UHosiya 12:7 - iBhayibhili Elingcwele 1978

⁷ INkosi ithi: Wena Israyeli, unjengomthengi ophethe izilinganiso ezikhohlisayo othanda ukuqilibizela.

IBhayibhili Elingcwele LesiNdebele

⁷ Umthengisi usebenzisa izikali zenkohliso; uthanda ukuqilibezela.

UHosiya 12:7 Referans Kwoze

Izaga 11:1

Isilinganiso esikhohlisayo siyisinengiso eNkosini, kodwa isilinganiso esilungileyo siyayithabisa.

UJakhobe 5:4

Khangelani, umvuzo wezisebenzi ezivune amasimu enu elizincitshe wona, uyakhala; lokukhala kwabavuni kufinyelele ezindlebeni zeNkosi yamabandla.

UJohane 2:16

wathi kwabathengisa inkwilimba: Susani lezizinto, lingayenzi indlu kaBaba ibe yindlu yokuthengisela.

UMalaki 3:5

Besengifika kini ukulithonisisa; ngizakuba ngufakazi okhutheleyo mayelana lezangoma, lezifebe, lokufungela amanga, lokucindezela abaqatshiweyo ngamaholo abo, lokucindezela abafelwakazi, lezintandane, lalabo abasunduzela eceleni abezizweni, bengangesabi mina.

UZakhariya 14:21

Zonke imbiza eJerusalema lakoJuda zizakwahlukaniselwa iNkosi yamabandla, ukuba bonke abanikela umhlatshelo bazithathe, bapheke ngazo inyama yomhlatshelo. Kakusayikuba khona umthengi endlini yeNkosi yamabandla ngalolosuku.

UMikha 7:2

Abalungileyo babhubhile emhlabeni, kakusekho oqotho phakathi kwabantu; bonke bacathamela ukuchitha igazi, lowo lalowo uzingela umfowabo ngembule.

uAmosi 5:11

Ngenxa yokuba linyathezela phansi abayanga, libize kibo isipho samabele, kaliyikuhlala kuzo izindlu zamatshe abaziweyo elizakhileyo; lihlanyela izivini ezinhle, kodwa kaliyikunatha iwayini lazo.

uAmosi 4:1

Zwanini lelilizwi, lina mankomokazi aseBashani, elisentabeni yaseSamariya, elicindezela abayanga, linyathezela phansi abaswelayo, elithi kubomkenu: Lethani sinathe.

uAmosi 3:9

Memezelani ezinqabeni zaseAsiriya lezinqabeni zaselizweni laseGibithe, lithi: Buthanani phezu kwezintaba zaseSamariya, libone iziphithiphithi ezinkulu eziphakathi kwalo lokucindezelwa okukilo.

uAmosi 2:7

banyathezela phansi abayanga, baphambanise abathobileyo endleleni yabo. Umuntu loyise baya entombininye, bangcolise ibizo lami elingcwele.

UHezekhiyeli 22:29

Abantu belizwe bayaqilibezela, baphange abanye, bahluphe abayanga labaswelayo, bacindezele kakhulu abezizweni.

UHezekhiyeli 16:3

uthi: INkosi uNkulunkulu ithi kulo iJerusalema: Ngokudabuka ungowaseKanani; uyihlo wayengumAmori lonyoko wayengumHethi.

U-Isaya 3:5

Abantu bazakucindezelana, kube yilowo lalowo umngane wakhe, lalowo lalowo umakhelwana wakhe; abatsha bazakudelela abadala, labadelelekileyo badelele abalodumo.

Izaga 16:11

Izilinganiso lesikali esilungileyo kungokweNkosi, zonke izilinganiso ezisemgodleni zingumsebenzi wayo.

1 USamuyeli 12:3

Sengikhonake; fakazani ngami phambi kweNkosi uNkulunkulu logcotshiweyo wayo. Ngubani engimthathele inkabi yakhe, loba ubabhemi wakhe na? Ngikhohlise bani na? Ngicindezele bani na? Ngiwamukele kubani umvuzo wokuthengwa ukuze ngivale amehlo ami ngawo na? Ngitshelani, ngizakukubuyisela kini.

UMikha 2:1

Maye kulabo abenza amacebo obubi, benze okubi emibhedeni yabo! Lapho sekusile bazakwenza, ngoba balamandla okukwenza.

UHezekhiyeli 28:5

Ngokuhlakanipha kwakho okukhulu ekuthengeni wandisile inotho yakho, lenhliziyo yakho isizigqaja ngenotho yakho.

UZakhariya 5:8

Isithunywa sasesisithi: Lokhu kuyiBubi. Sasesimsunduzela phakathi kwefatshi, sayisibekela ifatshi ngesisibekelo somnuso.

UGenesisi 49:18

Nkosi, ngilindele ukusiza kwakho.

U-Isaya 56:1

INkosi ithi: Nanzelela okufaneleyo, wenze ukulunga, ngoba ukusilisa kwami kuseduze ukufika, lokukhulula kwami kuzakubonakaliswa.

UHosiya 14:2

Lungisani amazwi enu, libuye eNkosini; lithi kiyo: Susa konke okubi kithi ukuba wamukele okuhle, sikudumise ngemilomo yethu.

UJoweli 2:12

Kanti lakhathesinje, kutsho iNkosi, phendukelani kimi ngenhliziyo zenu zonke, ngokuzila ukudla, langokukhala, langokulila,

UZakhariya 7:9

INkosi yamabandla ithi: Yehlulelani ngokufaneleyo lenze umusa lesihawu kubafowenu,