UHosiya 13:13 - iBhayibhili Elingcwele 1978

¹³ Umhelo uyamfikela, kodwa unjengomntwana oyisiphukuphuku, othi isikhathi sakhe sesifikile, kodwa kaphumi esiswini.

IBhayibhili Elingcwele LesiNdebele

¹³ Ufikelwa yibuhlungu obunjengowesifazane ehelelwa, kodwa ungumntwana ongelalwazi; lapho isikhathi sifika, kabuyi ekuvulekeni kwesizalo.

UHosiya 13:13 Referans Kwoze

U-Isaya 37:3

Bathi kuye: UHezekiya uthi: Lolu lusuku lokuhlupheka lolokusolwa lolwehlazo; sinjengowesifazana osezabeletha, kodwa ongaselamandla okubeletha.

U-Isaya 13:8

batshaywe luvalo, behlelwe yibuhlungu lokudabuka, bafuthelwe njengowesifazana ohelelwayo, bakhangelane ngokumangala, benyukumele.

U-Isaya 26:17

Njengokhulelweyo lapho kusondele isikhathi sokubeletha kwakhe ekhaliswa yibuhlungu, lathi saba njalo ngenxa yakho, Nkosi.

AmaHubo 48:6

ehlelwa lapho yikuthuthumela layibuhlungu, njengowesifazana ohelelwayo.

2 AmaKhosi 19:3

Bathi kuye: UHezekiya uthi: Lolu lusuku lokuhlupheka lolokusolwa lolwehlazo; sinjengowesifazana osezabeletha, kodwa ongaselamandla okubeletha.

1 AbaseThesalonika 5:3

Nxa besithi: Ukuthula lokuhlala kuhle; kung’khona ukubhujiswa kuzakubajuma njengomhelo ufikela owesifazana okhulelweyo, kabasoze baphunyuke.

Izaga 22:3

Olengqondo ehlakaniphileyo nxa ebona ingozi isiza uyacatsha, kodwa ongelalwazi uqonda kuyo ahlupheke.

2 AbaseKhorinte 6:2

Ngoba uthi: Ngesikhathi esihle ngikuzwile, langosuku lokusiliswa ngakusiza. Khangelani, khathesi sekuyisikhathi esihle impela; sekulusuku lokusiliswa.

Imisebenzi 24:25

Esakhuluma ngokulunga, langokuzibamba, langokulahlwa okuzayo, uFelike watshaywa luvalo, wathi: Ake uhambe okwakhathesi; nxa ngizuza ithuba ngizakukubiza.

UJeremiya 49:24

IDamaseko selibuthakathaka, liphenduke ukuba libaleke, lifikelwe yibugwala, ukudabuka losizi kulehlele njengowesifazana ohelelwayo.

UJeremiya 30:6

Ake libuze lizwe, kumbe indoda ingazala umntwana na? Phoke, kungani ngibona wonke amadoda ebambe inkalo zawo njengowesifazana ohelelwayo na? Kungani ubuso bonke bunyukumele na?

UJeremiya 22:23

Wena ohlala eLebanoni, owakhe isidleke sakho phakathi kwemikusu, yeka ukukhala kwakho mhla uzakwehlelwa yibuhlungu, ubuhlungu obunjengobowesifazana obelethayo.

UJeremiya 13:21

Lizakuthini uba belibekela labo elabenza abangane benu ukuba babe ngabaphathi benu na? Kaliyikwehlelwa yibuhlungu obunjengowesifazana ohelelwayo na?

UJeremiya 4:31

Ngoba ngizwile ilizwi kungathi ngelowesifazana ohelelwayo, ukukhala okubuhlungu okunjengokozibulayo; yikukhala kweZiyone elikhefuzelayo, liselula izandla zalo lisithi: Maye mina! ngiphelelwa ngamandla ngoba nampa ababulali bayeza.

U-Isaya 66:9

Ngizavula isizalo kodwa ngingenzi ukuba kuzalwe na? kutsho iNkosi. Kuzakuthi mina engenza ukuba kuzalwe, ngibuye ngivale isizalo na? utsho uNkulunkulu wakho.

U-Isaya 21:3

Ngakhoke ngilobuhlungu obukhulu, ngiphethwe ngumhelo, umhelo ofana lowowesifazana obelethayo; ngikhathazeka kakhulu ukuze ngingezwa, ngihlupheka kakhulu ukuze ngingaboni.

UJohane 16:21

Nxa owesifazana esabeletha, ulobuhlungu, ngoba isikhathi sakhe sesifikile; kodwa nxa esebelethe umntwana, angabe esakhumbula ubuhlungu ngenxa yentokozo yokuba kuzelwe umuntu emhlabeni.

UDutheronomi 32:6

Liyibonga iNkosi kanjalo, lina bantu abayizithutha labangahlakaniphanga na? Kayisuye uyihlo owalidalayo, walenza, walimisa na?

UHosiya 5:4

Izenzo zabo kazibavumeli ukubuyela kuNkulunkulu wabo. Ngoba umoya wokuwula uphakathi kwabo, kabayazi iNkosi.

UJohane 5:4

Ngoba isithunywa seNkosi sasisehlela echibini ngezikhathi ezithile, sizamazamise amanzi, kuthi lowo ongene kuqala emva kokuzanyazanyiswa kwamanzi asiliswe esifweni sakhe, loba elesifo sini.]