UHosiya 12:2 - iBhayibhili Elingcwele 1978

² INkosi ilecala loJuda, izamtshaya uJakobe ngokufanele indlela zakhe, imphindisele ngokufanele izenzo zakhe.

IBhayibhili Elingcwele LesiNdebele

² Kulecala uThixo azalethesa uJuda; uzajezisa uJakhobe mayelana lezindlela zakhe aphindisele kuye mayelana lezenzo zakhe.

UHosiya 12:2 Referans Kwoze

UMikha 6:2

Zwanini ukuphikisa kweNkosi, lina zintaba, lani zisekelo zomhlaba ezingapheliyo; ngoba iNkosi iphikisana labantu bayo, izakumelana loIsrayeli.

UHosiya 4:1

Zwanini ilizwi leNkosi, lina bakoIsrayeli, ngoba iNkosi imangalela abakhileyo elizweni. Kakukho ukuthembeka lomusa lokumazi uNkulunkulu elizweni.

U-Isaya 10:6

Ngiyalithuma lona esizweni esingamesabiyo uNkulunkulu, ngiyalilaya ukulwa labantu abavusa ulaka lwami, ukuba lihlasele, lithumbe, libanyathezele phansi njengodaka lwezindleleni.

AbaseGalathiya 6:7

Lingakhohliswa; uNkulunkulu kahlekwa. Ngoba lokho akuhlanyelayo umuntu, uzakuvuna khona lokho.

AbaseRoma 2:6

ozakunika lowo lalowo ngokwemisebenzi yakhe.

UMatewu 16:27

Ngoba iNdodana yomuntu izakuza ngenkazimulo kaYise kanye lezithunywa; kung’khona izakuvuza ilowo lalowo njengokwenza kwakhe.

UHosiya 8:13

Lanxa benikela inyama yemihlatshelo, babuye bayidle, mina Nkosi kangiyikuyamukela. Ngizakukhumbula ububi babo, ngibatshaye ngenxa yezono zabo, babuyele eGibithe.

UHosiya 4:9

Abapristi labantu bazaphathwa ngokufananayo, ngizakubatshaya ngenxa yendlela zabo, ngibaphindisele ngenxa yezenzo zabo.

UHosiya 2:13

Ngizamtshaya ngenxa yezinsuku zemikhosi yaboBali, ayebatshisela ngazo impepha, ezicecisa ngamasongo langamangqongqo, walandela izithandwa zakhe, wangikhohlwa, kutsho iNkosi.

UJeremiya 25:31

Umsindo uzafinyelela emikhawulweni yomhlaba, ngoba iNkosi iyamelana lezizwe, iyabagweba bonke abantu, ababi izakubanikela ekubulaweni, kutsho iNkosi.

U-Isaya 59:18

Izakuphindisela njengokwenza kwabo, yehlisela ulaka ezitheni zayo, impindiselo kwabamelana layo; izakuphindisela lakuwo amazwe angasolwandle.

U-Isaya 24:21

Kuzakuthi ngalolosuku iNkosi itshaye ibandla laphezulu ezulwini, lamakhosi omhlaba emhlabeni.

U-Isaya 10:12

Kuzakuthi lapho iNkosi isiqedile wonke umsebenzi wayo entabeni yaseZiyone laseJerusalema, itshaye inkosi yaseAsiriya ngenxa yokuzikhukhumeza lokuzigqaja kwayo.

U-Isaya 3:11

Maye komubi! Kuzakuba kubi kuye, ngoba lokho okwenziwe ngezandla zakhe kuzakwenziwa lakuye.

UHosiya 9:9

Bazonakalisile kakhulu njengasensukwini zeGibeya. UNkulunkulu uzakhumbula ububi babo, abatshaye ngenxa yezono zabo.

UHosiya 7:2

Kabananzi ukuba ngiyakhumbula yonke imisebenzi yabo emibi. Khathesi izenzo zabo zibahanqile, zikhona phambi kwami.

UHosiya 9:15

INkosi ithi: Bonke ububi babo baqala eGiligali, ngalokho ngabazonda khona. Ngenxa yobubi bezenzo zabo ngizabaxotsha endlini yami. Kangisayikubathanda; bonke ababusi babo bayahlamuka.

uAmosi 2:4

INkosi ithi: Ngenxa yeziphambeko ezinengi zakoJuda kangiyikubayekela, ngoba bawalile umlayo weNkosi, kabagcinanga izimiso zayo, baduhiswe yizithombe zabo abazikhonzayo lokhokho babo.

2 AmaKhosi 17:4

Kodwa inkosi yaseAsiriya yafumanisa inkohliso kuHosheya, ngoba wayethumele izithunywa kuSo inkosi yaseGibithe, kazabe esathela enkosini yaseAsiriya njengokwenza kwakhe iminyaka ngeminyaka. Ngakho inkosi yaseAsiriya yambamba yamfaka entolongweni.

UJobe 15:2

Ohlakaniphileyo angaphendula yini ngamazwi ayize, azigcwalise ngomoya nje na?

AmaHubo 78:36

Kodwa bamkhohlisa ngemilomo yabo, baqamba amanga kuye ngenlimi zabo.

UmTshumayeli 5:15

Njengokuphuma kwakhe esiswini sikanina uzabuyela khona eze enjengokuphuma kwakhe; konke ukutshikatshika kwakhe kakuyikumvezela ulutho angabuyela lalo.

U-Isaya 30:6

Leli yilizwi ngezilo zaseNegebi. Abathunyiweyo badabula ilizwe elilengozi lokuhlupheka, lapho kukhona izilwane, lamabululu lenyoka eziphaphayo, bethwele inotho ngabobabhemi, lempahla yabo eligugu ngamakamela, bekusa ebantwini abangelakubasiza ngalutho.

UHosiya 7:1

Lapho ngifisa ukwelapha uIsrayeli; ukonakala kukaEfrayimi kuyambulwa, lezenzo ezimbi zeSamariya; ngoba bayakhohlisana, bangamasela afohlela ezindlini, labaphangi abaphanga ngaphandle.

UHosiya 7:11

UEfrayimi unjengejuba eliyisiphukuphuku elingelangqondo; ucela usizo eGibithe, abuye alucele eAsiriya.

UHosiya 8:9

Ngoba njengobabhemi oduhileyo bayile eAsiriya ukudinga usizo. UEfrayimi uqatshile izithandwa ukuba zimsize.

UHosiya 8:10

Lanxa beqatsha abasizi phakathi kwezizwe, sengizabaqoqa; ng’khona bezakhawula ukubeka amakhosi lababusi.