UGenesisi 12:7 - iBhayibhili Elingcwele 1978

⁷ INkosi yabonakala kuAbrama yathi: Ngizakuyinika inzalo yakho lelilizwe. Wayakhela lapho ialtare iNkosi eyabonakala kuye.

IBhayibhili Elingcwele LesiNdebele

⁷ UThixo wabonakala ku-Abhrama wathi, “Lelilizwe ngizalinika inzalo yakho.” Ngakho wasesakha i-alithari khonapho elakhela uThixo owayebonakele kuye.

UGenesisi 12:7 Referans Kwoze

AbaseGalathiya 3:16

Izithembiso zanikwa uAbrahama lenzalo yakhe. Kakutshiwo ukuthi: Ezinzalweni, ngokungathi zinengi; kodwa kungathi yinye kuthiwa: Lasenzalweni yakho; enguKristu.

UGenesisi 17:8

Ngizakunika wena lenzalo yakho emva kwakho ilizwe ohlala kilo, lonke ilizwe laseKanani libe yilifa elingapheliyo; ngizakuba nguNkulunkulu wabo.

UGenesisi 17:1

Kwathi uAbrama eseleminyaka engamatshumi aficamunwemunye lesificamunwemunye iNkosi yabonakala kuye, yathi kuye: NginguNkulunkulu uSomandla; hamba phambi kwami, ungasoleki.

UGenesisi 18:1

INkosi yabonakala kuAbrahama eduze lezihlahla ezinkulu zaseMamre, ehlezi emnyango wethente ngesikhathi sokutshisa kwelanga.

UGenesisi 13:15

ngoba ilizwe lonke olibonayo ngizakukunika lona, ngilinike lenzalo yakho kuze kube nininini.

UGenesisi 13:4

endaweni lapho lalikhona ialtare abelenzile kuqala; uAbrama wadumisa ibizo leNkosi lapho.

UGenesisi 13:18

UAbrama wasukake wayakwakha eduze lezihlahla ezinkulu eziseMamre eliseHebroni, wakhela iNkosi khona ialtare.

U-Eksodasi 33:1

INkosi yathi kuMose: Khuphuka lapha wena labantu owabakhupha elizweni laseGibithe, uye elizweni engalifungela kuAbrahama lakuIsaka lakuJakobe ngathi: Inzalo yakho ngizakuyinika lona.

UGenesisi 32:30

UJakobe wayibiza leyondawo ngokuthi yiPeniyeli, ngoba wathi: Ngibubonile ubuso bukaNkulunkulu, kodwa ngisaphila.

UGenesisi 26:25

Wakha khona ialtare, wakhuleka ebizweni leNkosi, wamisa khona ithente lakhe; inceku zikaIsaka zemba khona umthombo.

AmaNani 32:11

Impela kulabo abaphuma eGibithe abaleminyaka engamatshumi amabili lengaphezulu kakuyikuba loyedwa ozakubona ilizwe engafunga ukulinika uAbrahama loIsaka loJakobe, ngoba kabangilandelanga ngokupheleleyo;

UGenesisi 12:8

Wasuka khona, waya entabeni ngasempumalanga kwaseBetheli, wamisa khona ithente lakhe, iBetheli lingasentshonalanga, leAyi lingasempumalanga. Wayakhela lapho ialtare iNkosi, wadumisa ibizo leNkosi.

AmaHebheru 11:13

Bonke laba bafela ekukholweni, bengamukeliswanga okwathenjiswayo, kodwa bakubonela khatshana, bakuthakazelela, bavuma ukuthi bangabezizwe lezihambi emhlabeni.

AbaseRoma 9:8

Lokhu kutsho ukuthi kakusibo abantwana benyama abangabantwana bakaNkulunkulu; kodwa abantwana besithembiso yibo abathiwa yinzalo kaAbrahama.

UGenesisi 22:9

Bafika endaweni uNkulunkulu ayemtshele yona; uAbrahama wakha khona ialtare; wabeka inkuni phezu kwalo; esembophile uIsaka indodana yakhe, wambeka phezu kwenkuni ealtareni.

UGenesisi 17:3

UAbrama wawa ngobuso, uNkulunkulu wakhuluma laye,

UGenesisi 15:18

Ngalolosuku iNkosi yenza isivumelwano loAbrama, yathi: Ngiyayinika inzalo yakho lelilizwe, kusukela emfuleni waseGibithe kuze kube semfuleni omkhulu othiwa liYufrathi,

AbaseGalathiya 4:28

Thina, bazalwane, njengoIsaka singabantwana besithembiso.

UDutheronomi 30:20

liyithande iNkosi uNkulunkulu wenu, lilalele ilizwi layo, libambelele kuyo; ngoba lokho kuzakulilethela ukuphila lokwanda kwensuku zenu ukuze lihlale elizweni iNkosi eyafunga kubokhokho benu oAbrahama loIsaka loJakobe ukubanika lona.

UDutheronomi 6:10

Kuzakuthi lapho iNkosi uNkulunkulu wakho ekungenisa elizweni eyafunga kubokhokho benu, oAbrahama loIsaka loJakobe, ukukunika ilizwe elilemizi emikhulu lemihle ongayakhanga,

UDutheronomi 1:8

Khangelani, ngilivulele ilizwe phambi kwenu. Ngenani, lilithumbe ilizwe iNkosi eyafunga kubokhokho benu, oAbrahama loIsaka loJakobe, ukubanika lona lenzalo yabo emva kwabo.

U-Eksodasi 6:3

ngabonakala kuAbrahama lakuIsaka lakuJakobe njengoNkulunkulu uSomandla; kodwa ngebizo lami lokuthi iNkosi ngangingaziwa kubo.

UGenesisi 33:20

Wakha khona ialtare, walibiza ngokuthi yiEli, okuyikuthi uNkulunkulu kaIsrayeli.

UGenesisi 28:13

Wabona iNkosi imi phansi kwakhe, yathi: NgiyiNkosi uNkulunkulu kaAbrahama uyihlo loNkulunkulu kaIsaka; ilizwe olele kulo ngizakukunika lona, wena lenzalo yakho;

UGenesisi 26:3

hlala kulelilizwe, ngizakuba lawe ngikubusise; ngoba ngizakunika wena lenzalo yakho wonke lamazwe, ngiqinise isifungo engasifunga kuAbrahama uyihlo.

UGenesisi 8:20

UNowa wakhela iNkosi ialtare; wathatha kuzo zonke inyamazana ezihlambulukileyo lakuzo zonke inyoni ezihlambulukileyo, wanikela umnikelo wokutshiswa phezu kwealtare.

Imisebenzi 7:5

Kodwa kamnikanga ilifa kilo, ngitsho lelingangonyawo, kodwa wathembisa ukumnika lona libe ngelakhe lelenzalo yakhe emva kwakhe, lanxa wayengakabi lamntwana.

AmaHebheru 11:8

Ngokukholwa uAbrahama walalela ebizwa ukuba asuke aye endaweni ayezakuyinikwa ibe yilifa lakhe; waphuma engazi lapho aya khona.

UGenesisi 24:7

INkosi, uNkulunkulu wezulu, eyangikhupha endlini kababa laselizweni lokuzalwa kwami, yafunga kimi yathi: Ngizalinika inzalo yakho lelilizwe; izathuma isithunywa sayo phambi kwakho, ukuze uyithathele khona umfazi indodana yami.

U-Eksodasi 6:4

Ngamisa isivumelwano sami labo sokuba ngibaphe ilizwe laseKanani, ilizwe ababehlala kulo njengabezizwe.

U-Eksodasi 32:13

Khumbula uAbrahama loIsaka loIsrayeli, inceku zakho, owazifunga kibo wathi: Ngizakwandisa inzalo yenu ibe ngangenkanyezi zasezulwini, ngiyinike lonke lelilizwe engikhulume ngalo, libe yilifa layo kuze kube nininini.

UDutheronomi 9:5

Kakusikho ngenxa yokulunga kwakho lobuqotho benhliziyo yakho ukuthi ungene elizweni lazo ukulithumba; kodwa kungenxa yobubi balezizizwe iNkosi uNkulunkulu wakho ezixotsha phambi kwakho, futhi lokuba iqinise ilizwi eyalifunga kubokhokho bakho oAbrahama loIsaka loJakobe.

UDutheronomi 34:4

INkosi yathi kuye: Yilo leli ilizwe engafunga kuAbrahama loIsaka loJakobe ngathi: Ngizakulinika inzalo yenu. Sengikuvumele ukuba ulibone ngamehlo akho, kodwa kawuyikuwela uye kilo.

1 ImiLando 16:16

isivumelwano eyasenza loAbrahama, isithembiso eyasenza kuIsaka,

UGenesisi 13:17

Suka udabule ilizwe, ubude balo lobubanzi balo, ngoba ngizakukunika lona.

UGenesisi 28:4

akuphe isibusiso sikaAbrahama wena lenzalo yakho, ukuba udle ilifa lelizwe lapho uhlala khona uNkulunkulu alinika uAbrahama.

UGenesisi 35:7

Wakha khona ialtare, wayibiza indawo ngokuthi yiEliBetheli, ngoba uNkulunkulu wabonakala kuye khona mhla ebalekela umnewabo.

UGenesisi 35:12

Ilizwe engalinika uAbrahama loIsaka ngizalinika wena, lenzalo yakho emva kwakho ngiyinike lona.

UGenesisi 50:24

UJosefa wasesithi kubafowabo: Sengizakufa, kodwa uNkulunkulu uzalihambela impela, alikhuphe kulelilizwe alise elizweni alifungela oAbrahama loIsaka loJakobe.

U-Eksodasi 17:15

UMose wakha ialtare, walitha ibizo lokuthi iNkosi iluphawu lwami;

U-Eksodasi 24:4

UMose waseloba wonke amazwi eNkosi. Wavuka ekuseni, wakha ialtare phansi kwentaba kanye lensika zokukhonzela ezilitshumi lambili ezilingana izizwe zakoIsrayeli.

AmaNani 26:53

Ilizwe bazakwahlukaniselwa lona libe ngelabo njengenani lamabizo alotshiweyo.

UJoshuwa 1:6

Qina, ume isibindi, ngoba nguwe ozanika lababantu ilizwe engafunga ukulinika okhokho babo.

UJoshuwa 8:30

UJoshuwa waseyakhela iNkosi, uNkulunkulu kaIsrayeli, ialtare entabeni yaseEbali.

UJoshuwa 22:10

Ekufikeni kwabo eGelilothi eliseKanani ngaseJordani abakoRubeni labakoGadi lengxenye yesizwe sakoManase bakha khona ialtare elikhulu ngaseJordani, lalilialtare elikhulu okumangalisayo.

Abahluleli 6:24

UGidiyoni waseyakhela iNkosi ialtare lapho, walibiza ngokuthi iNkosi ilokuthula. Lisekhona lalamhla eOfira lamaAbiyezeri.

1 USamuyeli 7:17

Wayebuyela eRama, ngoba umuzi wakhe wawulapho; wahlulela uIsrayeli khona, wayakhela lapho iNkosi ialtare.

2 USamuyeli 24:25

UDavida wayakhela khona iNkosi ialtare, wanikela iminikelo yokutshiswa leminikelo yokuthula. INkosi yakuzwa ukukhulekelwa kwelizwe, umkhuhlane waphela koIsrayeli.

1 AmaKhosi 18:32

Ngalawomatshe wakha ialtare ebizweni leNkosi. Wemba umgelo ozingelezela ialtare, okungangena kuwo igokoko lenhlanyelo.

1 ImiLando 16:18

yathi; Ngizakukunika ilizwe laseKanani libe yisabelo sakho esiyilifa lakho.

2 ImiLando 20:7

Wena, Nkulunkulu wethu, kawubaxotshanga yini abantu balelilizwe phambi kwabantu bakho uIsrayeli, walinika inzalo kaAbrahama umngane wakho ukuba libe ngelayo kuze kube nininini na?

2 ImiLando 20:11

khangelake, basibonga ngokuzasixotsha endaweni owasinika yona.

U-Ezra 3:2

Kwasuka uJeshuwa indodana kaJozadaki kanye labanye abapristi, loZerubabeli indodana kaSalatiyeli lezihlobo zakhe, bakha ialtare likaNkulunkulu kaIsrayeli ukuba banikele iminikelo yokutshiswa phezu kwalo, njengokulotshiweyo emlayweni kaMose umuntu kaNkulunkulu.

UJeremiya 3:18

Ngalezonsuku indlu yakoJuda izahlangana lendlu yakoIsrayeli, ziphume kanyekanye elizweni lasenyakatho, zize elizweni engalinika okhokho benu ukuba libe ngelabo.