UHosiya 12:6 - iBhayibhili Elingcwele 1978

⁶ Ngakhoke, wena, ngokusizwa nguNkulunkulu wakho, buyela, ubambelele othandweni lakokufaneleyo, uthembe kuNkulunkulu wakho njalonjalo.

IBhayibhili Elingcwele LesiNdebele

⁶ Kodwa kumele ubuyele kuNkulunkulu wakho; ugcine uthando lokulunga, umlindele kokuphela uNkulunkulu wakho.

UHosiya 12:6 Referans Kwoze

UMikha 6:8

Ikutshengisile okuhle, wena muntu, iNkosi ifunani kuwe na? Ifuna kuphela ukwenza ukulunga, lokuthanda okungapheliyo, lokuzithoba phambi kwayo.

UMikha 7:7

Kodwa mina ngizalindela iNkosi, ngilindele uNkulunkulu wokusiliswa kwami; uNkulunkulu wami uzakungizwa.

UHosiya 14:1

Buyela eNkosini, uNkulunkulu wakho, Israyeli. Ngoba ukhutshwe yibubi bakho.

UZakhariya 7:9

INkosi yamabandla ithi: Yehlulelani ngokufaneleyo lenze umusa lesihawu kubafowenu,

UJakhobe 2:13

Ukwahlulela lokho kakulasihawu kulowo ongelasihawu; kodwa olesihawu uzakunqoba ekwahluleleni.

UJakhobe 1:27

Ukukholwa okuhlambulukileyo okungangcolanga phambi kukaNkulunkulu uBaba yilokhu, ukuhambela izintandane labafelwakazi ekuhluphekeni kwabo, lokuzilondoloza kokungcolisayo emhlabeni.

Imisebenzi 26:20

kodwa ngatshumayela kuqala kwabaseDamaseko labaseJerusalema, lakulo lonke ilizwe laseJudiya lakwabezizwe ukuze baphenduke, babuyele kuNkulunkulu, benze imisebenzi efanele ukuphenduka.

Imisebenzi 2:38

UPetro wathi kubo: Phendukani, libhaphathizwe lonke ebizweni likaJesu Kristu ukuba lithethelelwe izono zenu; kung’khona lizakwamukela isiphiwo sikaMoya oNgcwele.

UZakhariya 8:16

Nanzi izinto elizazenza. Khulumani iqiniso omunye komunye; lahlulele ngokuqotho langokuqonda enkundleni;

UZakhariya 1:3

Ngakhoke tshono ebantwini uthi: INkosi yamabandla ithi: Buyelani kimi, lami ngizabuyela kini, kutsho iNkosi yamabandla.

UZefaniya 3:8

Ngakhoke ngilindela, itsho iNkosi, kuze kube lusuku engizakuvuka ngalo ngithonisise izizwe. Ngoba isiqumo sami siyikubuthelela izizwe, ngiqoqe imibuso, ngithululele phezu kwayo intukuthelo yami, konke ukuvutha kolaka lwami; ngoba ngomlilo wolaka lwami lomona wami wonke umhlaba uzakutshiswa.

UHabhakhukhi 2:3

Ngoba umbono ungowesikhathi sawo; uyaphangisa ukuya ekupheleni, kawuyikukhohlisa. Uba uphuza, uwulindele; ngoba uzakufika impela, kawuyikuphuza.

uAmosi 5:24

Kodwa okufaneleyo kakugobhoze njengamanzi, lokulunga kugeleze njengemifula engacimiyo.

UJoweli 2:13

lidabule inhliziyo zenu, lingadabuli izambatho zenu. Phendukelani eNkosini, uNkulunkulu wenu, ngoba ilomusa lesihawu, iyaphuza ukuthukuthela, ilothando olungapheliyo, iyathethelela.

UHosiya 10:12

Zihlanyeleleni ukulunga, livune izithelo zothando olungapheliyo; qhathani ingqatho yenu, ngoba kuyisikhathi sokuyidinga iNkosi, ukuba ifike, ithele ukulunga phezu kwenu.

UHosiya 4:1

Zwanini ilizwi leNkosi, lina bakoIsrayeli, ngoba iNkosi imangalela abakhileyo elizweni. Kakukho ukuthembeka lomusa lokumazi uNkulunkulu elizweni.

UJeremiya 22:15

Ukwakha ngemikusu yikho okukwenza ube yinkosi na? Angithi uyihlo wadla wanatha njengawe, kodwa wenza okulungileyo lokuqotho na? Ngakho kwamlungela.

U-Isaya 58:6

Kayisikho lokhu ukuzila engikufunayo yini, ukuthukululwa kwezibopho zobubi, lokukhululwa kwemichilo yejogwe, ukuze bakhululeke abacindezelweyo, kwaphulwe wonke amajogwe na?

U-Isaya 40:31

kodwa abayithembayo iNkosi bazazuza amandla amatsha, bazakuqonga ngamaphiko njengokhozi, bagijime bangadinwa, bahambe bangapheli amandla.

U-Isaya 31:6

Lina bantu bakoIsrayeli, buyelani kuye elimhlamukileyo kakubi.

U-Isaya 30:18

Kodwa iNkosi ilindele ukuba ibe lomusa kini, iyathanda ukuba ibe lesihawu kini; ngoba iNkosi inguNkulunkulu wokulunga, babusisiwe bonke abathemba kuyo.

U-Isaya 8:17

Ngizalindela iNkosi efihlela indlu kaJakobe ubuso bayo, ngithembe kiyo.

U-Isaya 1:16

Gezani lihlambuluke, lisuse izenzo zenu ezimbi phambi kwami, liyekele ukwenza okubi,

Izaga 21:3

Ukwenza ukulunga lokufaneleyo kuyithokozisa iNkosi kakhulu kulemihlatshelo.

Izaga 1:23

Lalelani ukukhuza kwami; sengizakulitshela imicabango yami, ngikhulume amazwi ami ahlakaniphileyo kini.

AmaHubo 123:2

Khangela, njengalokhu amehlo ezinceku ekhangela esandleni senkosi yazo, lamehlo encekukazi ekhangela esandleni senkosikazi yayo, ngokunjalo amehlo ethu akhangela eNkosini uNkulunkulu wethu, ukuze ibe lesihawu kithi.

AmaHubo 37:7

Thula phambi kweNkosi, ulindele yona; ungazikhathazi ngolenhlanhla, ngomuntu owenza amacebo amabi.

AmaHubo 27:14

Themba iNkosi, uqine, inhliziyo yakho ime isibindi, yebo, themba iNkosi.

UGenesisi 49:18

Nkosi, ngilindele ukusiza kwakho.

UHezekhiyeli 18:30

Ngakhoke ngizalithonisisa, lina bakoIsrayeli, lonke ngokufanele indlela zenu, kutsho iNkosi uNkulunkulu. Phendukani, libuye eziphambekweni zenu zonke, lingachitheki ngenxa yobubi.

UJoweli 2:12

Kanti lakhathesinje, kutsho iNkosi, phendukelani kimi ngenhliziyo zenu zonke, ngokuzila ukudla, langokukhala, langokulila,

U-Eksodasi 3:15

UNkulunkulu wathi njalo kuMose: Uzakutsho kwabakoIsrayeli ukuthi: INkosi uNkulunkulu wabokhokho benu, uNkulunkulu kaAbrahama, uNkulunkulu kaIsaka, uNkulunkulu kaJakobe ungithumile kini; yilo leli ibizo lami kuze kube nininini, yiso lesi isikhumbuzo sami kuzo zonke izizukulwana.

uAmosi 4:13

Ngoba lowo owabumba izintaba, wadala umoya, lotshela umuntu ukuba imicabango yakhe iyini, owenza ukusa kube mnyama, onyathela ezindaweni eziphakemeyo zomhlaba, yiNkosi, uNkulunkulu wamabandla, ibizo lakhe.