UDutheronomi 9:1 - iBhayibhili Elingcwele 1978

¹ Zwana, Israyeli; uzakuchapha iJordani lamuhla, ungene uthumbe ilizwe lezizwe ezinkulu lezilamandla kulawe, lemizi emikhulu ebiyelwe ngemithangala efika phezulu.

IBhayibhili Elingcwele LesiNdebele

¹ “Zwana, We Israyeli. Khathesi ususiyachapha iJodani ukuze ungene uyethathela izizwe ezinkulu ezilamandla kulawe, ezilamadolobho amakhulu alemiduli etshaya emkhathini.

UDutheronomi 9:1 Referans Kwoze

UDutheronomi 11:31

Ngoba selizakuchapha iJordani ukuba lingene lithumbe ilizwe iNkosi uNkulunkulu wenu elinika lina. Lizakulithumba, lihlale kilo,

UDutheronomi 4:38

yaxotsha phambi kwenu izizwe ezinkulu ezilamandla kulani ukuze ilingenise elizweni lazo, ilinike lona libe ngelenu njengalamhla.

UDutheronomi 1:28

Sizakuya ngaphi? Abazalwane bethu basithelele ubugwala ngokuthi: Labobantu bakhulu, bade kulathi; lemizi mikhulu, ibiyelwe ngemithangala efika ezulwini; futhi sibonile khona amadodana amaAnaki.

UJoshuwa 1:11

esithi: Ngenani ezihonqweni litshele abantu lithi: Zilungiseleni umphako, ngoba ngensuku ezintathu lizachapha iJordani leli, ukuba lingene elizweni iNkosi uNkulunkulu wenu eyalinika lona ukuba lihlale kilo.

UDutheronomi 11:23

iNkosi izakuxotsha zonke lezizizwe phambi kwenu, lizinqobe izizwe ezinkulu lezilamandla kulani.

UDutheronomi 7:1

Kuzakuthi lapho iNkosi uNkulunkulu wakho isikungenisa elizweni oya kulo ukulithumba ixotshe izizwe ezinengi phambi kwakho, amaHethi lamaGirigashi lamaAmori lamaKanani lamaPerizi lamaHivi lamaJebusi, izizwe eziyisikhombisa ezinkulu lezilamandla kulawe,

UDutheronomi 3:18

Ngalilaya ngalesosikhathi ngathi: INkosi uNkulunkulu wenu ilinikile lelilizwe libe ngelenu. Wonke amaqhawe enu azawela ehlomile phambi kwabafowenu, abantu bakoIsrayeli.

UJoshuwa 4:19

Abantu bachapha iJordani ngosuku lwetshumi lwenyanga yokuqala, bamisa eGiligali ngasempumalanga kweJeriko.

UJoshuwa 4:5

wathi kuwo: Dlulani phambi komtshokotsho weNkosi uNkulunkulu wenu, lingene phakathi kweJordani, lowo lalowo wenu athathe ilitshe, aletshate ehlombe, ilitshe elilodwa limele isizwe sinye sakoIsrayeli,

UJoshuwa 3:16

amanzi avela ngaphezu komfula ema, abuthana aba yinqwaba okwebanga elide kwaze kwafika eAdama umuzi oseduze leZarethani; lalawo agelezela olwandle lwaseAraba, uLwandle lweTshwayi, aqamuka wonke; abantu bachapha maqondana leJeriko.

UJoshuwa 3:14

Ngakho abantu basuka emathenteni abo ukuchapha iJordani, abapristi babengaphambi kwabo bethwele umtshokotsho wesivumelwano.

UJoshuwa 3:6

UJoshuwa wathi kubapristi: Thathani umtshokotsho wesivumelwano, lihambe ngaphambi kwabantu. Basebewuthatha umtshokotsho wesivumelwano, bahamba ngaphambi kwabantu.

UDutheronomi 27:2

Kuzakuthi mhla liwela iJordani lisiya elizweni iNkosi uNkulunkulu wenu elinika lona, limise amatshe amakhulu, liwabhade ngodaka,

AmaNani 13:22

Bahambake basukela eNegebi baze bafika eHebroni; kwakuhlala khona oAhimani loSheshayi loTalimayi, inzalo kaAnaki — IHebroni lakhiwa iminyaka eyisikhombisa lingakakhiwa iZowani laseGibithe —

UGenesisi 11:4

Bathi: Wozani, asakheni umuzi lomphotshonga osihloko sawo sifinyelela ezulwini, sizenzele ibizo elikhulu singahlakazeki emhlabeni wonke.

UDutheronomi 6:10

Kuzakuthi lapho iNkosi uNkulunkulu wakho ekungenisa elizweni eyafunga kubokhokho benu, oAbrahama loIsaka loJakobe, ukukunika ilizwe elilemizi emikhulu lemihle ongayakhanga,

UDanyeli 4:11

Isihlahla sakhula, saqina, isicholo saso safinyelela ezulwini, sabonakala emhlabeni wonke.

U-Eksodasi 32:1

Abantu sebebonile ukuthi uMose ulibele ukwehla entabeni, babuthana kuAroni bathi kuye: Suka, usenzele onkulunkulu abazakuhamba phambi kwethu; ngoba uMose lowo, umuntu owasikhupha elizweni laseGibithe, kasazi ukuthi wehlelwe yini.

AmaNani 33:51

yathi: Tshono ebantwini bakoIsrayeli uthi: Lapho liwela iJordani lingene elizweni laseKanani,

UDutheronomi 4:1

Khathesike, lina bakoIsrayeli, zwanini izimiso lezahlulelo engilifundisa zona, lizenze ukuze liphile, lingene lilithumbe ilizwe elinika lona iNkosi uNkulunkulu wabokhokho benu.

UJoshuwa 1:15

iNkosi ize ibanike abafowenu ukuphumula njengani, bangene elizweni iNkosi uNkulunkulu wenu ebanika lona. Libuyeke elizweni lenu, lihlale kilo, ilizwe uMose inceku yeNkosi alinika lona ngaphetsheya kweJordani ngasempumalanga.

UJoshuwa 14:12

ngakhoke akunginike lelilizwe lezintaba iNkosi eyakhuluma ngalo ngalolosuku, ngoba wezwa mhlalokho ukuba amaAnaki ayehlala lapho ayelemizi emikhulu ebiyelweyo. Uba iNkosi ilami, ngizawaxotsha njengokutsho kwayo.

uAmosi 2:9

Kanti mina ngachitha amaAmori phambi kwabo, ubude bawo babulingana lobude bezihlahla zomkusu ezinde, lokuqina kwawo kunjengezihlahla ezinkulu; kodwa ngachitha izithelo zawo ngaphezulu, lempande zawo ngaphansi.