UHosiya 13:6 - iBhayibhili Elingcwele 1978

⁶ Kodwa nxa usudlile kakhulu, wasutha, lenhliziyo yakho yazikhukhumeza; wasungikhohlwa.

IBhayibhili Elingcwele LesiNdebele

⁶ Lapho ngibapha ukudla, basutha; sebesuthi, basuka bazigqaja; basebengikhohlwa.

UHosiya 13:6 Referans Kwoze

AmaHubo 10:4

Ekuzigqajeni kwakhe omubi uthi: Kangilandaba leNkosi; yonke imicabango yakhe ithi: Kakho uNkulunkulu.

UNehemiya 9:35

Kabakukhonzanga embusweni wabo besakholisa ukuphumelela okukhulu owabanika khona lamazwe abanzi avundileyo owabanika wona; kabazitshiyanga izenzo zabo ezimbi.

UDutheronomi 32:18

Kabalinanzelelanga iDwala elabazalayo, bamkhohlwa uNkulunkulu owabazalayo.

UHosiya 10:1

UIsrayeli ulivini elihle kakhulu elithelayo izithelo. Ngokwanda kwezithelo zakhe wandisa ama‐altare akhe; langokwanda kobuhle belizwe lakhe wenza insika zakhe zokukhonzela zibe zinhle.

UHosiya 8:4

Bazibekela amakhosi ngaphandle kwemvumo yami. Bamisa ababusi ngingazi mina. Ngesiliva sabo langegolide labo bazenzela izithombe ezabalethela ukuchitheka.

UHosiya 2:13

Ngizamtshaya ngenxa yezinsuku zemikhosi yaboBali, ayebatshisela ngazo impepha, ezicecisa ngamasongo langamangqongqo, walandela izithandwa zakhe, wangikhohlwa, kutsho iNkosi.

U-Isaya 17:10

Ngoba wena Israyeli umkhohliwe uNkulunkulu wokukhululwa kwakho, kawulikhumbulanga leDwala, isiphephelo sakho. Ngoba uyahlanyela izithombo ezinhle, ugxumeke amahlumela abonkulunkulu bezizwe,

Izaga 30:9

funa ngisuthe, ngikuphike ngithi: Ngubani iNkosi? Kodwa uba ngingumyanga, ngingeba, ngilone ibizo likaNkulunkulu wami.

UJeremiya 5:7

Ngingakuthethelela kanjani? Abantwana bakho bangihlamukele, bafunga labo abangesibo onkulunkulu. Ngabanika ukudla okunengi, kodwa bafeba, baya ezindlini zezifebe.

UHezekhiyeli 23:35

Ngalokho iNkosi uNkulunkulu ithi: Ngoba ungikhohliwe, wangilahla nyovane, thwala umvuzo wamanyala akho lokuwula kwakho.

UHezekhiyeli 28:5

Ngokuhlakanipha kwakho okukhulu ekuthengeni wandisile inotho yakho, lenhliziyo yakho isizigqaja ngenotho yakho.

UHosiya 2:7

Uzathungatha izithandwa zakhe, kodwa angazifici; uzazidinga, kodwa angazifumani. Abesesithi: Sengizabuyela endodeni yami yokuqala, ngoba kwakungcono kimi ngalesosikhathi kulakhathesi.

UHosiya 4:6

Abantu bami bayabhubha ngokuswela ukwazi; ngoba ukwalile ukwazi, lami ngizakukwala, ungabi ngumpristi wami. Lokhu usuwukhohliwe umlayo kaNkulunkulu wakho, lami ngizakhohlwa abantwana bakho.

UHosiya 4:7

Ngokwanda kwabapristi kuyanda lokona kwabo kimi. Udumo lwabo ngizaluphendula lube lihlazo.

UHosiya 7:14

Kabamemezi kimi ngenhliziyo zabo, kodwa bakhala besemibhedeni yabo; lapho bekhalela amabele lewayini, bayazisika, kodwa mina bayangihlamuka.

UHosiya 8:14

UIsrayeli umkhohliwe uMenzi wakhe, wazakhela izindlu zamakhosi; uJuda wandisile imizi ebiyelweyo; kodwa ngizathumela umlilo phezu kwemizi yakhe, ozaqothula inqaba zakhe.

UHosiya 12:8

UEfrayimi uthe: Senginothile, ngizizuzele inotho. Kodwa yonke inotho yakhe ingelihlawulele icala alenzileyo.

UHosiya 5:14

Ngizakuba njengesilwane koEfrayimi, ngibe njengesilwane koJuda. Mina, uqobo lwami, ngizakubadabudabula, besengihamba, ngibathwale njengempango yami, kungabi khona ongamukayo.