UHosiya 11:10 - iBhayibhili Elingcwele 1978

¹⁰ Bazayilandela iNkosi ezabhonga njengesilwane; yebo, izabhonga, lamadodana ayo azavela entshonalanga ngokuphangisa.

IBhayibhili Elingcwele LesiNdebele

¹⁰ Bazamlandela uThixo; uzabhonga njengesilwane. Lapho esebhonga, abantwana bakhe bazakuza beqhaqhazela bevela entshonalanga.

UHosiya 11:10 Referans Kwoze

uAmosi 1:2

Wathi: INkosi iyaduma iseZiyone, izwakalise ilizwi layo iseJerusalema; amadlelo abelusi atshe, lezingqonga zeKarmeli zibune.

UJoweli 3:16

INkosi iyavungama iseZiyone, izwakalisa ilizwi layo iseJerusalema, kunyikinyeke iphezulu lomhlaba. Kodwa iNkosi iyisiphephelo sabantu bayo, lenqaba yabantu bakoIsrayeli.

U-Isaya 31:4

INkosi yathi kimi: Njengoba isilwane sibhongela phezu kwesikubambileyo, lapho abelusi bebizelwe ukulwa laso, singethuswa yikumemeza kwabo, singawesabi umsindo wabo, ngokunjalo iNkosi yamabandla izakwehla ukulwela intaba yaseZiyone lengqonga yayo.

UJeremiya 25:30

Ngakhoke wena uzatshumayela kibo wonke lamazwi engikutshela wona, uthi: INkosi izakuduma iphezulu, iliphumise ilizwi layo endlini yayo engcwele; izakuduma kakhulu phezu kwesibaya sayo, imemeze njengalabo abakhama izithelo zevini, kubo bonke abakhileyo emhlabeni.

UJeremiya 31:9

Bazabuya bekhala, ngibaduduze ekubaholeni kwami, ngibalethe emifuleni yamanzi, ngendlela enhle abangayikukhubeka kuyo; ngoba nginguyise kuIsrayeli, uEfrayimi ulizibulo lami.

U-Isaya 64:2

njengomlilo utshisa insaba, lalapho ubilisa amanzi, ukuze wazise izitha zakho ibizo lakho, uzenze zithuthumele phambi kwakho,

2 UPhethro 2:10

ikakhulu bona abazithokozisa ngenkanuko ezingcolisayo, bedelela amandla eNkosi. Abalenkani abaziqakisayo kabesabi ukuhlambaza labo abalenkazimulo;

AbaseRoma 8:1

Ngakhoke kakusekho ukulahlwa kibo abakuKristu Jesu.

Imisebenzi 24:25

Esakhuluma ngokulunga, langokuzibamba, langokulahlwa okuzayo, uFelike watshaywa luvalo, wathi: Ake uhambe okwakhathesi; nxa ngizuza ithuba ngizakukubiza.

UJohane 8:12

UJesu wakhuluma labo futhi wathi: Mina ngiyikukhanya komhlaba; ongilandelayo kasoze ahamba emnyameni, kodwa uzakuba lokukhanya kokuphila.

UZakhariya 10:12

Amandla abo azakuba seNkosini, bahambe bethokoza ebizweni layo, kutsho iNkosi.

UZakhariya 8:7

Ngizakhulula abantu bami elizweni lasempumalanga laselizweni lasentshonalanga,

UHabhakhukhi 3:16

Ngiyezwa, kuthuthumela umzimba wami, indebe zami ziqhaqhazele ngenhlokomo; ukubola kungena emathanjeni ami, kutshayane amadolo ami. Ngizakulindela ngokuthula ukuba usuku lokuhlupheka lufike phezu kwalabo abasihlaselayo.

UMikha 4:5

Ngoba bonke abantu balalela unkulunkulu wabo, kodwa thina sizalalela iNkosi uNkulunkulu wethu kuze kube nininini.

uAmosi 3:8

Isilwane sesibhongile, ngubani ongayikwesaba na? INkosi uNkulunkulu isikhulumile, ngubani ongayekela ukutshumayela na?

uAmosi 3:4

Isilwane singabhonga ehlathini singabambanga lutho na? sibhonge obhalwini lwaso singelalutho na?

UHosiya 3:5

Emva kwalokho abakoIsrayeli bazabuya bayidinge iNkosi uNkulunkulu wabo, loDavida inkosi yabo. Bazabuya eNkosini besesaba, beze lasekulungeni kwayo ensukwini ezizayo.

UJeremiya 33:9

IJerusalema lizakuba libizo elingijabulisayo, udumo lwami lokuzincoma kwami, kuzo zonke izizwe zomhlaba ezizakuzwa ngokuhle konke engibenzela khona; zizakwesaba, zithuthumele ngokuhle konke langokuphumelela konke engibenzele khona.

UJeremiya 7:9

Lizakweba, libulale, lifebe, lifunge amanga, litshisele uBali impepha, likhonze abanye onkulunkulu elingabaziyo,

UJeremiya 7:6

uba lingacindezeli owezizweni, lentandane, lomfelwakazi, lingachithi igazi elingelacala, lingakhonzi abanye onkulunkulu ukuba lizilimaze ngalokho,

UJeremiya 5:22

Kalingesabi na? kutsho iNkosi. Kalithuthumeli phambi kwami na? Ngabeka itshebetshebe laba ngumkhawulo wolwandle, umkhawulo oqinileyo olungelakuwudlula; lanxa amavinqo etshayana angeweqe, lanxa ehlokoma, kawalakudlula phezu kwalo.

UJeremiya 2:2

Hamba uyememezela eJerusalema uthi: INkosi ithi: Ngiyakhumbula ukuthembeka kwakho usemutsha, lothando lwakho usengumlobokazi, lokungilandela kwakho enkangala, elizweni elingahlanyelwanga.

U-Isaya 49:10

kabayikulamba, bome, kabayikutshaywa ngumoya otshisayo lelanga, ngoba yena olesihawu kibo uzakubahola, abase ngasemithonjeni yamanzi.

U-Isaya 42:13

INkosi iyaphuma njengeqhawe, itshisekela ukulwa njengendoda yempi; iyamemeza isiga sempi, izinqobe izitha zayo.

U-Isaya 2:5

Wena ndlu kaJakobe, wozani sihambe ekukhanyeni kweNkosi.

AmaHubo 119:120

Umzimba wami uyathuthumela ulovalo ngawe, ngiyesaba izahlulelo zakho.

AmaHubo 2:11

Ikhonzeni iNkosi ngokwesaba, lithuthumele,

UJobe 37:1

Ngenxa yalokho inhliziyo yami iyathuthumela, isuke endaweni yayo.

Isambulo 10:3

Samemeza ngelizwi elikhulu elinjengelesilwane esibhongayo; kwathi lapho simemeza, kwezwakala imidumo eyisikhombisa.

U-Isaya 66:2

Zonke lezizinto zenziwe yizandla zami, ngakho zonke lezizinto ngezami, kutsho iNkosi. Kodwa umuntu engimqaphelisayo yilowo othobekileyo, olomoya odabukileyo, olesabayo ilizwi lami.

U-Isaya 66:5

Zwanini ilizwi leNkosi, lina elithuthumela ngelizwi layo elokuthi: Abafowenu abalizondayo, abalixotsha ngenxa yebizo lami, bathi: Kayibe lodumo iNkosi, ukuze sibone intokozo yenu; kodwake yibo abazakuyangeka.

UHezekhiyeli 26:16

Ng’khonake zonke izikhulu zangasolwandle zizakwehla ezihlalweni zazo zobukhosi, zikhumule izingubo zazo, zikhuphe izambatho zazo ezicecisiweyo; zigcwale ukuthuthumela, zihlale phansi zithuthumele isikhathi sonke, zimangale zonke.

U-Isaya 11:11

Kuzakuthi ngalolosuku iNkosi yelule isandla sayo ngokwesibili ukubutha abaseleyo ebantwini bayo, ibabuthe eAsiriya laseGibithe lasePatrosi laseEtiyopiya laseElamu, laseShinari laseHamathi, lasemazweni angasolwandle.

UJeremiya 50:4

Ngalezonsuku langalesosikhathi, kutsho iNkosi, abantu bakoIsrayeli labantu bakoJuda bazabuthana ndawonye, bazahamba bekhala, bedinga iNkosi uNkulunkulu wabo.

UZakhariya 10:10

Ngizababuyisa ekhaya bevela eGibithe, ngibaqoqe eAsiriya; ngizabaletha elizweni laseGileyadi laseLebanoni, kuze kungasali ndawo.