UHezekhiyeli 1:24 - iBhayibhili Elingcwele 1978

²⁴ Lapho ziphapha, ngezwa umsindo wempiko zazo unjengomdumo wamanzi amanengi, unjengomdumo kaSomandla, unjengokuxokozela kwexuku. Lapho zisima zehlisa impiko zazo,

IBhayibhili Elingcwele LesiNdebele

²⁴ Lapho izidalwa zihamba ngezwa umsindo wezimpiko zazo, unjengokuhlokoma kwamanzi ahamba ngesiqubu, njengelizwi likaSomandla, njengokuxokozela kwebutho. Lapho sezimi, zehlisa impiko zazo.

UHezekhiyeli 1:24 Referans Kwoze

UHezekhiyeli 43:2

Inkazimulo kaNkulunkulu kaIsrayeli yavelela ngasempumalanga, lomdumo wokuza kwakhe wawunjengowamanzi amanengi, lomhlaba wakhanya ngenkazimulo yakhe.

UDanyeli 10:6

Umzimba wakhe wawunjengelitshe elithiwa yiberila, lobuso bakhe bunjengokuphazima kombane, lamehlo akhe enjengezibane ezivuthayo, ingalo lemibala yakhe kunjengokukhazimula kwethusi elikhazimulayo, lokuzwakala kwelizwi lakhe kunjengomsindo wexuku.

Isambulo 1:15

lenyawo zakhe zifana lethusi elikhazimulayo elihlanjululwe ngokutshiswa esithandweni somlilo, lelizwi lakhe lalinjengenhlokomo yamanzi amanengi.

Isambulo 19:6

Ngasengisizwa kungathi yilizwi lexuku elikhulu, linjengomdumo wamanzi amanengi lokuduma okulamandla lisithi: Haleluya! Ngoba iNkosi uNkulunkulu wethu, uSomandla, uyabusa.

AmaHubo 68:33

kuyo ekhwele phezu kwamazulu ayekhona kusukela endulo; khangelani, iyazwakalisa ilizwi layo, ilizwi layo elilamandla.

AmaHubo 18:13

INkosi yakhwaza isemazulwini, oPhezukonke wazwakalisa ilizwi lakhe.

UJobe 37:2

Zwana umdumo welizwi likaNkulunkulu, lokuvungama okuphuma emlonyeni wakhe.

UHezekhiyeli 10:5

Umdumo wempiko zamakherubi wezwakala lasegumeni elingaphandle, njengelizwi likaNkulunkulu uSomandla nxa ekhuluma.

2 AmaKhosi 7:6

Ngoba iNkosi yenza impi yamaSiriya ukuba izwe umsindo ongathi wenqola zokulwa wamabhiza lempi enkulu; akhulumisana esithi: Inkosi yakoIsrayeli isisibizele amakhosi amaHethi lamakhosi aseGibithe ukusihlasela.

UHezekhiyeli 3:13

Kwakungumdumo wokuthintana kwempiko zezidalwa eziphilayo, lomsindo wamavili ayeseceleni kwazo, okwezwakala njengokunyikinyeka komhlaba.