UDutheronomi 9:5 - iBhayibhili Elingcwele 1978

⁵ Kakusikho ngenxa yokulunga kwakho lobuqotho benhliziyo yakho ukuthi ungene elizweni lazo ukulithumba; kodwa kungenxa yobubi balezizizwe iNkosi uNkulunkulu wakho ezixotsha phambi kwakho, futhi lokuba iqinise ilizwi eyalifunga kubokhokho bakho oAbrahama loIsaka loJakobe.

IBhayibhili Elingcwele LesiNdebele

⁵ Akusikho ukuthi kungenxa yokulunga kwakho loba ukuziphatha ngobuntu bakho okuzakwenza ungene kulelolizwe ulithathe; kodwa kungenxa yezono zalezozizwe, uThixo uNkulunkulu wakho uzazixotsha phambi kwakho lezizizwe ukuze kugcwaliseke isifungo uThixo wakho asenza kuboyihlo, u-Abhrahama, u-Isaka kanye loJakhobe.

UDutheronomi 9:5 Referans Kwoze

UThithu 3:5

wasisilisa, kungesikho ngezenzo zokulunga esazenzayo thina kodwa ngokwesihawu sakhe, ngokugeziswa kokuzalwa kutsha lokuvuselelwa ngoMoya oNgcwele.

UGenesisi 26:4

Ngizakwandisa inzalo yakho ibe ngangezinkanyezi zezulu, ngiyinike inzalo yakho lamazwe wonke; ngenzalo yakho zizabusiswa izizwe zonke zomhlaba;

UGenesisi 17:8

Ngizakunika wena lenzalo yakho emva kwakho ilizwe ohlala kilo, lonke ilizwe laseKanani libe yilifa elingapheliyo; ngizakuba nguNkulunkulu wabo.

UGenesisi 15:7

Yathi kuye: NgiyiNkosi eyakususa eUri elamaKaladiya ukuba ngikunike ilizwe leli libe yilifa lakho.

UGenesisi 13:15

ngoba ilizwe lonke olibonayo ngizakukunika lona, ngilinike lenzalo yakho kuze kube nininini.

UGenesisi 12:7

INkosi yabonakala kuAbrama yathi: Ngizakuyinika inzalo yakho lelilizwe. Wayakhela lapho ialtare iNkosi eyabonakala kuye.

UHezekhiyeli 20:14

Kodwa kangikwenzanga ngenxa yebizo lami ukuba lingangcoliswa phambi kwezizwe engabakhupha phambi kwazo.

U-Eksodasi 32:13

Khumbula uAbrahama loIsaka loIsrayeli, inceku zakho, owazifunga kibo wathi: Ngizakwandisa inzalo yenu ibe ngangenkanyezi zasezulwini, ngiyinike lonke lelilizwe engikhulume ngalo, libe yilifa layo kuze kube nininini.

UGenesisi 28:13

Wabona iNkosi imi phansi kwakhe, yathi: NgiyiNkosi uNkulunkulu kaAbrahama uyihlo loNkulunkulu kaIsaka; ilizwe olele kulo ngizakukunika lona, wena lenzalo yakho;

AbaseRoma 15:8

Ngoba ngithi uKristu waba yinceku yabasokileyo ukubonakalisa iqiniso likaNkulunkulu, ukuba aqinise izithembiso ezanikwa okhokho,

AbaseRoma 11:28

Ngokwevangeli bayizitha zikaNkulunkulu ngenxa yenu; kodwa ngokukhetha kwakhe bangabathandiweyo ngenxa yabokhokho.

Imisebenzi 3:25

Lina lingamadodana abaprofethi lawesivumelwano uNkulunkulu asenza labokhokho benu, esithi kuAbrahama: Ngenzalo yakho zizakubusiswa zonke izizukulwana zomhlaba.

UMikha 7:20

uzanika uJakobe ukuthembeka, lenzalo kaAbrahama uthando olungapheliyo, njengokufunga kwakho kubo endulo.

UGenesisi 19:29

Kwathi uNkulunkulu esebhubhisile imizi yasemagcekeni wamkhumbula uAbrahama, wakhupha uLoti ekubhujisweni mhla ebhubhisa imizi ayehlala kuyo uLoti.

ULevi 18:25

Ngalokho ilizwe langcola; ngakho ngatshaya abantu balo, lelizwe labahlanza.

UDutheronomi 12:31

Kaliyikwenza njalo eNkosini uNkulunkulu wenu; ngoba zonke izinto ezinengekayo eNkosini ezizondwa yiyo zizenzele onkulunkulu bazo; futhi zitshisela onkulunkulu bazo amadodana lamadodakazi azo ngomlilo.

UDutheronomi 18:9

Lapho selifikile elizweni iNkosi uNkulunkulu wenu elinika lona, lingafundi ukwenza imikhuba enengekayo yalezozizwe.

UDutheronomi 20:18

ukuba bangalifundisi ukwenza imikhuba yabo enengekayo, abayenza ekukhonzeni kwabo onkulunkulu babo, lone eNkosini uNkulunkulu wenu.

UHezekhiyeli 36:22

Ngalokho tshono kuIsrayeli uthi: INkosi uNkulunkulu ithi: Kangikwenzi lokhu ngenxa yenu, lina Israyeli, kodwa ngikwenza ngenxa yebizo lami elingcwele elilingcolisileyo phakathi kwezizwe elaya kizo.

UHezekhiyeli 36:32

Kangikwenzi lokhu ngenxa yenu, kutsho iNkosi uNkulunkulu; kakwaziwe yini lokhu. Wobani lenhloni, liyangeke ngendlela zenu, lina Israyeli.

UGenesisi 15:16

Esizukulwaneni sesine izakubuya lapha; ngoba ububi bamaAmori kabukapheleli.

ULevi 18:24

Lingazingcolisi ngalezizinto, ngoba izizwe engizixotsha phambi kwenu ziyazingcolisa ngazo.

UDutheronomi 1:8

Khangelani, ngilivulele ilizwe phambi kwenu. Ngenani, lilithumbe ilizwe iNkosi eyafunga kubokhokho benu, oAbrahama loIsaka loJakobe, ukubanika lona lenzalo yabo emva kwabo.

UDutheronomi 18:12

Ngoba lowo owenza lezizinto uyazondwa yiNkosi. Ngenxa yalimikhuba enengekayo iNkosi uNkulunkulu wenu iyazixotsha izizwe phambi kwenu.