Ngaya ensimini elemidlawuzo ukubona okuhlumayo esigodini, lokubona ukuba amavini aseqalile ukuhluma lokuba amapomegranati asekhahlele yini;

Ingoma 2:3

Njengesihlahla somqokolo phakathi wezihlahla zesandle, sinjaloke isithandwa sami phakathi kwamajaha. Ngithanda ukuhlala emthunzini waso, lezithelo sazo zimnandi kimi.

AmaHubo 138:7

Loba ngihamba phakathi kwenhlupheko, wena uyalondoloza ukuphila kwami; umelana lezitha zami ezilolaka, lesandla sakho sokunene siyangikhulula.

AmaHubo 85:6

Kawuyikusivuselela, ukuze abantu bakho bathokoze ngawe na?

UJohane 12:24

Ngiqinisile, ngiqinisile ngithi kini: Uba uhlamvu lwebele luwela emhlabathini lungafi, luhlala lodwa; kodwa aluba lusifa, luyathela izithelo ezinengi.

UHosiya 2:21

Ngalolosuku, kutsho iNkosi, ngizanika iphezulu impendulo, lona lizaphendula ngokunisa izulu emhlabeni,

Ingoma 4:11

Indebe zakho, mlobokazi wami, zimnandi njengenyosi, lolimi lwakho lunjengochago loluju, iphunga lezambatho zakho linjengephunga laseLebanoni.