UHagayi 1:6 - iBhayibhili Elingcwele 1978

⁶ Lihlanyele okunengi, lavuna okuyingcosana; liyadla, kodwa kalisuthi; liyanatha, kodwa kalikholwa; ligqoke lingakhudumali, lohola imali uholela ukuyifaka esikhwameni esivuzayo.

IBhayibhili Elingcwele LesiNdebele

⁶ Lihlanyele okunengi kodwa livuna okulutshwana. Liyadla, kodwa kalisuthi. Liyanatha, kodwa kalikholwa. Liyagqoka izigqoko, kodwa kalifudumali. Lihola imiholo liyifake esikhwameni esivuzayo.”

UHagayi 1:6 Referans Kwoze

UHagayi 1:9

Beliqaphele okunengi, kodwa kube yingcosana elikuzuzileyo; lapho likuletha ekhaya, ngikuphephule konke. Kungani na? kutsho iNkosi yamabandla. Kungenxa yendlu yami elunxiwa, lina lilibele ngezindlu zenu.

UHosiya 4:10

Bazakudla, kodwa bangasuthi; bazawula, kodwa bangandi; ngoba bawulile ngokudela iNkosi.

UHagayi 2:16

kwakunjani kini na? Lapho umuntu esiya enqwabeni yezilinganiso ezingamatshumi amabili zamabele, wafumanisa itshumi nje; lalapho esiya emphandeni wewayini ukukha imbiza ezingamatshumi amahlanu, wafumanisa amatshumi amabili nje.

UHosiya 8:7

Ngoba behlanyela umoya, bazavuna isivunguzane. Amabele abo kawayikukhahlela, kawayikuba lanhlamvu; uba engaba lazo, zizadliwa ngabezizwe.

UMalaki 2:2

Uba lingalaleli, uba lingananzi ukulidumisa ibizo lami, kutsho iNkosi yamabandla, ngizalithumela isiqalekiso, ngiphendule izibusiso zenu zibe yiziqalekiso. Yebo, sengisenza njalo, ngoba kalinanzi ukwenza lokho.

U-Isaya 5:10

Ngoba indima ezinhlanu zevini zizathela itanka elilodwa nje, lehomeri lenhlanyelo lithele ihefa nje lamabele.

UZakhariya 8:10

Ngoba ngaphambi kwalezonsuku kwakungelakuqatshwa umuntu lokwenyamazana, kungekho lokuvikelwa ezitheni kwabasebenzayo. Ngoba wonke umuntu ngamxega lomfowabo.

UZakhariya 5:4

Ngizasithumela, kutsho iNkosi yamabandla, singene endlini yesela lendlini yalowo ofunga amanga ngebizo lami, sihlale endlini yakhe, siyidilize, izigodo lamatshe.

UJeremiya 44:18

Kodwa lokhu sayekela ukutshisela iNkosikazi yaphezulu impepha lokuyithululela iminikelo yokuthululwa, siswele konke, siqedwe yimpi layindlala.

UJeremiya 14:4

Ngenxa yokuba umhlaba womile, ngoba kungekho izulu elizweni, abalimi balenhloni, bambomboza amakhanda abo.

AmaHubo 107:34

umhlabathi ovundileyo ube lugwadule lwetshwayi, ngenxa yobubi babahlezi khona.

UJobe 20:28

Impahla yendlu yakhe izathathwa, ikhukhulwe osukwini lwentukuthelo kaNkulunkulu.

UJobe 20:22

Ekupheleni kokuphumelela kwakhe uzakuba sebunzimeni, ukuhlupheka konke kuzamfikela.

1 AmaKhosi 17:12

Yena wathi: Ngifunga iNkosi uNkulunkulu wakho kangiphekanga lutho, ngilemputshana nje esigxingini lamafutha ayingcosana egabheni; khathesi ngitheza lezinkunyana ukuba ngiyepheka ukuba mina lomntanami sidle singakafi.

2 USamuyeli 21:1

Kwaba khona indlala ensukwini zikaDavida iminyaka emithathu ngokulandelana; uDavida wabuza iNkosi uNkulunkulu. Yathi: USawuli ulecala legazi kanye lendlu yakhe, ngoba wabulala abaseGibeyoni.

ULevi 26:26

Lapho nginciphisa ukudla kwenu, abesifazana abalitshumi bazapheka izinkwa zenu eziko linye, balinike izinkwa ngobunzima bazo; lizakudla, kodwa lingasuthi.

ULevi 26:20

lamandla enu azakuchithelwa ize, ngoba ilizwe lenu kaliyikuthela izithelo zalo, lezihlahla zelizwe kaziyikuthela izithelo zazo.

UNehemiya 5:2

Kwaba khona abathi: Sibambisa ngamadodana ethu langamadodakazi ethu ukuba sizuze ukudla kokusiphilisa.

UJeremiya 12:13

Bahlanyele amabele, bavuna ameva, bazidinise ngokusebenza, kodwa kabazuzanga lutho. Bazakuba lenhloni ngezivuno zabo, ngenxa yolaka oluvuthayo lweNkosi.

UHagayi 1:5

Ngakhoke iNkosi yamabandla ithi: Ake libone ukuthi izinto zilimele njani.

UHagayi 1:7

INkosi yamabandla ithi: Ake libone ukuthi izinto zilimele njani.

UHagayi 1:10

Ngenxa yalokhuke izulu ngaphezulu livalekile ukuba lingazuzi amazolo, lomhlabathi uvalekile ukuba lingazuzi izithelo zawo.

UHagayi 2:17

Ngalitshaya kanye layo yonke imisebenzi yenu ngokutshisa langengumane langesiqhotho; kanti kaliphendukelanga kimi, kutsho iNkosi.

UDutheronomi 28:17

Kuzaqalekiswa isitsha senu lomganu wenu wokuxovela izinkwa.

Izaga 11:24

Umuntu angaphana, kanti anothe kakhulu; omunye angancitshana kakhulu, kanti uzakuswela.