UHagayi 1:13 - iBhayibhili Elingcwele 1978

¹³ UHagayi isithunywa seNkosi wasekhuluma ebantwini ilizwi leNkosi, wathi: Ngilani, kutsho iNkosi.

IBhayibhili Elingcwele LesiNdebele

¹³ Emva kwalokho, uHagayi isithunywa sikaThixo, wanika abantu ilizwi likaThixo leli: “Ngilani,” kutsho uThixo.

UHagayi 1:13 Referans Kwoze

U-Isaya 43:2

Lapho udabula emanzini ngizakuba lawe; lalapho udabula emifuleni, kayiyikukukhukhula; lalapho uhamba emlilweni, kawuyikutsha, lelangabi kaliyikukutshisa.

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

AbaseRoma 8:31

Phoke, sizakuthini ngalokhu na? Uba uNkulunkulu engakithi, ngubani ongamelana lathi na?

UMalaki 3:1

INkosi yamabandla ithi: Khangelani, ngiyasithuma isithunywa sami ukulungisa indlela phambi kwami. INkosi eliyidingayo izafika masinyane ethempelini layo; isithunywa sesivumelwano elithokoza ngaso siyeza.

UHagayi 2:4

Kodwa qina, wena Zerubabeli, kutsho iNkosi, ume isibindi lawe Joshuwa, ndodana kaJehozadaki, mpristi omkhulu; qinani lani lonke, bantu belizwe. Sebenzani, ngoba mina ngilani, kutsho iNkosi yamabandla,

U-Isaya 41:10

ungesabi, ngoba mina ngilawe, ungapheli amandla, ngoba mina nginguNkulunkulu wakho; ngizakukuqinisa, ngikusize, ngikusekele ngesandla sami sokunene esinqobayo.

AmaHubo 46:11

INkosi yamabandla ilathi, uNkulunkulu kaJakobe uyisiphephelo sethu.

2 uTimothi 4:17

Kodwa iNkosi yangimela, yangipha amandla okuba ngitshumayele ivangeli ngokupheleleyo, ukuze bonke abezizwe balizwe; ngakhutshwa emlonyeni wesilwane.

UMatewu 18:20

Ngoba lapho ababili ingabe abathathu babuthene khona ebizweni lami, ngikhona lapho phakathi kwabo.

UMatewu 1:23

Khangela, intombi izakuthatha isisu ibelethe indodana, ezakubizwa ngokuthi nguEmanuweli, okuyikuthi ngokuphendulelwa, uNkulunkulu ulathi.

UMalaki 2:7

Ngoba umpristi umele agcine ukwazi okuqotho, labantu bamele badinge ukufundiswa kuye, ngoba uyisithunywa seNkosi yamabandla.

UJeremiya 30:11

Ngoba mina ngilawe ukukukhulula, kutsho iNkosi. Ngoba ngizachitha ngokupheleleyo zonke izizwe engikuhlakazele phakathi kwazo, kodwa wena kangiyikukubhubhisa ngokupheleleyo; ngizakukukhuza ngokufaneleyo, kangiyikukuyekela.

UJeremiya 20:11

Kodwa iNkosi ilami njengeqhawe elesabekayo; ngakhoke abangizingelayo bazakhubeka, kabayikungahlula; bazayangeka kakhulu, ngoba kabayikuphumelela. Lehlazo labo elingelakuphela kaliyikukhohlakala.

UJeremiya 15:20

Ngizakukwenza ukuba ube ngumduli wethusi oqinileyo kulababantu; bazakulwa lawe, kodwa kabayikukwahlula, ngoba ngilawe ukukusiza lokukukhulula, kutsho iNkosi.

AmaHubo 46:7

INkosi yamabandla ilathi, uNkulunkulu kaJakobe uyisiphephelo sethu.

2 ImiLando 32:8

Yena ulamandla omuntu, kodwa thina sileNkosi uNkulunkulu wethu ukusisiza lokusilwela. Abantu bazuza isibindi ngamazwi kaHezekiya inkosi yakoJuda.

2 ImiLando 20:17

Kakusini lodwa elizakulwa kulimpi; manini liqine, lizakubona ukunqoba iNkosi ezakulenzela khona, lina abakoJuda labaseJerusalema. Lingesabi litshaywe luvalo; kusasa phumani liyekulwa labo, iNkosi izakuba lani.

UHezekhiyeli 3:17

lathi: Ndoda, ngikwenzile waba ngumlindi wabakoIsrayeli. Lapho usizwa ilizwi elivela kimi, ungixwayisele bona.

U-Isaya 44:26

ogcwalisa ilizwi lenceku zakhe, aphumelelise amacebo ezigijimi zakhe, othi ngeJerusalema: Lizakuba labantu futhi; langemizi yakoJuda: Izakwakhiwa futhi, ngizavusa amanxiwa abo;

2 uTimothi 4:22

INkosi kayibe lomoya wakho. Umusa kawube lani lonke.

2 AbaseKhorinte 5:20

Ngakhoke siyizithunywa zikaKristu okuyikuthi uNkulunkulu uyalincenga ngathi; lathi siyalincenga esikhundleni sikaKristu sithi: Buyisanani loNkulunkulu.

U-Isaya 42:19

Kambe ngubani oyisiphofu ukwedlula inceku yami, loyisacuthe njengesigijimi sami engisithumayo? Ngubani oyisiphofu njengothembekileyo wami, oyisiphofu njengenceku yeNkosi na?

2 ImiLando 15:2

waphuma ukuhlangabezana loAsa, wathi kuye: Lalela, Asa, lani lonke abakoJuda labakoBenjamini; iNkosi uNkulunkulu ilani nxa lani liselayo. Uba liyidinga, izalivumela ukuba liyifumane; kodwa uba liyilahla, layo izalilahla.

Abahluleli 2:1

Isithunywa seNkosi sasuka eGiligali saya eBokimi, sathi: Ngalikhupha eGibithe, ngaliletha elizweni engafunga ukulinika okhokho benu. Ngathi kangisoze ngisaphule isivumelwano sami lani;

1 ImiLando 28:20

UDavida wasesithi kuSolomoni indodana yakhe: Dodake ume isibindi, usebenze; ungesabi utshaywe luvalo; ngoba iNkosi uNkulunkulu, yebo uNkulunkulu wami, ulawe. Kasoze wakulahla, kasoze akutshiye, uze uphele wonke umsebenzi wenkonzo yethempeli.