UHosiya 13:10 - iBhayibhili Elingcwele 1978

¹⁰ Ingaphi inkosi yakho khathesi ukuba ikusize? Bangaphi ababusi bakho bonke ukuba bakuvikele? labo owathi ngabo: Nginike inkosi lababusi.

IBhayibhili Elingcwele LesiNdebele

¹⁰ Ingaphi inkosi yakho, ukuba ikusize na? Bangaphi ababusi bakho kuwo wonke amadolobho akho, bona owathi ngabo, ‘Ngipha inkosi lababusi’?

UHosiya 13:10 Referans Kwoze

UHosiya 8:4

Bazibekela amakhosi ngaphandle kwemvumo yami. Bamisa ababusi ngingazi mina. Ngesiliva sabo langegolide labo bazenzela izithombe ezabalethela ukuchitheka.

UHosiya 10:3

Ngoba khathesi sebezakuthi: Kasilankosi thina, ngoba kasiyesabi iNkosi uNkulunkulu; inkosike ingasenzelani na?

UJohane 1:49

UNathanyeli waphendula wathi: Mfundisi, uyiNdodana kaNkulunkulu; uyiNkosi kaIsrayeli.

UZakhariya 14:9

INkosi izakuba yinkosi yomhlaba wonke; ngalolosuku iNkosi izakubanye lebizo layo libe linye.

UHosiya 13:4

INkosi ithi: Mina ngiyiNkosi, uNkulunkulu wakho, kusukela ekuhlaleni kwakho eGibithe; kawumazi omunye uNkulunkulu ngaphandle kwami, kakho omunye umsilisi ngaphandle kwami.

UJeremiya 8:19

Lalelani ukukhala kwabantu bami, kuvela kuyo yonke imikhawulo yelizwe, kuthi: INkosi kayikho eZiyone na? INkosi yalo kayikho phakathi kwalo na? Bangicunuleleni ngezithombe zabo ezibaziweyo, langezithombe zezizwe na?

UJeremiya 2:28

Kanti bangaphi onkulunkulu bakho ozenzele bona na? Kabavuke bona uba bengakukhulula ngesikhathi sokuhlupheka kwakho; ngoba onkulunkulu bakho banengi njengemizi yakho, wena Juda.

U-Isaya 43:15

Mina ngiyiNkosi, oNgcwele wenu, uMdali kaIsrayeli, inkosi yenu.

U-Isaya 33:22

Ngoba iNkosi ingumahluleli wethu, iNkosi ingumbusi wethu, iNkosi yinkosi yethu, izakusikhulula.

AmaHubo 149:2

UIsrayeli kathokoze ngoMenzi wakhe, lamadodana aseZiyone athabe eNkosini yawo.

AmaHubo 89:18

Ngoba isihlangu sethu singeseNkosi, inkosi yethu ingeyoNgcwele kaIsrayeli.

AmaHubo 74:12

Kanti uNkulunkulu uyiNkosi yami kusukela endulo, eyenza inkululeko emhlabeni.

AmaHubo 44:4

Wena uyiNkosi yami loNkulunkulu wami, onika uJakobe ukunqoba.

AmaHubo 10:16

INkosi yinkosi kuze kube nininini; izizwe zizakubhubha emhlabeni wayo.

2 AmaKhosi 17:4

Kodwa inkosi yaseAsiriya yafumanisa inkohliso kuHosheya, ngoba wayethumele izithunywa kuSo inkosi yaseGibithe, kazabe esathela enkosini yaseAsiriya njengokwenza kwakhe iminyaka ngeminyaka. Ngakho inkosi yaseAsiriya yambamba yamfaka entolongweni.

1 AmaKhosi 12:20

Kwathi abakoIsrayeli bonke sebezwile ukuthi uJerobowamu usebuyile, bambizela emhlanganweni, bamenza inkosi yakoIsrayeli wonke. Kakubanga khona abalandela indlu kaDavida ngaphandle kwesizwe sakoJuda sodwa.

UHosiya 3:4

Ngoba abakoIsrayeli bazahlala insuku ezinengi bengelankosi lombusi, lomhlatshelo, lensika yokukhonzela, bengelangubo yamahlombe, lezithombe ezithiwa ngamaterafi.

UHosiya 7:7

Bonke bayatshisa njengeziko, bayabulala ababusi babo. Amakhosi abo wonke asephelile, kakho loyedwa okhuleka kimi.

1 USamuyeli 8:7

INkosi yasisithi kuSamuweli: Lalela ilizwi labantu kukho konke abakutshoyo kuwe, ngoba kakusuwe abakwalayo, kodwa bala mina ukuba ngingabi yinkosi yabo.

Izililo 4:20

Ogcotshiweyo weNkosi, umoya wokuphila kwethu, wabanjwa emigodini yabo, yena esasithi ngaye: Ngaphansi komthunzi wakhe siyahlala phakathi kwezizwe.