UDutheronomi 9:3 - iBhayibhili Elingcwele 1978

³ Ngakhoke yazi lamuhla ukuthi yiNkosi uNkulunkulu wakho echapha ngaphambi kwakho enjengomlilo oqothulayo; yona izakubachitha, ibanqobe phambi kwakho; uzakubaxotsha, ubabhubhise masinyane, njengokukuthembisa kwayo.

IBhayibhili Elingcwele LesiNdebele

³ Kodwa qinisekani lamuhla ngoba uThixo uNkulunkulu wenu nguye ozachapha phambi kwenu njengomlilo otshisa ubhuqe. UThixo uzababhubhisa; uzabanyathela phambi kwenu. Lizabaxotsha libabhubhise masinyane, njengokuthembisa kukaThixo.

UDutheronomi 9:3 Referans Kwoze

UDutheronomi 4:24

Ngoba iNkosi uNkulunkulu wenu ingumlilo oqothulayo loNkulunkulu olomona.

AmaHebheru 12:29

ngoba uNkulunkulu wethu ungumlilo oqothulayo.

AbaseRoma 8:31

Phoke, sizakuthini ngalokhu na? Uba uNkulunkulu engakithi, ngubani ongamelana lathi na?

UDutheronomi 20:4

ngoba iNkosi uNkulunkulu wenu ihamba lani ukuba ililwele ezitheni zenu, ilikhulule.

UJoshuwa 3:11

Umtshokotsho wesivumelwano seNkosi yomhlaba wonke uzachapha iJordani ngaphambi kwenu.

UMikha 2:13

Umkhokheli wabo uzabavulela indlela, bonke bazafohla, bafike esangweni, baphume ngalo. Inkosi yabo izahamba phambi kwabo, bekhokhelwa yiyo.

2 AbaseThesalonika 1:8

Uzaphindisela kwabangamaziyo uNkulunkulu lakwabangalaleli ivangeli leNkosi yethu uJesu.

UDutheronomi 1:30

INkosi uNkulunkulu wenu ehamba phambi kwenu izakulilwela njengalokhu eyalenzela khona eGibithe phambi kwenu,

UJoshuwa 3:14

Ngakho abantu basuka emathenteni abo ukuchapha iJordani, abapristi babengaphambi kwabo bethwele umtshokotsho wesivumelwano.

Abase-Efesu 5:17

Ngakhoke lingabi yizithutha, kodwa qedisisani okuyintando yeNkosi.

UMakho 7:14

Wabuya wabiza ixuku, wathi kulo: Ngilalelani lonke, liqedisise.

UMatewu 15:10

Wasebiza abantu wathi kubo: Lalelani, liqedisise.

U-Isaya 33:14

Izoni zaseZiyone ziyesaba, ukuthuthumela kubehlele abangamesabiyo uNkulunkulu, bathi: Ngubani phakathi kwethu ongahlala lomlilo oqothulayo? Ngubani phakathi kwethu ongahlala lokutshisa okungapheliyo?

U-Isaya 30:33

Ngoba indawo yokutshisela kade yalungiswa, yalungiselwa inkosi yaseAsiriya; isilungile, legodi layo lenziwa latshona, laba banzi, lilomlilo lenkuni ezinengi; umphefumulo weNkosi unjengomlilo olesolufa, uyawuthungela.

U-Isaya 30:30

INkosi izazwakalisa ilizwi layo elilodumo, ibonakalise ingalo yayo lapho itshayayo, ekuthukutheleni kwayo okwesabekayo, ngokuvutha komlilo oqothulayo, langesivunguvungu, langesiphepha, langesiqhotho.

U-Isaya 30:27

Khangela, iNkosi ivela khatshana, ulaka lwayo luyavutha, lutshengiswa ngentuthu ethunqayo; ikhuluma ithukuthele, lamazwi ayo anjengomlilo oquthulayo;

U-Isaya 27:4

Ukuthukuthela kakusekho kimi. Kungathi kungaba khona ameva lokhula! bengizakukusukela ngilwe lakho, ngikutshise.

UDutheronomi 9:6

Yazike ukuthi iNkosi uNkulunkulu wakho kayikuniki lelilizwe elihle ukuba libe ngelakho ngenxa yokulunga kwakho; ngoba uyisizwe esilenhliziyo elukhuni.

UDutheronomi 7:16

Lizakubachitha bonke abantu ezakubanikela kini iNkosi uNkulunkulu wenu; lingabahawukeli, lingakhonzi onkulunkulu babo, ngoba lokhu kuzakuba ngumjibila kini.

U-Eksodasi 24:17

Inkazimulo yeNkosi yabonakala engqongeni yentaba, emehlweni abakoIsrayeli, yayinjengomlilo otshisa uqothule.

Abahluleli 4:14

UDebora wathi kuBaraki: Vuka! ngoba yilo lolusuku iNkosi enikele ngalo kuwe uSisera. Yebo, isihambile phambi kwakho. Ngakho uBaraki wasesehla entabeni iTabori elandelwa ngabantu abazinkulungwane eziIitshumi.

U-Eksodasi 23:23

Isithunywa sami sizahamba phambi kwakho, sikuse kuwo amaAmori lamaHethi lamaPerizi lamaKanani lamaHivi lamaJebusi. Ngizababhubhisa.

UDutheronomi 7:22

INkosi uNkulunkulu wenu izazixotsha lezizizwe phambi kwenu kancinyane kancinyane; kaliyikuziqeda masinyane, funa izilo zande zibe zinengi.

UDutheronomi 20:1

Lapho liphuma impi ukuyahlasela izitha zenu, beselibona amabhiza lezinqola, labantu abanengi kulani, lingabesabi; ngoba iNkosi uNkulunkulu wenu eyalikhupha eGibithe ilani.

UJoshuwa 11:8

INkosi yabanikela esandleni sikaIsrayeli owabahlasela waxotshana labo kwaze kwaba seSidoni elikhulu laseMisirefothi‐Mayimi, langasempumalanga kwaze kwaba sesihotsheni seMizipe. Babachitha, kakwaze kwasala loyedwa.

UJoshuwa 11:12

Yonke imizi yalawomakhosi kanye lamakhosi ayo uJoshuwa wayithumba, wayichitha ngomkhonto, wayiqeda nya, njengokulaya kukaMose inceku yeNkosi.

UJoshuwa 14:12

ngakhoke akunginike lelilizwe lezintaba iNkosi eyakhuluma ngalo ngalolosuku, ngoba wezwa mhlalokho ukuba amaAnaki ayehlala lapho ayelemizi emikhulu ebiyelweyo. Uba iNkosi ilami, ngizawaxotsha njengokutsho kwayo.