UHosiya 10:8 - iBhayibhili Elingcwele 1978

⁸ Indawo eziphakemeyo zokukhonzela ezilize eziyisono sikaIsrayeli zizachithwa; ameva lokhula kuzamila emaaltareni abo. Bazakuthi ezintabeni: Sisibekeleni; bathi lasemaqaqeni: Welani phezu kwethu.

IBhayibhili Elingcwele LesiNdebele

⁸ Izindawo zokukhonzela zobuxhwali zizachithwa, kuyisono sika-Israyeli. Ameva lokhula kuzakhula kwembese ama-alithare abo. Lapho-ke bazakuthi ezintabeni, “Sembeseni!” Lakuwo amaqaqa bathi, “Welani phezu kwethu!”

UHosiya 10:8 Referans Kwoze

ULukha 23:30

Bazakuqalisa ukuthi ezintabeni: Welani phezu kwethu; lemaqaqeni ukuthi: Sisibekeleni.

Isambulo 6:16

besithi ezintabeni lasemaweni: Welani phezu kwethu, lisifihle emehlweni akhe ohlezi esihlalweni sobukhosi lasolakeni lweWundlu,

U-Isaya 2:19

Abantu bazangena ezimbalwini zamadwala lasemihomeni yomhlaba, ngenxa yokwesaba iNkosi langenxa yodumo lobukhosi bayo, lapho ivuka ukunyikinya umhlaba.

UHosiya 9:6

Ngoba bazabaleka endaweni yokuchitheka, iGibithe lizakubamukela, iMemfisi libe lingcwaba labo, izinto zabo eziligugu zesiliva zigcwale imbabazane, lameva agcwale emathenteni abo.

uAmosi 8:14

Abafunga isithombe saseSamariya besithi: Ukuphila kukankulunkulu wakho, Dani! lokuthi: Indlela yaseBerisheba; bazakuwa, bangabe besavuka.

U-Isaya 32:13

langenxa yomhlabathi wabantu bami osumile ukhula lameva, langenxa yazo zonke izindlu ezazigcwele ukujabula, lomuzi owawugcwele abantu.

Isambulo 9:6

Ngalezonsuku abantu bazakufuna ukufa, bengakufumani; bazakufisa ukufa, kodwa ukufa kuzababalekela.

UMikha 1:13

Bophelani enqoleni amabhiza alejubane, lina baseLakishi; laliyikuqala kwezono zeZiyone, ngoba iziphambeko zakoIsrayeli zafunyaniswa kini.

UMikha 1:5

Konke lokhu kungenxa yezono zikaJakobe, langenxa yezono zikaIsrayeli. Siyini isono sikaJakobe na? Kasisilo iSamariya na? Siyini isono sikaJuda na? Kasisilo iJerusalema na?

UHosiya 10:5

Abakhileyo eSamariya bayathuthumela ngethole laseBeti‐Aveni. Abantu balo bazalililela, labapristi bezithombe balikhalele, bekhalela ubuhle balo osebususiwe kulo.

UHosiya 10:2

Inhliziyo yabo ikhohlakele, khathesi sebezakuthwala icala labo. INkosi izabhidliza ama‐altare abo, idilize lensika zabo ezingcwele.

UHosiya 5:8

Khalisani uphondo eGibeya, lilukhalise eRama, lihlabe umkhosi eBeti‐Aveni, uthuthumele, wena Benjamini.

UHosiya 4:15

Loba wena Israyeli uwula, uJuda kangabi lacala. Lingangeni eGiligali, lingayi eBeti‐Aveni, lingafungi lithi: Sifunga iNkosi.

UHosiya 4:13

Benza imihlatshelo engqongeni zentaba, banikela iminikelo phezu kwamaqaqa, ngaphansi kwezihlahla ezinkulu, langaphansi kwemikhaya emhlophe. Langaphansi kwezihlahla ezinkulu lezilamahlamvu ngoba zilemithunzi emihle. Ngakhoke amadodakazi enu ayawula, labalobokazi benu bayafeba.

U-Isaya 34:13

Ameva azakhula ezindlini zamakhosi alo akhona, imbabazane lokhula kukhule emizini ebiyelweyo, kube yindawo yamakhanka lezikhova.

2 ImiLando 31:1

Kwathi konke lokho sekuphelile, bonke abakoIsrayeli ababekhona baya emizini yakoJuda, badiliza izinsika zokukhonzela, bagamulela phansi insika zikankulunkulukazi uAshera, bavala indawo eziphakemeyo zokukhonzela, badiliza ama‐altare elizweni lonke lakoJuda lakoBenjamini lakoEfrayimi lakoManase, baze bakuqeda konke. Basebebuyelake bonke abantu bakoIsrayeli emizini yabo lasezindaweni zabo.

2 AmaKhosi 23:15

EBetheli wadiliza ialtare elalisendaweni ephakemeyo yokukhonzela elamiswa nguJerobowamu indodana kaNebati owenza uIsrayeli ukuba one, walichitha kanye lendawo ephakemeyo yokukhonzela, wadiliza amatshe alo, wawachoboza aba luthuli, watshisa insika kankulunkulukazi uAshera.

1 AmaKhosi 14:16

Izamdela uIsrayeli ngenxa yezono zikaJerobowamu azenzayo, waze wenza uIsrayeli one.

1 AmaKhosi 13:34

Ngokwenza njalo wehlisela umlandu endlini yakhe, wayilethela ukuchitheka okukhulu.

1 AmaKhosi 13:2

Walimemeza ialtare ngelizwi leNkosi wathi: Wena altare, altare, iNkosi ithi: Kuzazalwa indodana endlini kaDavida ezakuthiwa nguJosiya; izanikela imihlatshelo phezu kwakho ngabapristi bezindawo eziphakemeyo zokukhonzela abatshisa impepha phezu kwakho, lamathambo abantu azatshiselwa phezu kwakho.

UDutheronomi 9:21

Ngasengilithatha ithole, leyonto embi elaliyenzile, ngalitshisa ngomlilo, ngalichoboza, ngalichola laze laba yimpuphu; ngayiphosela leyompuphu esifuleni esasisehla entabeni.

UGenesisi 3:8

Basebesizwa iNkosi uNkulunkulu ihamba ensimini kusihlwa ekupholeni kwelanga; ngakho indoda lomkayo bayicatshela iNkosi uNkulunkulu phakathi kwezihlahla zensimu.

UHosiya 2:6

Ngalokhoke ngizavala indlela yakhe ngameva, ngimakhele umduli ukuba angazifumani indlela zakhe ezindala.

UHosiya 10:9

INkosi ithi: Kusukela ensukwini zaseGibeya wonile, Israyeli, kulokhu kusenjalo lalamhla. Impi kayiyikubafica eGibeya na?

uAmosi 7:9

indawo eziphakemeyo zokukhonzela zikaIsaka zizavalwa, lezindlu ezingcwele zakoIsrayeli zizadilizwa; ngizakuyivukela indlu kaJerobowamu ngomkhonto.

UNahume 3:11

Laweke uzadakwa, uyendezele; udinge isiphephelo sokubalekela izitha.

U-Isaya 2:21

ukuze bangene embalwini zamadwala lezingoxweni zamawa, ngenxa yokwesaba iNkosi langenxa yodumo lobukhosi bayo, lapho ivuka ukunyikinya umhlaba.

UHosiya 8:5

Ngaleyisa ithole eladunyiswa nguwe, wena Samariya. Ukuthukuthela kwami kuyabavuthela. Koze kube nini uIsrayeli engahlanjululwanga na?

uAmosi 1:5

Ngizakwaphula imigoqo yamasango aseDamaseko, ngibaqede abakhileyo esihotsheni saseAveni, kanye laye obusayo eBeti‐Edeni, labantu baseSiriya bazathunjelwa eKiri; kutsho iNkosi.

uAmosi 3:14

Mhla ngitshaya uIsrayeli ngenxa yeziphambeko zakhe ngizatshaya ama‐altare aseBetheli, kwaphuke impondo zealtare ziwele phansi.