UDutheronomi 8:5 - iBhayibhili Elingcwele 1978

⁵ Yazini enhliziyweni zenu ukuthi njengalokhu umuntu elaya indodana yakhe, ngokunjalo iNkosi uNkulunkulu wenu iyalilaya lani.

IBhayibhili Elingcwele LesiNdebele

⁵ Gcinani lokhu ezinhliziyweni zenu lazi ukuthi njengendoda ikhuza indodana yayo, ngokufananayo uThixo uNkulunkulu wenu uyalikhuza.

UDutheronomi 8:5 Referans Kwoze

Isambulo 3:19

Bonke engibathandayo ngiyabasola ngibatshaye; ngakhoke tshisekela ukuphenduka.

Izaga 3:12

ngoba iNkosi iyamlaya emthandayo, njengoyise elaya indodana yakhe ayithandayo.

2 USamuyeli 7:14

Mina ngizakuba nguyise, yena ibe yindodana yami. Uba esenza okubi, ngizayitshaya ngentonga esetshenziswa ngabantu, ngimtshaye imivimvinya njengokutshaya kwabantu.

1 AbaseKhorinte 11:32

Kodwa nxa sithonisiswa, siyatshaywa yiNkosi, ukuze singalahlwa kanye lomhlaba.

AmaHubo 94:12

Nkosi, ubusisiwe lowomuntu omlayayo, omfundisayo ngomlayo wakho,

UHezekhiyeli 18:28

Ngoba wabona, waphenduka eziphambekweni zakhe zonke abezenzile, uzakuphila impela kayikufa.

AmaHubo 89:32

ngizakubatshayela iziphambeko zabo ngenduku, lezono zabo ngemichilo.

UDutheronomi 4:9

Ngakhoke qaphelani, ligcine kuhle umphefumulo wenu, funa likhohlwe izinto elizibonayo, zingasuki emikhumbulweni yenu insuku zenu zonke. Libazise zona abantwana benu labazukulu benu,

UHezekhiyeli 12:3

ngoba bangabantu abahlamukayo. Ngakhoke, wena ndoda, lungisa umthwalo womuntu othunjiweyo, usuke emini uhambe phambi kwabo njengomuntu othunjiweyo, usuke endaweni yakho uye kwenye indawo phakathi kwabo. Mhlawumbe bazakuqedisisa lanxa bengabantu abahlamukayo.

UDutheronomi 4:23

Qaphelisani funa likhohlwe isivumelwano seNkosi uNkulunkulu wenu eyasenza lani, lenze isithombe esibaziweyo salokho iNkosi uNkulunkulu wenu elinqabele khona.

U-Isaya 1:3

Inkabi iyamazi umniniyo, lobabhemi uyawazi umkolo womnikazi wakhe; kodwa uIsrayeli, abantu bami, kabazi, kabaqedisisi.

UDutheronomi 4:36

Isezulwini yalivumela ukuzwa ilizwi layo, ukuba ilifundise; emhlabeni yalivumela ukubona umlilo wayo omkhulu, lezwa amazwi ayo evela emlilweni.

UDutheronomi 8:6

Ngakhoke lizagcina imithetho yeNkosi uNkulunkulu wenu, lihambe ngendlela zayo, liyesabe.

Izaga 13:24

Uyise ongasebenzisi uswazi uzonda umntanakhe, kodwa omthandayo uyamlaya.

UmTshumayeli 7:14

Thokoza ngosuku lokuphumelela, ngosuku olubi ukhumbule ukuthi uNkulunkulu uzenzile zonke ukuze umuntu angakuboni okuzakwenzeka ngensuku ezizayo.

UDutheronomi 1:31

lasenkangala, lapho libone khona ukuthi iNkosi uNkulunkulu wenu yalithwala njengomuntu ethwala indodana yakhe, kuyo yonke indlela elahamba ngayo laze lafika lapha.

Izaga 3:11

Mntanami, ungadeleli ukulaya kweNkosi, ungathukutheli ngokukhuza kwayo;