UDutheronomi 8:19 - iBhayibhili Elingcwele 1978

¹⁹ Uba likhohlwa iNkosi uNkulunkulu wenu, lilandele abanye onkulunkulu, likhuleke kibo, libakhonze, ngiyalixwayisa lamhla ukuthi lizakubhubha impela.

IBhayibhili Elingcwele LesiNdebele

¹⁹ Nxa lizake likhohlwe uThixo uNkulunkulu wenu beselilandela abanye onkulunkulu libakhonze libakhothamele, ngiyalifungela lamuhla ukuthi lizabhujiswa ngempela.

UDutheronomi 8:19 Referans Kwoze

UDutheronomi 4:26

ngibiza izulu lomhlaba lamhla ukuba kufakaze ngani ukuthi lizabhubha masinyane elizweni elichapha iJordani ukuya kilo ukuba libe ngelenu; kaliyikuhlala kilo isikhathi eside, kodwa lizabhujiswa isibili.

ULukha 13:5

Ngithi kini: Atshi, kodwa uba lingaphenduki, lizakubhubha ngokunjalo lonke.

ULukha 13:3

Ngithi kini: Atshi, kodwa uba lingaphenduki, lizakubhubha ngokunjalo lonke.

UZefaniya 3:6

INkosi ithi: Ngizichithile izizwe, lenqaba zazo zidilikile; ngidilizile imigwaqo yazo ukuze kungahambi muntu ngayo; imizi yazo yenziwe yaba ngamanxiwa, kakusekho loyedwa ohlala kiyo.

UZefaniya 1:18

Isiliva sabo legolide labo kakuyikuba lamandla okubakhulula ngosuku lolaka lweNkosi. Wonke umhlaba uzakuqedwa ngumlilo wolaka lwayo lomona wayo; ngoba izakuqeda, yebo izabajuma ibaqede bonke abakhileyo elizweni.

uAmosi 3:2

Yini kuphela engilikhethileyo, ngalilondoloza ezizweni zonke zomhlaba; ngakhoke ngizalitshaya ngenxa yabo bonke ububi benu.

UDanyeli 9:2

ngomnyaka wokuqala wokubusa kwakhe, mina Daniyeli ngabona ezincwadini ukuthi ubunengi beminyaka yokuchitheka kweJerusalema, elakhuluma ngayo ilizwi leNkosi kuJeremiya umprofethi, uzakuba yiminyaka engamatshumi ayisikhombisa.

1 USamuyeli 12:25

Kodwa uba lisenza okubi, lizachitheka lina kanye lenkosi yenu.

UJoshuwa 23:13

yazinike ukuthi iNkosi uNkulunkulu wenu kayiyikuqhubeka ngokuzixotsha lezizizwe phambi kwenu; kodwa zizakuba yisifu lomjibila kini, zibe luswazi emihlana yenu, lameva emehlweni enu, lize libhubhe liphele kulelilizwe elihle, iNkosi uNkulunkulu wenu elinika lona.

UDutheronomi 31:20

Ngoba lapho sengibangenisile elizweni eligcwele uchago lenyosi engafunga ukubanika lona okhokho babo, sebedlile basutha, bazimuka, bazakuphendukela kwabanye onkulunkulu, babakhonze, bangidelele mina, baphule isivumelwano sami.

UJeremiya 7:6

uba lingacindezeli owezizweni, lentandane, lomfelwakazi, lingachithi igazi elingelacala, lingakhonzi abanye onkulunkulu ukuba lizilimaze ngalokho,

UJeremiya 25:6

lingalandeli abanye onkulunkulu ukubasebenzela lokubakhonza, ukuba lingivuse ulaka ngezithombe elizenzileyo. Kangiyikulenzela okubi.

UMalaki 4:4

Khumbulani umlayo wenceku yami uMose, izimiso lezahlulelo engamlaya ukuzinika uIsrayeli wonke eHorebe.

UDutheronomi 11:16

Qaphelani, funa inhliziyo zenu zikhohliseke, liphambuke, likhonze abanye onkulunkulu, libadumise,